|
|||||
|
[EN] | ||
Uimhir 34 de 1931. | ||
[EN] |
ACHT UM OIRIÚNÚ ACHTANNA, 1931. | |
ACHT CHUN SOCRUITHE DO DHÉANAMH CHUN ACHTANNA DO RITH PÁIRLIMINT A BHÍ INA SUIDHE IN ÉIRINN UAIR AR BITH ROIMH THEACHT I nGNÍOMH DON UNION WITH IRELAND ACT, 1800, AGUS ORDUITHE, RIALACHA AGUS RIALACHÁIN DO RINNEADH FÉ SNA hACHTANNA SAN DO CHUR IN OIRIÚINT DO CHÚRSAÍ SHAORSTÁIT ÉIREANN. [31adh Iúl, 1931.] |
ACHTUIGHEADH OIREACHTAS SHAORSTáIT ÉIREANN MAR LEANAS:— | ||
[EN] |
Míniú. |
1. —San Acht so cialluíonn an abairt “reacht Éireannach” Acht do rith Páirlimint a bhí ina suidhe in Éirinn uair ar bith roimh theacht i ngníomh don Union with Ireland Act, 1800. |
[EN] |
Reachtanna Eireannacha d'oiriúnú. |
2. —Féadfaidh an Ard-Chomhairle o am go ham, le hordú, oiriúnuithe no atharuithe, generálta no áirithe, do dhéanamh in aon reacht Éireannach ag a bhfuil feidhm dlí i Saorstát Éireann, pé oiriúnuithe no atharuithe is dóich leis an Ard-Chomhairle do bheith riachtanach chun lán-fheidhme agus lán-éifeachta do bheith ag an reacht san i Saorstát Éireann. |
[EN] |
Orduithe, rialacha agus rialacháin reachtúla d'oiriúnú. |
3. —(1) An chomhacht a bronntar leis an Acht so chun oiriúnuithe no atharuithe do dhéanamh i reacht Éireannach bainfe sí le gach ordú, riail agus rialachán do rinneadh fén reacht san agus ag a bhfuil feidhm dlí i Saorstát Éireann. |
[EN] | (2) Gach oiriúnú no atharú déanfar fén Acht so in aon reacht Éireannach bainfe sé le gach ordú, riail, agus rialachán do rinneadh fén reacht san agus ag a bhfuil feidhm dlí i Saorstát Éireann. | |
[EN] |
Orduithe do leagadh fé bhráid an Oireachtais. |
4. —Gach ordú dhéanfaidh an Ard-Chomhairle fén Acht so leagfar é fé bhráid gach Tighe den Oireachtas chó luath agus is féidir é tar éis a dhéanta agus má dheineann ceachtar Tigh den Oireachtas, laistigh den lá is fiche shuidhfidh an Tigh sin tar éis an orduithe sin do leagadh fé n-a bhráid, rún do rith ag cur an orduithe sin ar nea-mbrí, beidh an t-ordú san curtha ar nea-mbrí dá réir sin ach beidh san gan dochar do dhleathacht éinní do rinneadh roimhe sin fén ordú san. |
[EN] |
Gearr-theideal. |
5. —Féadfar an tAcht um Oiriúnú Achtanna, 1931 , do ghairm den Acht so. |