|
|||||
|
[EN] | ||
Uimhir 23 de 1956. | ||
[EN] |
AN tACHT CAIPITIL THELEFÓNA, 1956. | |
[An tiontó oifigiúil.] |
ACHT DO SHOLÁTHAR TUILLEADH AIRGID CHUN AN CÓRAS TELEFÓNA POIBLÍ D'FHORBAIRT AGUS CHUN CRÍOCHA EILE A BHAINEAS LEIS SIN. [11 Iúil, 1956.] |
ACHTAÍTEAR AG AN OIREACHTAS MAR LEANAS:— | ||
[EN] |
Eisiúint bhreise chun an córas telefóna d'fhorbairt. |
1. —I dteannta an airgid a húdaraítear leis na hAchta Caipitil Thelefóna, 1924 go 1951, is cead go n-eiseoidh an tAire Airgeadais, as an bPríomh-Chiste nó a thoradh fáis, pé suimeanna, nach mó san iomlán ná sé mhilliún punt, a bhí nó a bheas ag teastáil ón Aire Poist agus Telegrafa chun an córas telefóna poiblí d'fhorbairt do réir meastachán arna gceadú ag an Aire Airgeadais. |
[EN] |
Féadfaidh an tAire Airgeadais iasacht d'fháil chun críocha an Achta seo. |
2. —(1) Chun airgead a sholáthar i gcóir na suimeanna a n-údaraítear leis an Acht seo iad d'eisiúint as an bPríomh-Chiste nó chun airgead a sholáthar chun gach suim nó aon tsuim, a heiseofar as an bPríomh-Chiste faoi údarás an Achta seo, d'aisíoc leis an gCiste sin, féadfaidh an tAire Airgeadais iasacht d'fháil trí bhlianachta infhorceannta a rithfeas ar feadh tréimhse nach sia ná cúig bliana fichead. |
[EN] | (2) Íocfar isteach sa Stát-Chiste an t-airgead uile a gheofar ar iasacht faoin alt seo. | |
[EN] | (3) Na blianachta infhorceannta uile a cruthnófar faoin alt seo, íocfar iad as airgead a sholáthrós an tOireachtas agus, mura leor an t-airgead sin, déanfar, sa mhéid nach leor é, iad d'airleacan as an bPríomh-Chiste nó a thoradh fáis, agus aisíocfar gach airleacan den tsórt sin leis an bPríomh-Chiste as airgead a sholáthrós an tOireachtas. | |
[EN] |
Ailt 3 agus 4 den Acht Caipitil Thelefóna, 1927, a chorprú. |
3. —Corpraítear leis an Acht seo ailt 3 agus 4 den Acht Caipitil Thelefóna, 1927 (Uimh. 8 de 1927) . |
[EN] |
Gearrtheideal agus lua. |
4. —(1) Féadfar an tAcht Caipitil Thelefóna, 1956 , a ghairm den Acht seo. |
[EN] | (2) Féadfar na hAchta Caipitil Thelefóna, 1924 go 1956, a ghairm de na hAchta Caipitil Thelefóna, 1924 go 1951, agus den Acht seo le chéile. |