Uimhir 20 de 1969

ACHT NA nAERCHUIDEACHTAÍ (LEASÚ), 1969

[An tiontú oifigiúil.]

ACHT DO DHÉANAMH SOCRÚ CHUN AN tAIRE AIRGEADAIS DO THÓGÁIL TUILLEADH SCAIREANNA IN AERLÍNTE ÉIREANN, TEORANTA, DÁ CHUMHACHTÚ DON AIRE SIN TUILLEADH ÍOCAÍOCHTAÍ CAIPITIL A DHÉANAMH LE AERLÍNTE ÉIREANN, TEORANTA, SIN, DO LEATHNÚ AGUS DO LEASÚ ACHTANNA NA nAERCHUIDEACHTAÍ, 1966 AGUS 1967, AGUS DO DHÉANAMH SOCRÚ I dTAOBH NITHE EILE A BHAINEANN LEIS NA NITHE RÉAMHRÁITE. [29 Iúil, 1969]

ACHTAÍTEAR AG AN OIREACHTAS MAR A LEANAS:

1. —San Acht seo—

ciallaíonn “Acht 1966” Acht na nAerchuideachtaí, 1966 ;

ciallaíonn “Aerlínte” Aerlínte Éireann, Teoranta.

2. —I dteannta na scaireanna atá aige in Aerlínte de bhua alt 2 d'Acht 1966, féadfaidh an tAire Airgeadais suibscríobh le haghaidh tuilleadh scaireanna (d'aon aicme) de chuid Aerlínte go feadh méid nach mó ná deich milliún punt.

3. —(1) Féadfaidh an tAire Airgeadais, ar mholadh an Aire Iompair agus Cumhachta, cibé suimeanna, nach mó ná cúig mhilliún punt, a íoc le Aerlínte a theastóidh ó Aerlínte chun íoc as caiteachas arna thabhú ag Aerlínte agus is inmhuirir go cuí i leith caipitil.

(2) Na suimeanna a íocfar le Aerlínte faoin alt seo is ar cibé téarmaí maidir le hús agus ábhair eile a chinnfidh an tAire Airgeadais ó am go ham a íocfar iad ach ní bheidh siad inaisíoctha.

4. —(1) Íocfar as an bPríomh-Chiste nó as a thoradh fáis an t-airgead go léir a bheidh ag teastáil ó am go ham ón Aire Airgeadais faoi chomhair suimeanna a bheidh iníoctha aige faoin Acht seo.

(2) Chun soláthar a dhéanamh le haghaidh airgead a íoc as a bPríomh-Chiste faoin alt seo, féadfaidh an tAire Airgeadais aon airgead is gá chun na críche sin a fháil ar iasacht ar urrús a Phríomh-Chiste nó a thoradh fáis, agus féadfaidh sé, chun críoch na hiasachta sin, urrúis a bhunú agus a eisiúint agus iad faoi réir cibé ráta úis agus faoi réir cibé coinníollacha i dtaobh aisíoca, fuascailte nó eile is oiriúnach leis, agus íocfaidh sé isteach sa Státchiste a t-airgead go léir a gheofar ar iasacht amhlaidh.

(3) Is ar an bPríomh-Chiste nó ar a thoradh fáis a bheidh muirea agus íoc príomhshuime agus úis na n-urrús go léir a eiseofar faoi alt seo agus aon chaiteachais a thabhófar i ndáil leis na hurrúis sin a eisiúint.

5. —Déanfaidh Aerlínte cibé bearta is gá faoi Acht na gCuideachtaí , 1963, chun a mheabhrán agus a airteagail chomhlachais a athrú chun iad a bheith de réir an Achta sin.

6. —Leasaítear leis seo alt 5 d'Acht 1966—

(a) tríd an méid seo a leanas a chur isteach i ndiaidh fho-alt (1)—

“(1) (A) Ní dhéanfaidh an tAire Airgeadais n cumhachtaí a thugtar dó le fo-alt (1) den alt seo a fheidhmiú ar shlí gur mó ná caoga milliún punt a méid comhiomlán príomhshuime a dhlífidh sé ao tráth áirithe a íoc i leith ráthaíochtaí faoin bhfo-alt sin (1) a bheidh i bhfeidhm de thuras na huaire maid le hairgead a bheidh faighte ar iasacht ag Aer Lingus agus ag Aerlínte (mar aon leis an méid príomhshuime (más ann) a bheidh íoctha roimhe sin ag an Aire Airgeadais ar scór aon ráthaíochtaí den sórt sin ag an Aire nach mbeidh aisíoctha).”,

(b) trí “i bhfo-alt (1) (A)” a chur in ionad “i bhfo-ailt (2) agus (3)” i bhfo-alt (10) (a),

(c) trí “i bhfo-alt (1) (A) agus” a chur isteach i ndiaid “d'airgead” i bhfo-alt (10) (b), agus

(d) trí fho-ailt (2) agus (3) a scriosadh.

7. —Aisghairtear leis seo alt 4 d'Acht 1966.

8. —(1) Féadfar Acht na nAerchuideachtaí (Leasú), 1969 , a ghairm den Acht seo.

(2) Féadfar Achtanna na nAerchuideachtaí, 1966 go 1969, a ghairm d'Achtanna na nAerchuideachtaí, 1966 agus 1967, agus den Acht seo le chéile.