|
|||||
|
[EN] | ||
Uimhir 20 de 1956. | ||
[EN] |
AN tACHT TAE (ALLMHUIRIÚ AGUS IMDHÁIL), 1956. | |
[An tiontó oifigiúil.] |
ACHT DO RIALÚ AGUS DO RIALÁIL ALLMHUIRIÚ AGUS IMDHÁIL MHÓR-REACA TAE. [29 Bealtaine, 1956.] |
ACHTAÍTEAR AG AN OIREACHTAS MAR LEANAS:— | ||
[EN] |
Ré an Achta. |
1. —Raghaidh an tAcht seo in éag an 31ú lá de Mhárta, 1958, nó pé lá roimhe sin a socrófar le hordú ón Rialtas. |
[EN] |
Mínithe. |
2. —San Acht seo— |
[EN] | ciallaíonn “an tAire” an tAire Tionscail agus Tráchtála; | |
[EN] | ciallaíonn “ceadúnas allmhuirithe tae” ceadúnas a heisíodh, nó a meastar a heisíodh, faoi alt 4; | |
[EN] | ciallaíonn “ceadúnas mór-reacaire tae” ceadúnas a heisíodh, nó a meastar a heisíodh, faoi alt 7. | |
[EN] |
Allmhaire a rialú. |
3. —(1) Ní dhéanfaidh duine ar bith tae d'allmhuiriú ach amháin do réir cheadúnais allmhuirithe tae a heisíodh chun an duine sin. |
[EN] | (2) Ní bhaineann fo-alt (1)— | |
[EN] | (a) le tae nach mó ná deich bpuint meáchain a suífear chun sástachta na gCoimisinéirí Ioncaim gur chun úsáide pearsanta an allmhuireora nó a lín tí a hallmhuiríodh é; | |
[EN] | (b) le tae a suífear chun sástachta na gCoimisinéirí Ioncaim gur mar shampla a hallmhuiríodh é. | |
[EN] |
Ceadúnas allmhuirithe tae d'eisiúint. |
4. —(1) Féadfaidh an tAire, ar iarratas d'fháil ó dhuine ar bith ag lorg ceadúnais chun tae d'allmhuiriú, an t-iarratas a dheonadh nó a dhiúltú dá rogha féin. |
[EN] | (2) Féadfaidh an tAire pé coinníollacha is cuí leis a chur le ceadúnas allmhuirithe tae. | |
[EN] | (3) Ní bheidh ceadúnas allmhuirithe tae inaistrithe. | |
[EN] | (4) Féadfaidh an tAire ceadúnas allmhuirithe tae a chúlghairm. | |
[EN] | (5) Aon cheadúnas faoin Ordú um Allmhuiriú Tae, 1950 (I.R. Uimh. 51 de 1950), a bheas i bhfeidhm ar dháta an Achta seo a rith, fanfaidh sé i bhfeidhm agus measfar é a bheith arna eisiúint faoin alt seo. | |
[EN] |
Imdháil mhór-reaca a rialú. |
5. —Ní dhéanfaidh duine ar bith— |
[EN] | (a) tae a cheannach lena dhíol ar mór-reic, ná | |
[EN] | (b) tae a dhíol ar mór-reic, ná | |
[EN] | (c) gnó díola tae ar mór-reic a sheoladh, | |
[EN] | ach amháin do réir cheadúnais mhór-reacaire tae a heisíodh chun an duine sin. | |
[EN] |
Daoine atá cáilithe chun ceadúnais mhór-reacaire tae d'iarraidh. |
6. —Beidh gach duine acu seo a leanas— |
[EN] | (a) saoránach d'Éirinn a bhfuil cónaí rialta air sa Stát, | |
[EN] | (b) comhlucht corpraithe a corpraíodh sa Stát, | |
[EN] | (c) comhpháirtíocht nach bhfuil inti ach beirt daoine nó níos mó den tsórt sin, | |
[EN] | cáilithe chun ceadúnas mór-reacaire tae d'iarraidh más deimhin leis an Aire— | |
[EN] | (i) go bhfuil beartaithe ag an duine sin gnó díola tae ar mór-reic a sheoladh ar a chonlán féin, agus | |
