|
|||||
|
An Chéad Lch. | Lch. Roimhe Seo (CUID I. Reamhraiteach agus Ginearalta.) | Ar Aghaidh (CUID III. Seirbhis Mhathar agus Linbh.) |
AN tACHT SLÁINTE, 1947
[EN] | ||
[EN] |
CUID II. Forais. | |
[EN] |
Forais sláinte a sholáthar agus a chothabháil. |
10. —(1) Féadfaidh údarás sláinte, le toiliú an Aire agus do réir na n-ordachán (más ann) a bhéarfas sé ó am go ham, aon fhoras a sholáthar agus a chothabháil is dóigh leo is gá agus aon fhoras a bheas á chothabháil acu de bhun an ailt seo d'athchóiriú, a mhéadú nó d'athrú ar shlí eile. |
[EN] | (2) Féadfaidh an tAire, tar éis dó fiosrúchán áitiúil a chur ar siúl féachaint arbh inmhianuithe sin a dhéanamh, a ordú, le hordú, d'údarás sláinte:— | |
[EN] | (a) foras de shaghas agus de mhéid a sonrófar a sholáthar agus a chothabháil in áit a sonrófar, nó | |
[EN] | (b) aon fhoras a bheas á chothabháil acu de bhun an ailt seo d'athchóiriú, a mhéadú nó d'athrú ar shlí eile a sonrófar; | |
[EN] | agus déanfaidh an t-údarás sláinte sin do réir an orduithe sin. | |
[EN] | (3) Déanfaidh údarás sláinte, aon uair a ordós an tAire amhlaidh le hordú:— | |
[EN] | (a) siltean, aerú, soláthar uisce, solas, teas nó aon tseirbhís eile, nua nó feabhsaithe nó breise, a sholáthar do réir an orduithe le haghaidh aon fhorais a bheas á chothabháil acu de bhun an ailt seo, | |
[EN] | (b) na daingneáin, na feistis, an troscán, na fearais mháinliachta agus liachta, agus na háiseanna eile uile a hordófar leis an ordú a sholáthar agus a chothabháil in aon fhoras a bheas á chothabháil amhlaidh. | |
[EN] | (4) Aon fhoras a bheas, i dtosach feidhme an ailt seo, á chothabháil ag údarás sláinte faoi aon achtachán a hathghairmtear leis an Acht seo, is tuigthe é a bheith arna sholáthar faoin alt seo ag an údarás sin. | |
[EN] |
Foras sláinte d'fhorscor. |
11. —(1) Féadfaidh údarás sláinte, le toiliú an Aire, foras sláinte a bheas á chothabháil acu nó aon roinn d'fhoras sláinte den tsórt sin d'fhorscor amhail ó dháta sonraithe. |
[EN] | (2) Féadfaidh an tAire, tar éis dó fiosrúchán áitiúil a chur ar siúl féachaint arbh inmhianuithe sin a dhéanamh, a ordú, le hordú, d'údarás sláinte foras sláinte a bheas á chothabháil acu nó aon roinn d'fhoras den tsórt sin d'fhorscor amhail ó dháta sonraithe. | |
[EN] | (3) I gcás ina ndéanfar foras sláinte nó roinn d'fhoras sláinte d'fhorscor faoi fho-alt (1) den alt seo, féadfaidh an tAire, le hordú, pé forála a dhéanamh a chífear dó is gá agus is cuí i dtaobh nithe a bheas ag gabháil leis an bhforscor nó ag leanúint as. | |
[EN] | (4) I gcás ina ndéanfar foras sláinte nó roinn d'fhoras sláinte d'fhorscor le hordú faoi fho-alt (2) den alt seo:— | |
[EN] | (a) féadfaidh an tAire, le hordú, pé forála a dhéanamh a chífear dó is gá agus is cuí i dtaobh nithe a bheas ag gabháil leis an bhforscor nó ag leanúint as, | |
[EN] | (b) féadfaidh an tAire, más cuí leis, a ordú, le hordú, don údarás foras de shaghas nó de mhéid a sonrófar a sholáthar agus a chothabháil in áit a sonrófar in ionad an fhorais nó na roinne forscortha. | |
[EN] | (5) Comhlíonfaidh údarás sláinte gach ordú a déanfar ina dtaobh faoin alt seo. | |
[EN] |
Comhaontú maidir húsáid forais. |
12. —(1) In ionad nó i dteannta iad fhéin do sholáthar forais de shórt áirithe, féadfaidh údarás sláinte, le toiliú an Aire, comhaontú a dhéanamh agus a chur i gcrích le duine ag á mbeidh bainistí forais den tsórt chéanna chun na daoine seo leanas d'úsáid an fhorais:— |
