|
|||||
|
An Chéad Lch. | Lch. Roimhe Seo (CUID VII Tástálacha Fola le linn Tuismíocht a bheith á Cinneadh in Imeachtaí Sibhialta) | Ar Aghaidh (CUID IX Clárú agus Athchlárú Breitheanna) |
AN tACHT UM STÁDAS LEANAÍ, 1987
[EN] | ||
[EN] |
CUID VIII Toimhdí agus Forálacha Maidir le Fianaise | |
[EN] |
Aisghairm toimhde dlisteanachta nó neamhdhlisteanachta. |
44. —Aisghairtear leis seo aon toimhde dlí maidir le dlisteanacht nó neamhdhlisteanacht aon duine. |
[EN] |
Cinneadh tuismíochta mar fhianaise in imeachtaí eile. |
45. —(1) Más rud é, roimh thosach feidhme na Coda seo nó dá éis, gur cinneadh nó gur breithníodh gur tuismitheoir linbh duine in aon imeachtaí sibhialta os comhair cúirte i ndáil le caomhnóireacht naíon nó le cothabháil (lena n-áirítear atharthacht) nó faoi alt 215 den Acht Leasa Shóisialaigh (Comhdhlúthú), 1981 , beidh an cinneadh nó an breithniú sin, d'ainneoin gur thairg nó nár thairg an duine sin aon chosaint in aghaidh líomhain na tuismíochta nó gur pháirtí nó nár pháirtí é sna himeachtaí sin, inghlactha i bhfianaise in aon imeachtaí sibhialta iardain chun a chruthú gur tuismitheoir de chuid an linbh nó, i gcás nach maireann sé, gur thuismitheoir de chuid an linbh, an duine sin: |
[EN] | Ar choinníoll nach mbeidh aon chinneadh nó breithniú den chineál a dúradh, seachas ceann atá ar marthain, inghlactha i bhfianaise de bhua an ailt seo. | |
[EN] | (2) Más rud é, maidir le fianaise gur cinneadh nó gur breithníodh gur tuismitheoir ar leanbh duine, go mbeidh an fhianaise sin aighnithe in imeachtaí iardain de bhua fho-alt (1) den alt seo, ansin— | |
[EN] | (a) measfar, mura gcruthófar gurb é a mhalairt is dóichí, gur tuismitheoir ar an leanbh sin nó, i gcás nach maireann sé, gur thuismitheoir ar an leanbh sin, an duine sin, agus | |
[EN] | (b) i ndáil leis na himeachtaí cúirte roimhe sin, beidh ábhair aon doiciméid a bhí os comhair na cúirte sin nó ina bhfuil aon fhógairt ón gcúirt sin, inghlactha chun na fíorais ar ar bunaíodh an cinneadh nó an breithniú a aithint, gan dochar d'aighniú aon fhianaise eile is inghlactha chun na críche sin. | |
[EN] | (3) Más rud é in imeachtaí sibhialta iardain go mbeidh ábhair aon doiciméid inghlactha i bhfianaise de bhua fho-alt (2) den alt seo, beidh cóip den doiciméad sin, nó den chuid ábhartha de, a airbheartóidh a bheith deimhnithe nó fíordheimhnithe ar shlí eile ag an gcúirt nó ag an údarás a bhfuil an doiciméad sin ina coimeád nó ina choimeád, nó thar a gceann, inghlactha i bhfianaise agus measfar, mura suífear a mhalairt, gur cóip dhílis den doiciméad sin nó den chuid sin í. | |
[EN] |
Toimhdí atharthachta agus neamhatharthachta. |
46. —(1) I gcás ina mbeirtear leanbh do bhean— |
[EN] | (a) le linn pósta atá ar marthain agus ar páirtí ann í, nó | |
[EN] | (b) laistigh den tréimhse deich mí tar éis pósadh d'fhoirceannadh trí bhás nó ar shlí eile, is pósadh ar páirtí ann í, | |
[EN] | ansin toimhdeofar gurb é an fearchéile sa phósadh athair an linbh mura gcruthófar gurb é a mhalairt is dóichí. | |
[EN] | (2) D'ainneoin fho-alt (1) den alt seo, más rud é, i gcás bean phósta, ar bean í a chónaíonn ar leithligh óna fearchéile— | |
[EN] | (a) faoi fhoraithne idirscartha a mensa et thoro, nó | |
[EN] | (b) faoi ghníomhas idirscartha, | |
[EN] | go mbeirtear leanbh di breis agus deich mí i ndiaidh dheonú na foraithne nó fhorghníomhú an ghníomhais, de réir mar a bheidh, ansin toimhdeofar nach é a fearchéile athair an linbh mura gcruthófar gurb é a mhalairt is dóichí. | |
[EN] | (3) D'ainneoin fho-alt (1) den alt seo, i gcás— | |
[EN] | (a) go mbeidh breith linbh cláraithe i gclár atá á chothabháil faoi na hAchtanna um Chlárú Breitheanna agus Básanna, 1863 go 1987, agus | |
[EN] | (b) go mbeidh ainm duine taifeadta mar athair an linbh sa chlár atá á chothabháil amhlaidh, | |
[EN] | ansin toimhdeofar gurb é an duine a bhfuil a ainm taifeadta amhlaidh athair an linbh mura gcruthófar gurb é a mhalairt is dóichí. | |
[EN] | (4) Chun críocha fho-alt (1) den alt seo déanfar “pósadh atá ar marthain” a fhorléiriú mar abairt a fholaíonn pósadh in-neamhnithe agus déanfar an abairt “pósadh d'fhoirceannadh trí bhás nó ar shlí eile” a fhorléiriú mar abairt a fholaíonn neamhniú pósta in-neamhnithe. | |
[EN] |
Inghlacthacht fianaise áirithe. |
47. —(1) Beidh fianaise ó fhearchéile nó ó bhanchéile inghlactha in aon imeachtaí chun a chruthú gur tharla nó nár tharla caidreamh pósta eatarthu le linn tréimhse ar bith. |
[EN] | (2) Aisghairtear leis seo an coinníoll a ghabhann le halt 3 den Evidence Further Amendment Act, 1869. |