|
|||||
|
[EN] | ||
Uimhir 5 de 1961. | ||
[EN] |
AN tACHT UM NA CONNAUGHT RANGERS (PINSIN), 1961. | |
[An tiontú oifigiúil.] |
ACHT DO LEASÚ NA nACHTANNA UM NA CONNAUGHT RANGERS (PINSIN), 1936 GO 1960. [21 Márta, 1961.] |
ACHTAÍTEAR AG AN OIREACHTAS MAR LEANAS:— | ||
[EN] |
Pinsin seirbhíse agus pinsin mhíchumais a mhéadú. |
1. —(1) Déanfar pinsean lena mbaineann an t-alt seo a mhéadú cúig faoin gcéad. |
[EN] | (2) Baineann an t-alt seo le— | |
[EN] | (a) pinsean seirbhíse is iníoctha faoi na hAchtanna um na Connaught Rangers (Pinsin), 1936 go 1960, agus | |
[EN] | (b) pinsean míchumais is iníoctha amhlaidh. | |
[EN] | (3) Beidh éifeacht ag méadú faoin alt seo ón 1ú lá de Lúnasa, 1960 (agus an lá sin a áireamh). | |
[EN] |
Pinsin fhorghéillte áirithe a thabhairt ar ais. |
2. —(1) I gcás pinsean faoi alt 3 den Acht um na Connaught Rangers (Pinsin), 1936, a bheith forghéillte faoi alt 16 den Acht sin, féadfaidh an tAire, le hordú a dhéanfar le toiliú an Aire Airgeadais, an pinsean go léir nó cuid de a thabhairt ar ais. |
[EN] | (2) I gcás ina dtabharfar cuid de phinsean ar ais faoi fho-alt (1) den alt seo, féadfaidh an tAire, le hordú a dhéanfar le toiliú an Aire Airgeadais, iarmhéid an phinsin sin a thabhairt ar ais. | |
[EN] | (3) Déanfar aon phinsean nó cuid d'aon phinsean a thabharfar ar ais faoi alt seo a íoc ó cibé dáta (nach luaithe ná dáta an ordaithe á thabhairt ar ais) a chinnfidh an tAire. | |
[EN] | (4) San alt seo ciallaíonn “an tAire” an tAire Cosanta. | |
[EN] |
Gearrtheideal agus comhlua. |
3. —(1) Féadfar an tAcht um na Connaught Rangers (Pinsin), 1961, a ghairm den Acht seo. |
[EN] | (2) Féadfar na hAchtanna um na Connaught Rangers (Pinsin), 1936 go 1961, a ghairm de na hAchtanna um na Connaught Rangers (Pinsin), 1936 go 1960, agus den Acht seo le chéile. |