[EN] | (ii) nach bhfuil cabhair airgid á fháil ag an duine sin ó aon duine ar a bhfuil gnáth-chónaí lasmuigh den Stát ná ó aon chomhlucht corpraithe a corpraíodh lasmuigh den Stát agus nach gcomhlíonann alt 22 den Acht Arachais, 1936 ( Uimh. 45 de 1936 ), nó alt 42 d'Acht an Bhainc Cheannais, 1942 ( Uimh. 22 de 1942 ), agus | |
[EN] | (iii) i gcás comhluchta chorpraithe, go bhfuil na scaireanna uile ar únaeracht tairbhiúil ag saoránaigh Éireannacha, agus | |
[EN] | (iv) go mbeidh an gnó a bhainistí agus á rialú go héifeachtúil ag saoránach Éireannach nó ag saoránaigh Éireannacha a bhfuil cónaí rialta ar gach duine acu sa Stát. | |
[EN] |
Ceadúnas mór-reacaire tae d'eisiúint. |
7. —(1) Is í pé foirm a ordós an tAire a déanfar iarratas chuige ar cheadúnas mór-reacaire tae, agus bhéarfar ann pé sonraí a ordós sé. |
[EN] | (2) Más deimhin leis an Aire, ar an iarratas d'fháil dó, an t-iarratasóir a bheith cáilithe faoi alt 6, eiseoidh an tAire ceadúnas á údarú don duine sin gnó díola tae ar mór-reic a sheoladh. | |
[EN] | (3) Féadfaidh an tAire pé coinníollacha is cuí leis a chur le ceadúnas mór-reacaire tae. | |
[EN] | (4) Ní bheidh ceadúnas mór-reacaire tae inaistrithe. | |
[EN] | (5) Más deimhin leis an Aire, tar éis dó ceadúnas mór-reacaire tae d'eisiúint faoin alt seo, nach bhfuil an ceadúnaí cáilithe a thuilleadh faoi alt 6, féadfaidh an tAire an ceadúnas a chúlghairm. | |
[EN] | (6) Aon cheadúnas a deonadh, nó a meastar a deonadh, faoi Airteagal 13 den Ordú Tae, 1950 (I.R. Uimh. 146 de 1950), agus a bheas i bhfeidhm ar dháta an Achta seo a rith, fanfaidh sé i bhfeidhm agus measfar é a bheith arna éisiúint faoin alt seo. | |
[EN] |
Cionta. |
8. —Duine ar bith a shárós alt 5 nó coinníoll a bheas ag gabháil le ceadúnas a heisíodh, nó a meastar a heisíodh, faoin Acht seo, beidh sé ciontach i gcion agus, ar a chiontú go hachomair, dlífear fíneáil nach mó ná cúig puint fhichead a chur air agus ina theannta sin, i gcás ciona leanúnaigh, fíneáil bhreise nach mó ná cúig puint in aghaidh gach lae a leanfar den chion. |
[EN] |
Pionós mar gheall ar ráitis bhréagacha. |
9. —Duine ar bith a bhéarfas, in iarratas ar cheadúnas mórreacaire tae nó i ndáil leis sin, aon ráiteas nó eolas is feasach dó a bheith bréagach nó míthreorach in aon phonc ábhartha, beidh sé ciontach i gcion agus, ar a chiontú go hachomair, dlífear fíneáil nach mó ná céad punt a chur air. |
[EN] |
Inchúiseamh i leith cionta. |
10. —Féadfaidh an tAire inchúiseamh a dhéanamh i leith ciona faoin Acht seo. |
[EN] |
Caiteachais. |
11. —Íocfar na caiteachais faoina raghaidh an tAire ag riaradh an Achta seo, a mhéid a cheadós an tAire Airgeadais é, as airgead a sholáthrós an tOireachtas. |
[EN] |
Gearrtheideal. |
12. —Féadfar an tAcht Tae (Allmhuiriú agus Imdháil), 1956 , a ghairm den Acht seo. |