|
|||||
|
[EN] | ||
Uimhir 12 de 1953. | ||
[EN] |
AN tACHT RIALTAIS ÁITIÚIL, 1953. | |
[An tiontó oifigiúil.] |
ACHT DO LEASÚ AGUS DO LEATHNÚ AILT 25 DEN ACHT RIALTAIS ÁITIÚIL, 1925. [1ú Aibreán, 1953.] |
ACHTAÍTEAR AG AN OIREACHTAS MAR LEANAS :— | ||
[EN] |
Míniú. |
1. —San Acht seo tá leis an abhairt “údarás bóthar” an bhrí atá léi in alt 2 den Acht Rialtais Áitiúil, 1946 ( Uimh. 24 de 1946 ). |
[EN] |
Alt 25 den Acht Rialtais Áitiúil, 1925, a leasú. |
2. —(1) D'ainneoin aon ní contrártha dhó sin in alt 25 den Acht Rialtais Áitiúil, 1925 (Uimh. 5 de 1925) , nó in aon achtachán eile, cumhachtaítear leis seo d'údarás bóthar a dhearbhú gur bóthar poiblí aon bhóthar a bhfuil ceart slí poiblí air ag lucht siúil, ag ainmhithe agus ag feithiclí agus nach bóthar poiblí, más deimhin leis an údarás bóthar sin gur bóthar é a fhónas don phobal i gcoitinne, agus gach bóthar a ndearbhófar amhlaidh é a bheith ina bhóthar poiblí beidh sé ina bhóthar poiblí chun gach críche ar an dearbhú sin a dhéanamh. |
[EN] | (2) Mí ar a laghad sara ndéanfaid aon dearbhú den tsórt a luaitear sa bhfo-alt roimhe seo, foilseoidh an t-údarás bóthar, i dhá nuachtán ar a laghad a léitear ina líomatáiste feidhmiúcháin, fógra go bhfuil ar intinn acu déanamh an dearbhuithe sin a bhreithniú agus beidh sa bhfógra sin pé sonraí a bheas ordaithe. | |
[EN] | (3) Beidh déanamh dearbhuithe faoi fho-alt (1) den alt seo nó faoi fho-alt (1) d'alt 25 den Acht Rialtais Áitiúil, 1925 (Uimh. 5 de 1925) , ina fheidhm fhorcoimeádta do réir bhrí na n Acht um Bainistí Chontae, 1940 agus 1942. | |
[EN] |
Gearrtheideal, comhlua agus forléiriú. |
3. —(1) Féadfar an tAcht Rialtais Áitiúil, 1953 , a ghairm den Acht seo. |
[EN] | (2) Féadfar na hAchta Rialtais Áitiúil, 1925 go 1953, a ghairm de na hAchta Rialtais Áitiúil, 1925 go 1946, agus den Acht seo le chéile. | |
[EN] | (3) Forléireofar na hAchta Rialtais Áitiúil, 1925 go 1946, agus an tAcht seo le chéile mar aon Acht amháin. |