|
|||||
|
An Chéad Lch. | Lch. Roimhe Seo (Caibidil V Liúntais Chaipitiúla) | Ar Aghaidh (CUID II Custaim agus Mál) |
AN tACHT AIRGEADAIS, 1988
[EN] | ||||||
[EN] |
Caibidil VI Tobhach ar Chiste Pinsean | |||||
[EN] |
Tobhach ar chiste pinsean. |
53. —(1) San alt seo— | ||||
[EN] | ciallaíonn “sócmhainní”, i ndáil le scéim, infheistíochtaí, taiscí agus aon mhaoin eile (lena n-áirítear aon fhiach agus aon chonradh árachais) a bheidh á sealbhú chun críocha na scéime, seachas sócmhainní eisiata; | |||||
[EN] | ciallaíonn “riarthóir”, i ndáil le scéim, na hiontaobhaithe nó na daoine eile a dhéanann bainisteoireacht ar shócmhainní na scéime; | |||||
[EN] | ciallaíonn “duine inmhuirearaithe”, i ndáil le sócmhainní scéime— | |||||
[EN] | (a) i gcás nach conarthaí árachais na sócmhainní, an riarthóir i ndáil leis an scéim, agus | |||||
[EN] | (b) i gcás gur conarthaí árachais na sócmhainní, an t-árachóir i ndáil le conradh den sórt sin; | |||||
[EN] | ciallaíonn “conradh árachais” aon chonradh de chineál a thuairiscítear in alt 50 (4) den Acht Cánach Corparáide, 1976 ; | |||||
[EN] | ciallaíonn “sócmhainní eisiata”, i ndáil le scéim, sócmhainní arb ionannas dóibh— | |||||
[EN] | (a) dliteanais scéime is inchurtha síos do sholáthar sochar iomchuí (de réir bhrí alt 13 den Acht Airgeadais, 1972 ) i leith fostaithe a bhfeidhmítear a bhfostaíocht lasmuigh den Stát go hiomlán, nó | |||||
[EN] | (b) dliteanais faoi aon chonradh seachas conradh i leith gnó in aicme VII den Iarscríbhinn a ghabhann le Treoir 79/267/CEE ón gComhairle, dar dáta 5 Márta, 1979(1) ; | |||||
[EN] | ciallaíonn “árachóir” duine is sealbhóir ar údarú de réir bhrí na Rialachán nó is sealbhóir ar cheadúnas árachais a meastar leis na Rialacháin sin gur údarú é; | |||||
[EN] | tá le “ciste pinsean”, i ndáil le hárachóir, an bhrí chéanna atá leis in alt 50 (3) den Acht Cánach Corparáide, 1976 ; | |||||
[EN] | ciallaíonn “na Rialacháin” Rialacháin na gComhphobhal Eorpach (Árachas Saoil), 1984 (I.R. Uimh. 57 de 1984); | |||||
[EN] | ciallaíonn “scéim” scéim sochar scoir de réir bhrí alt 14 den Acht Airgeadais, 1972 , nó conradh blianachta scoir nó scéim iontaobhais lena mbaineann alt 235 nó alt 235A den Acht Cánach Ioncaim, 1967 . | |||||
[EN] | (2) Chun críocha an ailt seo, is é “an méid inmhuirearaithe” i ndáil le haon sócmhainní méid a chinnfear de réir na foirmle | |||||
| ||||||
[EN] | i gcás— | |||||
[EN] | arb é A margadhluach comhiomlán na sócmhainní ar an lú lá d'Eanáir, 1988, agus | |||||
[EN] | arb é P méid iomlán aon phinsean (lena n-áirítear blianachtaí) a íocadh sa bhliain 1988 i leith dhliteanais na scéime arb ionannas dóibh aon sócmhainn a áirítear le linn méid A a bheith á chinneadh: | |||||
[EN] | Ar choinníoll, i gcás duine inmhuirearaithe seachas árachóir, gurb é an méid inmhuirearaithe an méid a chinnfear de réir na foirmle thuas, lúide— | |||||
[EN] | (a) méid aon úis a fuarthas sa bhliain 1988 (ar ús iomchuí é de réir bhrí alt 31 (1) den Acht Airgeadais, 1986 ) i leith aon taisce a áirítear le linn méid A a bheith á chinneadh, agus | |||||
