|
|||||
|
Ar Aghaidh (An Achomaireacht ar Sceidil (A) agus (B) da dTagartar san Acht seo.) |
[EN] | ||
Uimhir 26 de 1949. | ||
[EN] |
AN tACHT LEITHREASA, 1949. | |
[An tiontó oifigiúil.] |
ACHT DO CHUR SUIMEANNA ÁIRITHE AS AN bPRÍOMH-CHISTE CHUN SEIRBHÍSE NA BLIANA DAR CHRÍOCH AN t-AONÚ LÁ TRÍOCHAD DE MHÁRTA, MÍLE, NAOI gCÉAD, A hOCHT CEATHRACHAD AGUS NA BLIANA DAR CHRÍOCH AN t-AONÚ LÁ TRÍOCHAD DE MHÁRTA, MÍLE, NAOI gCÉAD, A CAOGA, DO LEITHREASÚ NA SUIMEANNA A DEONADH LEIS AN ACHT PRÍOMH-CHISTE, 1949 , AGUS A DEONTAR LEIS AN ACHT SEO, CHUN NA SEIRBHÍSÍ SOLÁTHAIR AGUS NA CRÍOCHA CUÍ, AGUS DO DHÉANAMH SOCRUITHE ÁIRITHE MAIDIR LE HIASACHT D'FHÁIL. | ||
[3ú Lúnasa, 1949.] |
ACHTAÍTEAR AG AN OIREACHTAS MAR LEANAS:— | ||
Deontais as an bPríomh-Chiste. | ||
[EN] |
£2,522 1s. 6d. d'eisiúint as an bPríomh-Chiste i gcóir na bliana 1947-48. |
1. —Féadfaidh an tAire Airgeadais suim dhá mhíle, chúig chéad agus fiche agus dhá phunt, scilling agus sé pingne d'eisiúint as an bPríomh-Chiste agus í a chur chun slánuithe an tsoláthair a deonadh i gcóir seirbhíse na bliana dar chríoch an t-aonú lá tríochad de Mhárta, míle, naoi gcéad, a hocht ceathrachad. |
[EN] |
£45,057,710 d'eisiúint as an bPríomh-Chiste i gcóir na bliana 1949-50. |
2. —Féadfaidh an tAire Airgeadais suim ceathracha agus chúig milliúin, caoga agus seacht míle, seacht gcéad agus deich bpuint d'eisiúint as an bPríomh-Chiste agus í a chur chun slánuithe an tsoláthair a deonadh i gcóir seirbhíse na bliana dar chríoch an t-aonú lá tríochad de Mhárta, míle, naoi gcéad, a caoga. |
[EN] |
Cumhacht don Aire Airgeadais chun suim nach mó ná £45,060,232 1s. 6d. a thógaint ar iasacht. |
3. —(1) Féadfaidh an tAire Airgeadais aon tsuim nó suimeanna nach mó san iomlán ná ceathracha agus chúig milliúin, seasca míle, dhá chéad, tríocha agus dhá phunt, scilling agus sé pingne a thógaint ar iasacht ó dhuine ar bith agus féadfaidh Banc na hÉireann an céanna d'airleacan don Aire Airgeadais, agus chun an céanna a thógaint ar iasacht féadfaidh an tAire Airgeadais urrúis ar bith a chruthnú agus d'eisiúint agus iad faoi pé ráta úis, agus fós faoi réir pé coinníoll i dtaobh aisíoca nó fuascailte nó eile is oiriúnach leis. |
[EN] | (2) Is ar an bPríomh-Chiste nó ar a thoradh fáis a bheas muirear príomhshuime agus úis urrús ar bith a heiseofar faoin Acht seo agus muirear na gcostas faoina raghfar i dtaobh na n-urrús sin d'eisiúint. | |
[EN] | (3) Déanfar aon airgead a cruinneofar trí urrúis arna n-eisiúint faoin Acht seo a chur i gcreidiúnas do chuntas an Stát-Chiste agus beidh sé ina chuid den Phríomh-Chiste agus beidh sé ar fáil in aon tslí ina mbeidh an Príomh-Chiste ar fáil. | |
Deontais a Leithreasu. | ||
[EN] |
Suimeanna a vótáladh i gcóir seirbhísí soláthair, eadhon, £69,703,288 1s. 6d. a leithreasú. |
4. —(1) Na suimeanna uile a deontar as an bPríomh-Chiste, leis an Acht seo agus leis an Acht eile a luaitear i Sceideal (A) a ghabhas leis an Acht seo, chun slánuithe an tsoláthair a deonadh agus a ndéanann a n-iomlán, mar is léir ón Sceideal sin, suim seasca agus naoi milliúin, seacht gcéad agus trí mhíle, dhá chéad, ochtó agus ocht bpuint, scilling agus sé pingne, déantar iad a leithreasú agus is tuigthe iad a bheith ar na leithreasú amhail ó dháta na nAcht a luaitear sa Sceideal sin (A) a rith chun na seirbhísí agus na gcríocha a luaitear i Sceideal (B) a ghabhas leis sin. An achomaireacht ar sceidil agus na sceidil a ghabhas léi sin, maraon leis an nóta (más ann) a ghabhas leis na sceidil sin, is tuigthe gur cuid den Acht seo iad amhail is dá mbeidís i gcorp an Achta seo. |
[EN] | (2) I dteannta na suimeanna a deontar as an bPríomh-Chiste agus dá dtagartar sa bhfo-alt sin roimhe seo den alt seo, féadfar na suimeanna a taispeántar faoi seach sa cholún deiridh de Sceideal (B) a ghabhas leis seo agus a ndéanann a n-iomlán, mar is léir ón Sceideal sin, suim trí milliúin, seacht gcéad, nócha agus sé mhíle, ocht gcéad, seachtó agus naoi bpuint, agus ocht scillinge déag d'úsáid as aon airgead a n-ordaítear faoi alt 2 den Public Accounts and Charges Act, 1891, é d'úsáid mar leithreasa-igcabhair do na deontais i gcóir na seirbhísí agus na gcríocha a sonraítear sa Sceideal sin. | |
[EN] |
Gearrtheideal. |
5. —Féadfar an tAcht Leithreasa, 1949 , a ghairm den Acht seo. |