CUID VII.

Generalta.

51. —Cuirtear fé chúram agus fé bhainistí na gCoimisinéirí Ioncuim leis seo gach cáin agus diúité (ach amháin na diúitéthe máil ar fheithiclí inncall-ghluaiste) a forchuirtear no a buanuítear leis an Acht so.

52. —Deintear leis seo na hachtacháin uile agus fé seach a luaidhtear sa Chúigiú Sceideal a ghabhann leis an Acht so d'athghairm sa mhéid a luaidhtear sa tríú colún den Sceideal san agus beidh an athghairm sin fé mar de bheadh éifeacht aici ar na dátaí uile agus fé seach a luaidhtear sa cheathrú colún den Sceideal san agus o sna dátaí sin amach.

53. —(1) Féadfar an tAcht Airgid, 1932 , do ghairm den Acht so.

(2) Léircofar Cuid I den Acht so i dteanta na nAchtanna Cánach Ioncuim, agus léireofar Cuid II den Acht so, sa mhéid go mbaineann sí le diúitéthe custum, i dteanta na nAchtanna Custum, agus, sa mhéid go mbaineann sí le diúitéthe máil, i dteanta na Reachtanna Briotáineacha agus na nAchtanna den Oireachtas a bhaineann leis na diúitéthe máil agus le bainistí na ndiúitéthe sin.

(3) Ach amháin sa mhéid go bhforáltar go soiléir a mhalairt, tuigfear Cuid I den Acht so do theacht i bhfeidhm an 6adh lá d'Abrán, 1932, agus beidh éifeacht aici an lá san agus as san amach.