[EN] | (b) dá mbeadh d'éifeacht leis, an méid inmhuirearaithe a laghdú go nialas, £5,000 nó cibé méid is lú ná sin a mbeadh an éifeacht sin leis. | |||||
[EN] | (3) Don bhliain 1988, déanfar, de réir fhorálacha an ailt seo, tobhach (dá ngairtear “an tobhach” ina dhiaidh seo san alt seo) a mhuirearú ar an duine inmhuirearaithe, i ndáil le haon sócmhainní de chuid scéime, de réir ráta 6 faoin gcéad ar an méid inmhuirearaithe i leith na sócmhainní. | |||||
[EN] | (4) Tabharfaidh an duine inmhuirearaithe don Ard-Bhailitheoir, ar an 30ú lá de Mheitheamh, 1989 nó roimh an lá sin, tuairisceán ina dtaispeánfar— | |||||
[EN] | (a) an méid inmhuirearaithe don bhliain 1988, | |||||
[EN] | (b) méid an tobhaigh is inmhuirearaithe faoin alt seo i leith an méid sin, agus | |||||
[EN] | (c) aon mhéid a íocadh, de réir fho-alt (6), ar cuntas an méid dá dtagraítear i mír (b). | |||||
[EN] | (5) Beidh méid an tobhaigh a cheanglaítear a bheith ar áireamh i dtuairisceán faoin alt seo dlite agus iníoctha an 30ú lá de Mheitheamh, 1989, agus íocfaidh an duine inmhuirearaithe leis an Ard-Bhailitheoir é agus beidh méid an tobhaigh a bheidh dlite amhlaidh iníoctha gan measúnacht a bheith déanta; ach féadfar méid an tobhaigh a bheidh tagtha chun bheith dlite agus iníoctha amhlaidh a mheasúnú ar an duine inmhuirearaithe mura mbeidh an méid sin nó aon chuid de íoctha ar an lá sin nó roimhe. | |||||
[EN] | (6) D'ainneoin fho-alt (5), íocfaidh an duine inmhuirearaithe leis an Ard-Bhailitheoir, ar an 30ú lá de Shamhain, 1988, nó roimh an lá sin, méid ar cuntas mhéid an tobhaigh is iníoctha don bhliain 1988 agus is é méid is iníoctha ar cuntas amhlaidh méid nach lú ná 90 faoin gcéad de mhéid an tobhaigh a bheidh dlite de réir fho-alt (5), agus déileálfar leis an méid a íocadh ar cuntas amhlaidh mar mhéid comhionann den tobhach a bheidh dlite de réir fho-alt (5). | |||||
[EN] | (7) Aon mhéid ar cuntas an tobhaigh is iníoctha ag duine inmhuirearaithe faoi fho-alt (6) beidh sé iníoctha amhlaidh gan measúnacht a bheith déanta agus na forálacha den alt seo a bhaineann le bailiú agus gnóthú an tobhaigh beidh feidhm acu, fara aon mhodhnuithe is gá, maidir le bailiú agus gnóthú méid ar cuntas an tobhaigh. | |||||
[EN] | (8) Má dhealraíonn sé don chigire go bhfuil aon mhéid den tobhach is iníoctha ar chóir é a áireamh, agus nach mbeidh curtha san áireamh, i dtuairisceán faoi fho-alt (4), nó má bhíonn an cigire mí-shásta le haon tuairisceán den sórt sin, féadfaidh sé measúnacht a dhéanamh ar an duine inmhuirearaithe, go feadh méid a bhreithiúnais, chun aon mhéid nár íocadh a ghnóthú; agus aon mhéid den tobhach a bheidh dlite faoi mheasúnacht arna déanamh de bhua an fho-ailt seo déileálfar leis, chun críocha úis ar an tobhach nár íocadh, mar mhéid ab iníoctha an tráth arbh iníoctha é dá mbeadh tuairisceán tugtha. | |||||
[EN] | (9) (a) Aon mhéid den tobhach a bheidh measúnaithe ar dhuine inmhuirearaithe faoin alt seo beidh sé dlite laistigh de mhí amháin tar éis an fógra measúnachta a eisiúint (mura mbeidh an méid sin nó aon mhéid a áireofar mar mhéid ar cuntas an méid sin dlite níos luaithe faoi fho-alt (5) nó (6)), faoi réir aon achomhairc i gcoinne na measúnachta, ach ní dhéanfaidh aon achomharc den sórt sin difear don dáta a mbeidh aon mhéid dlite faoi fho-alt (5) nó (6). | |||||