[EN] | (a) áitreabhach áirithe i líomatáiste feidhme an údaráis sláinte, nó | |
[EN] | (b) áitreabhaigh uile an líomatáiste sin, nó | |
[EN] | (c) pé áitreabhaigh acu sin a bhaineas le haicme áirithe. | |
[EN] | (2) Aon chomhaontú a bhí i bhfeidhm díreach roimh thosach feidhme an ailt seo agus dob fhéidir a dhéanamh faoin alt seo ar theacht i bhfeidhm don alt seo, is tuigthe, ar theacht i bhfeidhm don alt seo agus dá éis sin, é bheith ina chomhaontú a rinneadh faoin alt seo agus beidh éifeacht aige dá réir sin. | |
[EN] |
Comhúsáid foras áirithe ag údarás sláinte agus ag údarás cúnaimh phoiblí. |
13. —(1) Féadfaidh údarás sláinte agus údarás cúnaimh phoiblí, le toiliú an Aire, comhaontú a dhéanamh agus a chur i gcrích:— |
[EN] | (a) chun an t-údarás cúnaimh phoiblí sin d'úsáid aon fhorais sláinte nó aon choda d'fhoras sláinte, nó | |
[EN] | (b) chun an t-údarás sláinte sin d'úsáid aon fhorais nó íclainne ceantair a soláthraíodh faoi Acht 1939 nó d'úsáid coda d'aon fhoras nó d'aon íclainn cheantair den tsórt sin. | |
[EN] | (2) I gcás ina dtarlóidh, de bhun comhaontuithe arna dhéanamh faoi fho-alt (1) den alt seo, go n-úsáidfidh údarás cúnaimh phoiblí foras sláinte nó cuid d'fhoras sláinte chun críocha íclainne, is tuigthe an íclann sin a bheith arna soláthar go cuí faoi alt 42 d'Acht 1939. | |
[EN] | (3) San alt seo— | |
[EN] | ciallaíonn an abairt “Acht 1939” an t Acht um Chúnamh Phoiblí, 1939 (Uimh. 27 de 1939) ; | |
[EN] | ciallaíonn an abairt “údarás cúnaimh phoiblí” údarás cúnaimh phoiblí faoi Acht 1939. | |
[EN] |
Foras ceantoir d'aistriú. |
14. —(1) Féadfaidh an tAire, le hordú, foras ceantair a bheas á chothabháil ag údarás cúnaimh phoiblí faoi alt 31 den Acht um Chúnamh Phoiblí, 1939 (Uimh. 27 de 1939) , d'aistriú chun údaráis sláinte a mbeidh an t-iomlán nó cuid shubstainteach de líomatáiste feidhme an údaráis chúnaimh phoiblí ina líomatáiste feidhme. |
[EN] | (2) Beidh in aon ordú faoin alt seo pé forála is gá nó is fóirstineach leis an Aire chun a chumasú d'údarás sláinte an foras ceantair lena mbaineann an t-ordú a ghabháil chucu agus a chothabháil do réir an orduithe. | |
[EN] | (3) Gan dochar do ghinearáltacht fo-ailt (2) den alt seo, beidh in aon ordú faoin alt seo, ag aistriú forais cheantair ó údarás cúnaimh phoiblí chun údaráis sláinte, pé forála, maidir le ceachtar ní nó leis an dá ní acu seo a leanas, is gá nó is fóirstineach leis an Aire chun na gcríocha a luaitear sa bhfo-alt sin (2), is é sin le rá:— | |
[EN] | (a) cearta maoine agus dliteanais a choigeartú, | |
[EN] | (b) sealbhóirí ar oifigí faoin údarás cúnaimh phoiblí, a mbaineann a ndualgais le seoladh an fhorais, d'aistriú chun oifigí den tsórt chéanna faoin údarás slóinte. | |
[EN] | (4) I gcás ina ndéanfar, le hordú faoin alt seo, sealbhóir ar oifig faoi údarás cúnaimh phoiblí d'aistriú chun oifige den tsórt chéanna faoi údarás sláinte, is tuigthe, chun críocha aon achtacháin a bhaineas le haoisliúntas, gan deireadh a bheith curtha leis an oifig chéadluaite. | |
[EN] | (5) Nuair a haistreofar foras ceantair chun údaráis sláinte le hordú faoin alt seo, beidh éifeacht ag an ordú sin do réir a théarmaí agus is tuigthe an foras a bheith arna sholáthar faoi alt 10 den Acht seo ag an údarás sláinte. | |
[EN] |
Foras a bheas á chothabháil ag údarás sláintíochta d'aistriú. |
