2 1974

[EN]

Uimhir 2 de 1974

[EN]

AN tACHT UM AN nGNÍOMHAIREACHT FOIRGNÍOCHTA NÁISIÚNTA TEORANTA (LEASÚ), 1974

[An tiontú oifigiúil]

ACHT DO MHÉADÚ NA TEORANN LE hAIRLEACAIN AGUS LE RÁTHAÍOCHTAÍ FAOI NA hACHTANNA UM AN nGNÍOMHAIREACHT FOIRGNÍOCHTA NÁISIÚNTA TEORANTA, 1963 AGUS 1969. [27 Feabhra, 1974]

ACHTAÍTEAR AG AN OIREACHTAS MAR A LEANAS:

[EN]

Leasú ar alt 9 den Acht um an nGníomhaireacht Foirgníochta Náisiúnta Teoranta, 1963 .

1963, Uimh. 32 .

1969, Uimh. 27 .

1. —Leasaítear leis seo alt 9 den Acht um an nGníomhaireacht Foirgníochta Náisiúnta Teoranta, 1963 , trí “cúig mhilliún déag punt” a chur in ionad “cúig mhilliún punt” (a cuireadh isteach leis an Acht um an nGníomhaireacht Foirgníochta Náisiúnta Teoranta (Leasú), 1969 ) agus tá an t-alt sin 9, arna leasú amhlaidh, leagtha amach sa Tábla a ghabhann leis an alt seo.

An Tábla

9.—Ní rachaidh comhiomlán na suimeanna seo a leanas aon tráth áirithe:

(a) airleacain faoi alt 6 den Acht seo nach mbeidh aisíoctha,

(b) príomhshuim a mbeidh dliteanas ar an Aire í a aisíoc ar scór aon ráthaíocht nó ráthaíochtaí faoi alt 7 den Acht seo, agus

(c) príomhshuim a bheidh íoctha cheana ag an Aire ar aon ráthaíocht nó ráthaíochtaí den sórt sin agus nach mbeidh aisíoctha ag an gCuideachta,

thar cúig mhilliún déag punt.
[EN]

Gearrtheideal agus comhlua.

2. —(1) Féadfar an tAcht um an nGníomhaireacht Foirgníochta Náisiúnta Teoranta (Leasú), 1974 , a ghairm den Acht seo.

[EN]

(2) Féadfar na hAchtanna um an nGníomhaireacht Foirgníochta Náisiúnta Teoranta, 1963 go 1974, a ghairm de na hAchtanna um an nGníomhaireacht Foirgníochta Náisiúnta Teoranta, 1963 agus 1969, agus den Acht seo le chéile.