[EN] | (b) An tráth a chinnfear achomharc i gcoinne measúnachta faoin alt seo, aisíocfar aon mhéid den tobhach a bheidh ró-íoctha. | |||||
[EN] | (10) (a) Na forálacha uile de na hAchtanna Cánach Ioncaim a bhaineann— | |||||
[EN] | (i) le measúnachtaí i leith cánach ioncaim, | |||||
[EN] | (ii) le hachomhairc i gcoinne na measúnachtaí sin (lena n-áirítear achomhairc a athéisteacht agus cás a shonrú chun tuairim na hArd-Chúirte a fháil air), agus | |||||
[EN] | (iii) le bailiú agus gnóthú cánach ioncaim, | |||||
[EN] | beidh feidhm acu, a mhéid is infheidhme iad, maidir le measúnú, bailiú agus gnóthú aon mhéid den tobhach. | |||||
[EN] | (b) Aon mhéid den tobhach, nó méid ar cuntas an tobhaigh, is iníoctha de réir an ailt seo gan measúnacht a bheith déanta, béarfaidh sé ús de réir ráta 1.25 faoin gcéad in aghaidh gach mí nó gach coda de mhí ón dáta a dtiocfaidh an méid chun bheith dlite agus iníoctha go dtí go n-íocfar é. | |||||
[EN] | (c) Na forálacha d'fho-ailt (3) go (5) d'alt 550 den Acht Cánach Ioncaim, 1967 , beidh feidhm acu i ndáil le hús is iníoctha faoi mhír (b) mar atá feidhm acu i ndáil le hús is iníoctha faoin alt sin 550. | |||||
[EN] | (d) Beidh éifeacht le halt 550 den Acht Cánach Ioncaim, 1967 , ina fheidhm maidir le haon mhéid den tobhach a mhuirearófar le haon mheasúnacht arna déanamh de réir na Caibidle seo, ach an coinníoll a ghabhann le fo-alt (1) agus fo-ailt (2) agus (2A) a fhágáil ar lár. | |||||
[EN] | (e) D'ainneoin aon ní sna hAchtanna Cánach Ioncaim, ní bheidh feidhm ag forálacha alt 30 den Acht Airgeadais, 1976 , i ndáil le haon mhéid den tobhach a mhuirearófar le measúnacht arna déanamh de réir na Caibidle seo. | |||||
[EN] | (11) Is i bhfoirm a bheidh forordaithe ag na Coimisinéirí Ioncaim a bheidh gach tuairisceán chun críocha an ailt seo agus beidh dearbhú ann á rá gur tuairisceán iomlán é. | |||||
[EN] | (12) Leasaítear leis seo Sceideal 15 a ghabhann leis an Acht Cánach Ioncaim, 1967 , trí “An tAcht Airgeadais, 1988 , alt 53 (4)” a chur isteach i gcolún 2. | |||||
[EN] | (13) Ní lamhálfar an tobhach a mhuirearaítear leis an alt seo mar asbhaint nó mar chreidmheas chun aon cháin nó dleacht atá faoi chúram agus faoi bhainisteoireacht na gCoimisinéirí Ioncaim a ríomh nó a mhuirearú. | |||||
[EN] | (14) Más rud é, faoin alt seo— | |||||
[EN] | (a) go n-íocfaidh duine inmhuirearaithe ar árachóir é méid i leith an tobhaigh i ndáil le conradh árachais, measfar gur eisíocaíocht riachtanach as ciste pinsean an árachóra an méid sin agus féadfaidh an t-árachóir aon sochair faoin gconradh a choigeartú dá réir sin, agus | |||||
[EN] | (b) go n-íocfaidh duine inmhuirearaithe ar riarthóir é méid i leith an tobhaigh i ndáil le sócmhainní scéime, measfar gur eisíocaíocht riachtanach as na sócmhainní sin an méid sin agus féadfar aon sochair is iníoctha faoin scéim a choigeartú dá réir sin. | |||||