15. —(1) I gcás ina mbeidh, ar an dáta ceaptha, foras á chothabháil ag údarás sláintíochta uirbeach (nach bardas contaebhuirge) chun críche cumhacht agus dualgas a forchuireadh orthu le hachtachán nó faoi achtachán a hathghairmtear leis an Acht seo, féadfaidh an tAire, le hordú, an foras sin d'aistriú chun údaráis sláinte a mbeidh líomatáiste feidhme an údaráis sláintíochta ina líomatáiste feidhme. |
[EN] | (2) Beidh in aon ordú faoin alt seo pé forála is gá nó is fóirstineach leis an Aire chun a chumasú d'údarás sláinte an foras lena mbaineann an t-ordú a ghabháil chucu agus a chothabháil do réir an orduithe. | |
[EN] | (3) Gan dochar do ghinearáltacht fo-ailt (2) den alt seo, beidh in aon ordú faoin alt seo, ag aistriú forais ó údarás sláintíochta chun údaráis sláinte, pé forála, maidir le ceachtar ní nó leis an dá ní acu seo a leanas, is gá nó is fóirstineach leis an Aire chun na gcríocha a luaitear sa bhfo-alt sin (2), is é sin le rá:— | |
[EN] | (a) cearta maoine agus dliteanais a choigeartú; | |
[EN] | (b) sealbhóirí ar oifigí faoin údarás sláintíochta, a mbaineann a ndualgais le seoladh an fhorais, d'aistriú chun oifigí den tsórt chéanna faoin údarás sláinte. | |
[EN] | (4) I gcás ina ndéanfar, le hordú faoin alt seo, sealbhóir ar oifig faoi údarás sláintíochta d'aistriú chun oifige faoi údarás sláinte, is tuigthe chun críocha aon achtacháin a bhaineas le haoisliúntas, gan deireadh a bheith curtha leis an oifig chéadluaite. | |
[EN] | (5) Nuair a haistreofar foras chun údaráis sláinte le hordú faoin alt seo, beidh éifeacht ag an ordú sin do réir a théarmaí agus is tuigthe an foras a bheith arna sholáthar faoi alt 10 den Acht seo ag an údarás sláinte. | |
[EN] | (6) San alt seo, ciallaíonn an abairt “an lá ceaptha” an lá a ceapfar le hordú faoi alt 3 den Acht seo chun na forála den Acht seo a theacht i ngníomh a athghairmeas an t-achtachán ar leis nó faoi a bronnadh nó a forchuireadh cumhacht agus dualgas cothabhála an fhorais ar an údarás sláintíochta. | |
[EN] |
Ospidéal Naomh Maighréid Chortóna d'aistriú chun Bardais Bhaile Atha Cliath. |
16. —(1) Féadfaidh an tAire, le toiliú an Aire Airgeadais, rialú agus bainistí an Ospidéil d'aistriú, le hordú, chun an Bhardais. |
[EN] | (2) Beidh in aon Ordú faoin alt seo pé forála is gá nó is fóirstineach leis an Aire chun a chumasú don Bhardas an tOspidéal a ghabháil chucu agus a chothabháil agus féadfaidh sé, go sonrach, socrú a dhéanamh le haghaidh aon ní acu seo a leanas:— | |
[EN] | (a) Bord Rialtóirí an Ospidéil a scor, | |
[EN] | (b) maoin, réadach nó pearsanta (lena n-áirítear chosesin-action), d'aistriú, | |
[EN] | (c) fiacha agus dliteanais d'aistriú, | |
[EN] | (d) oifigigh agus seirbhísigh d'aistriú. | |
[EN] | (3) Má haistrítear an tOspidéal le hordú faoin alt seo, is tuigthe é a bheith arna sholáthar faoi alt 10 den Acht seo ag an mBardas. | |
[EN] | (4) San alt seo— | |
[EN] | ciallaíonn an abairt “an Bardas” Ard-Mhéara Ró-Onórach, Seanóirí agus Buirgéisigh Bhaile Atha Cliath; | |
ciallaíonn an abairt “an tOspidéal” Ospidéal Naomh Maighréid Chortóna dá ngairmtí an Westmoreland Lock Hospital. | ||
[EN] |
Muirir i leith seirbhísí forais. |
17. —(1) I gcás ina bhfaighfidh duine seirbhísí forais ó údarás sláinte nó de bhun comhaontuithe arna dhéanamh ag údarás sláinte faoi alt 12 den Acht seo, féadfaidh an t-údarás sláinte, as a gcomhairle féin, ach faoi réir forál ailt 24 den Acht um Arachas Sláinte Náisiúnta, 1929 (Uimh. 42 de 1929) , agus faoi réir aon rialachán iomchuí faoi alt 28 nó alt 31 den Acht seo, suim réasúnach d'éileamh i leith na seirbhísí sin. |
