|
|||||
|
An Chéad Lch. | Lch. Roimhe Seo (CEAD SCEIDEAL. Oibreacha A hUdaruitear do Ghabhail de Laimh.) |
ACHT LEICTREACHAIS (SOLÁTHAR) (LEASÚ) (UIMH. 2), 1934
[EN] | ||
[EN] |
DARA SCEIDEAL. Fiosruchain Phuibli. | |
[EN] | 1. Isé dhéanfaidh an fiosrúchán ná pé duine cheapfaidh an tAire agus déanfar é pé am agus i pé áit a cheapfaidh an tAire. | |
[EN] | 2. Cuirfidh an Bord fé ndeár fógra do thabhairt, i pé slí ordóidh an tAire, don phuiblíocht agus do pé daoine áirithe luadhfaidh an tAire, i dtaobh an fhiosrúcháin do dhéanamh. | |
[EN] | 3. Beidh ag neach déanta an fhiosrúcháin, chun a chur fhiachaint ar fhínnithe teacht i láthair agus chun a gceistnithe fé mhionn (agus údaruítear leis seo don duine sin fínnithe do chur fén mionn san) no ar aon tslí eile agus chun a chur fhiachaint ar dhaoine scríbhinní do thabhairt i láthair, beidh aige gach comhacht, ceart agus príbhléid atá dílsithe san Ard-Chúirt no i mBreitheamh den Ard-Chúirt maidir le triail aicsin, agus beidh gairm fé láimh an duine sin ar aon dul agus ar aon éifeacht le próiseas fuirmeálta do bhéarfadh an Ard-Chúirt amach chun a chur fhiachaint ar fhínnithe teacht i láthair agus a chur fhiachaint ar dhaoine scríbhinní do thabhairt i láthair, pe'ca aca é. | |
[EN] | 4. Má thárlann d'éinne— | |
[EN] | (a) faillí do thabhairt i dteacht i láthair ag an bhfiosrúchán agus é gairmthe go cuibhe chun teacht i láthair mar fhínné, no | |
[EN] | (b) ar bheith i láthair do mar fhínné, diúltú do mhionn do thabhairt a cheanglóidh neach déanta an fhiosrúcháin air go dlíthiúil a thabhairt, no d'aon scríbhinn do thabhairt i láthair a cheanglóidh neach déanta an fhiosrúcháin air go dlíthiúil a thabhairt i láthair, no d'aon cheist do fhreagairt a cheanglóidh neach déanta an fhiosrúcháin air go dlithiúil a fhreagairt, no | |
[EN] | (c) éinní eile do dhéanamh ba dhísbeagadh cúirte dá mba Chúirt Bhreithiúnais neach déanta an fhiosrúcháin agus comhacht aige chun daoine do chur i bpríosún mar gheall ar dhísbeagadh cúirte, | |
[EN] | féadfaidh neach déanta an fhiosrúcháin cionta an duine sin do dheimhniú fé n-a láimh do Ard-Chúirt agus féadfaidh an Chúirt sin, tar éis pé fiosrú is oiriúnach léi do dhéanamh, an duine sin do phionósú no pé ní do dhéanamh is gá chun é do phionósú díreach fé is dá mbeadh sé ciontach sa Chúirt sin do dhísbeagadh. | |
[EN] | 5. Beidh teideal ag fínné i láthair fiosrúcháin a déanfar fén Acht so chun na saoirsí agus na bpríbhléidí céanna chun a mbeadh teideal aige dá mb'fhínné i láthair na hArd-Chúirte é. | |
[EN] | 6. Íocfaidh an Bord leis an Aire na costaisí uile fé n-a raghaidh an tAire chun an fhiosrúcháin do dhéanamh, agus isé an tAire shocróidh méid na gcostaisí sin agus ar é do bheith socruithe amhlaidh féadfaidh an tAire é do bhaint den Bhord mar fhiacha síbhialta in aon chúirt dlighinse inniúla. |