|
|||||
|
An Chéad Lch. | Lch. Roimhe Seo (Caibidil V Seirbhísí Eile) | Ar Aghaidh (CUID V Forálacha Ilghnéitheacha) |
AN tACHT SLÁINTE, 1970
[EN] | ||
[EN] |
Caibidil VI Forálacha Ilghnéitheacha i dtaobh Seirbhísí | |
[EN] |
Rialacháin. |
72. —(1) Féadfaidh an tAire rialacháin a dhéanamh a bheidh inchurtha chun feidhme maidir le gach bord sláinte nó le bord sláinte amháin nó níos mó i dtaobh an mhodha ar a ndéanfaidh agus a mhéid a dhéanfaidh an bord nó na boird seirbhísí a chur ar fáil faoin Acht seo agus i dtaobh riaradh na seirbhísí sin i gcoitinne. |
[EN] | (2) Féadfaidh rialacháin faoin alt seo a fhoráil maidir le haon seirbhís faoin Acht seo gur d'aicme áirithe de na daoine ag a bhfuil cáilíocht chun na seirbhíse sin agus don aicme sin amháin atá an tseirbhís sin á cur ar fáil. | |
[EN] | (3) D'ainneoin aon fhoráil eile atá san Acht seo, leanfaidh aon rialacháin a rinneadh faoin Acht Sláinte, 1953 , i ngníomh agus measfar gur faoin Acht seo a rinneadh iad agus gurb inleasaithe nó inchúlghairthe iad dá réir sin. | |
[EN] |
Amhras i dtaobh cén t-údarás sláinte atá freagrach a chinneadh. |
73. —Cinnfidh an tAire, i gcás aon amhras nó díospóid a bheith ann maidir le haon duine áirithe nó le daoine d'aicme áirithe, an t-údarás sláinte a bheidh freagrach in aon seirbhís faoi na hAchtanna Sláinte, 1947 go 1970, a sholáthar don duine sin nó do dhaoine den aicme sin (i gcás arb iomchuí). |
[EN] |
Táillí agus ranníocaí a ghnóthú. |
74. —Aon táille a ghearrfaidh nó ranníoc a thoibheoidh bord sláinte faoi na hAchtanna Sláinte, 1947 go 1970, nó faoi rialacháin faoi na hAchtanna sin, féadfar, mura n-íocfar í, í a ghnóthú mar fhiach conartha shimplí in aon chúirt dlínse inniúla ón duine arb ina leith a gearradh an táille, ó chéile (más ann) an duine nó, má bhíonn an duine básaithe, óna ionadaí dlíthiúil pearsanta. |
[EN] |
Ráitis bhréagacha, etc. |
75. —Má dhéanann duine ar bith, chun aon seirbhís faoi na hAchtanna Sláinte, 1947 go 1970, a fháil dó féin nó d'aon duine eile, nó chun aon chríche a bhaineann leis na hAchtanna sin— |
[EN] | (a) aon ráiteas bréagach nó aon uiríoll bréagach a thabhairt go feasach nó aon fhíoras ábhartha a cheilt go feasach, nó | |
[EN] | (b) aon doiciméad nó eolas is eol dó a bheith bréagach i bponc ábhartha a thabhairt ar aird nó a sholáthar nó a chur faoi deara nó a cheadú go feasach sin a thabhairt ar aird nó a sholáthar, | |
[EN] | beidh sé ciontach i gcion agus ar a chiontú go hachomair dlífear fíneáil nach mó ná £100 a chur air nó, de rogha na cúirte, príosúnacht ar feadh aon téarma nach faide ná trí mhí nó an fhíneáil sin agus an phríosúnacht sin le chéile. |