Ar Aghaidh (AN ACHMAIREACHT AR SCEIDIL (A) AGUS (B) DA dTAGARTAR SAN ACHT SO.)

33 1923

Uimhir 33.


ACHT LEITHREASA, 1923.


ACHT CHUN SUIM AS AN bPRÍMH-CHISTE DO CHUR CHUN SEIRBHÍSE NA BLIANA DAR CRÍOCH AN tAONÚ LÁ DÉAG AR FHICHID DE MHÁRTA, MÍLE NAOI gCÉAD A CEATHAIR FICHEAD, AGUS CHUN NA SOLÁTHAIR EILE A DEONADH SA tSIOSÓN SO DEN OIREACHTAS DO CHUR I LEITHREAS.

[8adh Lúnasa, 1923.]

ACHTUIGHEADH OIREACHTAS SHAORSTÁIT ÉIREANN MAR LEANAS:—

Deontaisi as an bPrimh-Chiste.

£31,312,811 do thabhairt amach as an bPrímh-Chiste.

1. —Féadfidh an tAire Airgid suim aon mhilleon déag ar fhichid, trí chéad míle is dhá mhíle dhéag, ocht gcéad is aon phunt déag do thabhairt amach as an bPrímh-Chiste agus í do chur chun iomlánú do dhéanamh ar an soláthar a deonadh chun seirbhíse na bliana dar críoch an t-aonú lá déag ar fhichid de Mhárta míle naoi gcéad a ceathair fichead.

Comhacht don Aire Airgid chun airgead d'fháil ar iasacht

2. —(1) Ar chreidiúint na suime sin féadfidh an tAire Airgid aon tsuim no suimeanna ná raghaidh a n-iomlán thar aon mhilleon déag ar fhichid, trí chéad míle is dhá mhíle dhéag, ocht gcéad is aon phunt déag d'fháil ar iasacht o aon duine agus féadfidh Banc na hÉireann an céanna do roimh-íoc leis agus chun críche na hiasachta san féadfidh an tAire Airgid aon urúsanna do bhunú agus do thabhairt amach ar pé ráta úis agus fé pé coiníollacha is oiriúnach leis i dtaobh aisíoca, fuascailte no éinní eile.

(2) Is ar an bPrímh-Chiste no ar a thora fáis a bheidh muirear colna agus úis aon urúsanna a tabharfar amach fén Acht so agus muirear na gcostaisí fé n-a raghfar i dtaobh tabhairt amach na n-urús san.

(3) Aon airgead a gheobhfar de bharr urúsanna a tabharfar amach fén Acht so cuirfar chun creidiúna do chuntas an Stát-Chiste é agus beidh sé mar chuid den Phrímh-Chiste agus beidh sé ar fáil in aon tslí ‘na mbeidh an Ciste sin ar fáil.

Deontaisi do Chur i Leithreas.

Suimeanna a vótáladh i gcóir seirbhísí solathair do chur i leithreas

3. —Na suimeanna uile a deontar as an bPrímh-Chiste sin, leis an Acht so agus leis an Acht eile a luaidhtear i Sceideal (A) a ghabhann leis an Acht so, chun an soláthar a deonadh do dhéanamh iomlán agus ‘na ndineann a n-iomlán, mar is léir ón Sceideal san, suim sé milleon is dachad, céad is cheithre mhíle, ocht gcéad naoi bpúint déag is cheithre fichid, cuirfar iad agus tuigfar iad do bheith curtha i leithreas, o dháta rithte an Achta a luaidhtear sa Sceideal san (A), chun na seirbhísí agus na gcríoch a luaidhtear i Sceideal (B) a ghabhann leis seo.

An achmaireacht ar sceidil agus na sceidil a ghabhann leis seo, maraon leis na nótaí (más ann dóibh) a ghabhann leis na sceidil sin, tuigfar gur cuid den Acht so iad díreach fé mar a bheidís i gcorp an Achta so.

I dteanta na suimeanna a deontar leis seo as an bPrímh-Chiste, féadfar na suimeanna a taisbeántar fé seach sa cholún deiridh de Sceideal (B) a ghabhann leis seo do chur chun úsáide amach as aon airgead a hórduítear fé Alt a dó den Acht ar Chuntaisí Puiblí agus Muirir, 1891, a chur chun úsáide mar leithreasaí i gcabhair do sna deontaisí i gcóir na seirbhísí agus na gcríoch a luaidhtear sa sceideal san.

Faisnéis is gá a dhéanamh i gcásanna áirithe sara bhfuighfar suimeanna a cuireadh i leithreas.

4. —Ní bhfuighidh éinne aon chuid de dheontas a deonfar, do réir an Achta so, i gcóir seirbhísí neamh-fheidhmiúla go dtí go ndéanfa sé pé faisnéis a hordófar o am go ham, le barántas ón Aire Airgid, do shighniú i bhfianaise duine de sna daoine a luadhfar sa bharántas san.

Ach má dintar aon íocaíocht den tsórt san níos minicí ná uair sa ráithe féadfidh an tAire Airgid cead do thabhairt gan ach aon fhaisméis amháin do thabhairt i láthair i gcóir gach ráithe.

Einne a dhéanfidh faisnéis chun críche an ailt seo agus a fhios aige neamh-fhírinne do bheith in aon phonc táchtach di, beidh sé ciontach i mí-iompar.

Gearr-Theideal.

5. —Féadfar, chun gach críche, an tAcht Leithreasa, 1923 , do ghairm den Acht so.