|
|||||
|
Ar Aghaidh (AN SCEIDEAL Achtacháin a Aisghairtear) |
[EN] | ||
Uimhir 15 de 1971 | ||
[EN] |
AN tACHT RIALTAIS ÁITIÚIL (INRÁTAITHEACHT CHÍOSANNA) (CEALÚ), 1971 | |
[An tiontú oifigiúil.] |
ACHT DO CHEALÚ INRÁTAITHEACHT CHÍOSANNA ÁIRITHE AMHAIL AR AN 1ú LÁ d'AIBREÁN, 1971, AGUS UAIDH SIN AMACH, DO LEASÚ ALT 21 (3A) DEN ACHT RIALTAIS ÁITIÚIL, 1946 , AGUS CHUN NA CRÍCHE CÉADLUAITE DO LEASÚ ACHTACHÁN ÁIRITHE EILE. [13 Iúil, 1971.] |
ACHTAÍTEAR AG AN OIREACHTAS MAR A LEANAS: | ||
[EN] |
Inrátaitheacht chíosanna áirithe a chealú. 1838, c.56. |
1. —Ní bheidh aon duine a fhaigheann cíos i leith oidhreachtán atá díolmhaithe ó rátú faoi alt 63 den Poor Relief (Ireland) Act, 1838, faoi dhliteanas a rátaithe i leith an chíosa, agus forléireofar an t-alt sin agus beidh éifeacht aige dá réir sin. |
[EN] | (2) Tiocfaidh an t-alt seo agus alt 3 den Acht seo i ngníomh an lú lá d'Aibreán, 1971. | |
[EN] |
Síneadh ar an tréimhse a luaitear in alt 21(3A) den Acht Rialtais Áitiúil, 1946 . |
2. —Déantar leis seo an tréimhse a luaitear in alt 21 (3A) den Acht Rialtais Áitiúil, 1946 (a cuireadh isteach le halt 4 den Acht Rialtais Áitiúil (Luacháil a Laghdú go Sealadach), 1960 ) a shíneadh bliain agus, dá réir sin, déanfar an tagairt san alt sin don tréimhse deich mbliana dar tosach an 1ú lá d'Aibreán, 1960, a fhorléiriú mar thagairt don tréimhse aon bhliain déag dar tosach an lá sin. |
[EN] |
Aisghairm. |
3. —Déantar leis seo na hachtacháin a luaitear i gcolún (2) den Sceideal a ghabhann leis an Acht seo a aisghairm a mhéid a shonraítear i gcolún (3) den Sceideal sin. |
[EN] |
Cosaint. |
4. —Gach rud a rinne údarás rátúcháin de réir brí an Achta Rialtais Áitiúil, 1946 , sular achtaíodh an tAcht seo agus in oirichill an tAcht seo a achtú, beidh aige agus measfar go raibh aige ariamh an bhailíocht agus an éifeacht (más ann) a bheadh aige dá mbeadh an tAcht seo i bhfeidhm nuair a rinneadh an rud sin. |
[EN] |
Gearrtheideal, comhlua agus tosach feidhme. |
5. —(1) Féadfar an tAcht Rialtais Áitiúil (Inrátaitheacht Chíosanna) (Cealú), 1971 , a ghairm den Acht seo. |
[EN] | (2) Féadfar na hAchtanna Rialtais Áitiúil, 1925 go 1971, a ghairm de na hAchtanna Rialtais Áitiúil, 1925 go 1968, agus den Acht seo, a mhéid a leasaíonn sé na hAchtanna sin, le chéile. | |
[EN] | (3) Féadfar Achtanna Bainistí Chathair Chorcaí, 1929 go 1971, a ghairm d'Achtanna Bainistí Chathair Chorcaí, 1929 go 1965, agus den Acht seo, a mhéid a leasaíonn sé na hAchtanna sin, le chéile. | |
[EN] | (4) Féadfar na hAchtanna Rialtais (Baile Átha Cliath), 1930 go 1971, a ghairm de na hAchtanna Rialtais Áitiúil (Baile Átha Cliath), 1930 go 1967, agus den Acht seo, a mhéid a leasaíonn sé na hAchtanna sin, le chéile. | |
[EN] | (5) Féadfar Achtanna Bainistí Chathair Luimnigh, 1934 go 1971, a ghairm d'Achta Bainistí Chathair Luimnigh, 1934 go 1955, agus den Acht seo, a mhéid a leasaíonn sé na hAchtanna sin, le chéile. | |
[EN] | (6) Féadfar Achtanna Bainistí Chathair Phortláirge, 1939 go 1971, a ghairm d'Achta Bainistí Chathair Phortláirge, 1939 agus 1955, agus den Acht seo, a mhéid a leasaíonn sé na hAchtanna sin, le chéile. | |
[EN] | (7) Faoi réir alt 1 (2) de seo, measfar gur tháinig an tAcht seo i ngníomh an 1ú lá d'Aibreán, 1970. |