[EN] | (2) I gcás ina gcoinneofar duine i bhforas faoi alt 38 den Acht seo, ní gearrfar aon mhuirear faoin alt seo i leith aon tseirbhísí forais a gheobhaidh an duine sin le linn na coinneála sin. | |
[EN] | (3) Nuair a beifear á chinneadh cad is suim réasúnach le héileamh faoin alt seo i leith seirbhísí a fuair duine ar bith, bhéarfar aird ar chúrsaí airgeadais an duine sin. | |
[EN] | (4) Féadfar suim a héileofar faoi fho-alt (1) den alt seo i leith seirbhísí forais a fuair duine ar bith ó údarás sláinte d'aisghabháil mar fhiach gnáthchonartha in aon chúirt dlínse inniúla:— | |
[EN] | (a) ón duine sin nó, i gcás an duine sin a bheith tar éis bháis óna ionadaí pearsanta dlíthiúil, nó | |
[EN] | (b) ó dhuine ar bith eile a dhlíos an duine sin a chothabháil chun críocha an Achta um Chúnamh Phoiblí, 1939 ( Uimh. 27 de 1939 ), de bhuaidh ailt 27 den Acht sin nó, i gcás an duine eile sin a bheith tar éis bháis, óna ionadaí pearsanta dlíthiúil. | |
[EN] |
Bainistí foras sláinte. |
18. —(1) Féadfaidh údarás sláinte, le ceadú an Aire, rialacha a dhéanamh chun foras sláinte a bheas á chothabháil acu a sheoladh agus a bhainistí, chun othair a bheas sa bhforas nó a bheas á fhreastal a rialáil agus chun othair a ghlacadh (lena n-áirítear iad a ghlacadh ar théarmaí speisialta maidir le híocaíocht agus cóiríocht) sa bhforas. |
[EN] | (2) Gach riail a rinneadh faoi fho-alt (4) d'alt 5 (a hathghairmtear leis an Acht seo) den Tuberculosis Prevention (Ireland) Act, 1908, agus a bhí i bhfeidhm díreach roimh thosach feidhme an ailt seo, leanfaidh sí, ar an alt seo a theacht i bhfeidhm agus dá éis sin, de bheith i bhfeidhm agus is tuigthe í a bheith arna déanamh faoin alt seo agus í a bheith inleasuithe nó inchúlghairmthe dá réir sin. | |
[EN] |
Leasú ar fho-alt (2) d'alt 6 den Acht Eitinne (Sanatoria a Bhunú), 1945. |
19. —Déanfar na tagairtí i bhfo-alt (2) d'alt 6 den Acht Eitinne (Sanatoria a Bhunú), 1945 (Uimh. 4 de 1945) , do na Tuberculosis Prevention (Ireland) Acts, 1908 and 1913, a léiriú mar thargairtí don Chuid seo den Acht seo. |
[EN] |
Cumhacht chun talamh a sholáthar d'fhoras. |
20. —(1) Aon uair is deimhin le húdarás sláinte go dtugtar nó go dtabharfar seirbhís thairbheach do dhaoine a dteastaíonn seirbhísí forais uathu trí sheirbhísí den tsórt sin a sholáthar i bhforas i líomatáiste feidhme an údaráis sláinte sin, féadfaidh an t-údarás sláinte sin, ar chomhlucht rialúcháin an fhorais sin dá iarraidh sin agus le toiliú an Aire, aon talamh a sholáthar don fhoras sin a gcruthóidh an comhlucht rialúcháin sin chun sástachta an údaráis sláinte sin, é a bheith ag teastáil chun feidhmeanna an fhorais sin a chomhlíonadh héifeachtúil nó chun é a mhéadú nó a leathnú. |
[EN] | (2) Má chinneann údarás sláinte ar aon talamh a sholáthar faoin alt seo d'fhoras, féadfaidh an t-údarás sláinte sin an talamh sin a thógaint trí chomhaontú le toiliú an Aire nó go héigeanta faoi Chuid VIII den Acht seo agus (i gceachtar cás) féadfaid an talamh sin a thíolacadh chun an fhorais sin nó chun tairbhe dhó. | |
[EN] | (3) Má iarrann comhlucht rialúcháin forais ar údarás sláinte aon talamh a sholáthar don fhoras sin faoin alt seo, ceanglóidh an t-údarás sláinte sin, mar choinníoll ar a soláthróid an talamh sin amhlaidh, ar an gcomhlucht rialúcháin sin a ghabháil lena n-ais iomlán an chostais d'íoc a bhainfeas leis an talamh sin a sholáthar amhlaidh. |