|
|||||
|
Ar Aghaidh (CEAD SCEIDEAL.—CUID I.) |
[EN] | ||
Uimhir 60 de 1924. | ||
[EN] |
ACHT UM DHLÍTHE ATÁ AG DUL IN EUG, 1924. | |
ACHT CHUN ACHTACHÁIN ÁIRITHE ATÁ AG DUL IN EUG DO DHÉANAMH BUAN AGUS CHUN ACHTACHÁIN ÁIRITHE EILE ATÁ AG DUL IN EUG DO CHIMÉAD BEO GO CEANN TRÉIMHSE TEORANTA. | ||
[20adh Mí na Nodlag, 1924.] |
DE BHRÍ go bhfuil na hAchtanna atá luaidhte sa Chéad Sceideal agus sa Dara Sceideal a ghabhann leis an Acht so, sa mhéid go bhfuilid i bhfeidhm i Saorstát Éireann agus sa mhéid gur diombuan a ré, go bhfuilid le dul in eug ar an 31adh lá de Mhí na Nodlag, 1924: | ||
AGUS DE BHRÍ go bhfuil sé oiriúnach na hAchtanna atá luaidhte sa Chéad Sceideal agus sa Dara Sceideal a ghabhann leis an Acht so agus na hachtacháin le n-a leasuítear iad no a dhineann difir dóibh do dhéanamh buan, agus do chimeád beo, fé seach mar a luaidhtear san Acht so: | ||
ACHTUIGHEADH OIREACHTAS SHAORSTáIT ÉIREANN AR AN ÁBHAR SAN MAR LEANAS:— | ||
[EN] |
Na hAchtanna sa Chéad Sceideal do dhéanamh buan. |
1. —(1) Déanfar Achtanna buana de sna hAchtanna atá luaidhte sa Chéad Sceideal a ghabhann leis an Acht so, sa mhéid a háirítear sa tríú colún den Sceideal san, agus aon fhoráil atá in aon Acht atá i bhfeidhm ar dháta rithte an Achta so agus a chuireann teora leis an tréimhse a bheidh aon cheann de sna hAchtanna so no aon choda dhíobh i bhfeidhm raghaidh a héifeacht in eug. |
[EN] | (2) Aon achtacháin nár hathghairmeadh agus a dhineann leasú ar na hachtacháin a dintear buan leis an alt so, no a dhineann difir dóibh, déanfar buan iad sa chuma chéanna, sa mhéid gur diombuan a ré, pe'ca táid luaidhte sa Chéad Sceideal a ghabhann leis an Acht so no ná fuilid. | |
[EN] |
Na hAchtanna sa Dara Sceideal do chimeád beo. |
2. —(1) Cimeádfar beo go dtí an 31adh lá de Mhí na Nodlag, 1925, na hAchtanna atá luaidhte sa Dara Sceideal a ghabhann leis an Acht so, sa mhéid a háirítear sa tríú colún den sceideal san, agus raghaid in eug ansan mara gcimeádtar beo níos sia iad. |
[EN] | (2) Aon achtacháin nár hathghairmeadh agus a dhineann leasú ar na hachtacháin a cimeádtar beo leis an alt so, no a dhineann difir dóibh, cimeádfar beo iad sa chuma chéanna, sa mhéid gur diombuan a ré, pe'ca táid luaidhte sa Dara Sceideal a ghabhann leis an Acht so no ná fuilid. | |
[EN] |
Gearr-theideal. |
3. —Féadfar an tAcht um Dhlithe atá ag Dul in Eug, 1924 , do ghairm den Acht so. |