Uimhir 36 de 1925.

ACHT UM ÁRACHAS SLÁINTE NÁISIÚNTA, 1925.

ACHTUIGHEADH OIREACHTAS SHAORSTáIT ÉIREANN MAR LEANAS:—

1. —San Acht so—

cialluíonn an focal “Acht 1924” an t Acht um Arachas Sláinte Náisiúnta, 1924 (Uimh. 30 de 1924) ;

cialluíonn an focal “Ciste Liaigh-Dheimhniúcháin” an Ciste Liaigh-Dheimhniúcháin a bunuíodh do réir Acht 1924.

2. —(1) Cuirfar—

(a) i gcoinnibh ciste sochair gach cumainn cheaduithe, suim chúig pingne in aghaidh gach baill (nách saighdiúir ar seirbhís) den chumann cheaduithe sin, agus

(b) i gcoinnibh Ciste Arachais na bhFórsaí Mileata (Socruithe Idirnáisiúnta) suim chúig pingne in aghaidh gach baill (nách saighdiúir ar seirbhís) den chiste sin, agus

(c) i gcoinnibh Ciste na Síntiúsairí Taisce suim chúig pingne in aghaidh gach baill den chiste sin, agus

(d) i gcoinnibh Ciste na nDaoine Saora, suim dhá phingin go leith in aghaidh gach baill den chiste sin.

(2) Na suimeanna iomdha a horduítear leis an bhfo-alt san roimhe seo a chur i gcoinnibh ciste sochair gach cumainn cheaduithe, Ciste na bhFórsaí Mileata (Socruithe Idirnáisiúnta), Ciste na Síntiúsairí Taisce agus Ciste na nDaoine Saora fé seach, cuirfear iad chun creidiúna don Chiste Liaigh-Dheimhniúcháin.

(3) Chun an tsuim iomlán a bheidh le cur i gcoinnibh aon chiste fén alt so d'áireamh, déanfar lán-uimhir na mball (nách saigh diúirí ar seirbhís) de chumann no de chiste d'áireamh i pé slí a ordóidh Coimisinéirí Arachais na hÉireann.

3. —(1) Pé cuid a ordóidh Coimisinéirí Arachais na hÉireann de sna suimeanna a haistreofaí chun Prímh-Chiste an Arachais Sláinte Náisiúnta do réir alt 29 den National Health Insurance Act, 1918 (le n-a socruítear conus a deighleálfar le suimeanna a bheidh i gCúntas Díolacháin na Stampaí agus ná héileofar), cuirfar í chun creidiúna don Chiste Liaigh-Dheimhniúcháin, fé réir na teorann a horduítear ina dhiaidh seo anso, in ionad í aistriú amhlaidh.

(2) An méid iomlán a cuirfar chun creidiúna don Chiste Liaigh-Dheimhniúcháin fén alt so, ní ragha sé thar pé méid is leor, i dteanta na suimeanna a cuirfar chun creidiúna don Chiste sin fé sna forálacha roimhe seo den Acht so, chun na suimeanna san d'íoc a horduítear leis an Acht so a íoc amach as an gCiste Liaigh-Dheimhniúcháin.

4. —Íocfar amach as an gCiste Liaigh-Dheimhniúcháin—

(a) pé suimeanna i gcóir na bliana 1925 a shocróidh Coimisinéirí Arachais na hÉireann, le cead ón Aire Airgid, a bheith iníoctha le dochtúirí leighis i gcóir liaigh-dheimhniúcháin, agus

(b) le gach cumann ceaduithe suim a háireofar do réir ráta nách mó ná pingin agus leathphinge per annum in aghaidh gach baill (nách saighdiúir ar seirbhís) den chumann, pé suim is gá chun aon tsuimeanna d'íoc a cheadóidh an tAire Airgid a íoc tar éis an 31adh lá de Mhí na Nodlag, 1924, leis an gcumann ceaduithe sin mar gheall ar chostas ath-bharúla leighighe d'fháil roimh an gcéad lá d'Fheabhra, 1925, agus

(c) pé suim is gá chun íoc do dhéanamh i gcostas ath-bharúla leighighe d'fháil an 1adh lá d'Fheabhra, 1925, no dá éis sin, tré dhochtúirí réitigh fé scéim a bhunóidh Coimisinéirí Arachais na hÉireann chuige sin le cead ón Aire Airgid.

5. —(1) Tuigfar an tAcht so do theacht i ngníomh an chéad lá d'Eanair, 1925, agus beidh sé i bhfeidhm agus beidh éifeacht aige an lá san agus ón lá san amach.

(2) Féadfar an tAcht um Arachas Sláinte Náisiúnta, 1925 , do ghairm den Acht so agus léireofar é mar éinní amháin leis na hAchtanna um Arachas Sláinte Náisiúnta, 1911 go 1924.

(3) Féadfar na hAchtanna um Arachas Sláinte Náisiúnta, 1911 go 1924, agus an tAcht so do luadh le chéile fén ainm na hAchtanna um Arachas Sláinte Náisiúnta, 1911 go 1925.