|
|||||
|
[EN] | ||||||||||||||
| ||||||||||||||
Uimhir 24 de 1988 | ||||||||||||||
[EN] |
AN tACHT TOBAC (CUR CHUN CINN AGUS COSAINT SLÁINTE), 1988 | |||||||||||||
RIAR NA nALT | ||||||||||||||
| ||||||||||||||
| ||||||||||||||
Uimhir 24 de 1988 | ||||||||||||||
AN tACHT TOBAC (CUR CHUN CINN AGUS COSAINT SLÁINTE), 1988 | ||||||||||||||
[An tiontú oifigiúil] |
ACHT DO DHÉANAMH SOCRÚ CHUN CAITHEAMH TÁIRGÍ TOBAC I LIMISTÉIR AGUS I SAORÁIDÍ AINMNITHE A THOIRMEASC AGUS A SHRIANADH; DO DHÉANAMH SOCRÚ CHUN SRIAN A CHUR AR THÁIRGÍ TOBAC A DHÍOL LE DAOINE FAOI BHUN 16 BLIANA; DO DHÉANAMH SOCRÚ I nDÁIL LE TÁIRGÍ ÁIRITHE TOBAC A ALLMHAIRIÚ, A MHONARÚ AGUS A DHÍOL; DO DHÉANAMH SOCRÚ CHUN AN tACHT UM THÁIRGÍ TOBAC (FÓGRAÍOCHT, COIMIRCÍOCHT AGUS SPR-EAGADH DÍOLACHÁN A RIALÚ), 1978 , A LEASÚ; AGUS DO DHÉANAMH SOCRÚ I dTAOBH NITHE COMH-GHAOLMHARA EILE. [12 Iúil, 1988] |
ACHTAÍTEAR AG AN OIREACHTAS MAR A LEANAS: | ||
[EN] |
Léiriú. |
1. —San Acht seo— |
[EN] | ciallaíonn “limistéar ainmnithe” áit nó foirgneamh a bheidh sonraithe i rialacháin arna ndéanamh faoi alt 2 den Acht seo mar limistéar a bhfuil toirmeasc nó srian ar chaitheamh táirgí tobac ann; | |
[EN] | ciallaíonn “saoráid ainmnithe” aerárthach, traein, feithicil seirbhíse poiblí nó saoráid eile a úsáideann an pobal agus a bheidh sonraithe i rialacháin arna ndéanamh faoi alt 2 mar shaoráid a bhfuil toirmeasc nó srian ar chaitheamh táirgí tobac inti nó uirthi; | |
[EN] | ciallaíonn “bord sláinte” bord sláinte arna bhunú faoin Acht Sláinte, 1970 ; | |
[EN] | ciallaíonn “áitreabh sláinte” aon áitreabh arna sholáthar agus arna chothabháil ag bord sláinte faoi alt 38 den Acht Sláinte, 1970 , nó ina soláthraítear seirbhísí faoi na hAchtanna Sláinte, 1947 go 1970, do dhaoine a bhfuil teideal acu chun na seirbhísí sin; | |
[EN] | ciallaíonn “an tAire” an tAire Sláinte; | |
[EN] | ciallaíonn “feithicil seirbhíse poiblí” feithicil inneallghluaiste a úsáidtear chun daoine a iompar ar luaíocht agus a bhfuil cóiríocht suite paisinéirí inti do bhreis agus ochtar cé is moite den tiománaí; | |
[EN] | ciallaíonn “scoil”, de réir mar a éilíonn an comhthéacs, scoil chéadleibhéil (lena n-áirítear scoil speisialta), nó scoil dara leibhéal, a dtugann an tAire Oideachais aitheantas, agus deontas i gcabhair, di; | |
[EN] | tá le “táirge tobac” an bhrí chéanna atá leis san Acht Airgeadais (Dleacht Máil ar Tháirgí Tobac), 1977 . | |
[EN] |
Toirmeasc nó srian ar chaitheamh táirgí tobac. |
2. —(1) Féadfaidh an tAire, le rialacháin, caitheamh táirgí tobac i limistéar ainmnithe nó i saoráid ainmnithe a thoirmeasc nó a shrianadh. |
[EN] | (2) Gan dochar do ghinearáltacht fho-alt (1) den alt seo, féadfar le rialacháin faoin alt seo na nithe seo a leanas go léir nó aon ní acu a dhéanamh: | |
[EN] | (a) caitheamh táirgí tobac i cibé aerárthach, traein, feithicil seirbhíse poiblí nó saoráid eile a bheidh sonraithe, a thoirmeasc nó a shrianadh; | |
[EN] | (b) caitheamh táirgí tobac i cibé cuid d'áitreabh sláinte a bheidh sonraithe, a thoirmeasc nó a shrianadh; | |
[EN] | (c) caitheamh táirgí tobac i cibé cuid de scoil a bheidh sonraithe, a thoirmeasc nó a shrianadh; | |
[EN] | (d) caitheamh táirgí tobac a thoirmeasc nó a shrianadh i cibé cuid a bheidh sonraithe d'fhoirgneamh a bhfuil rochtain ag an bpobal air agus atá á áitiú— | |
[EN] | (i) ag an Stát, nó | |
[EN] | (ii) ag comhlacht a bunaíodh le hAcht den Oireachtas, nó faoi Acht den Oireachtas, | |
[EN] | nó ar leis an Stát nó le comhlacht den sórt sin é; | |
[EN] | (e) caitheamh táirgí tobac a thoirmeasc nó a shrianadh i cineama, in amharclann, i halla ceolchoirme, nó i cibé áit eile le haghaidh siamsaíochta poiblí laistigh a bheidh sonraithe. | |
[EN] | (3) Aon duine a sháróidh aon fhoráil de chuid rialachán a dhéantar faoin alt seo beidh sé ciontach i gcion agus dlífear, ar é a chiontú go hachomair, fíneáil nach mó ná £100 a chur air. | |
[EN] | (4) Aon úinéir nó bainisteoir ar limistéar ainmnithe nó ar shaoráid ainmnithe, nó aon duine eile a bheidh i bhfeighil an chéanna, a mhainneoidh, a fhailleoidh nó a dhiúltóidh a áirithiú go ndéanfar de réir na dtoirmeasc agus na srianta a bhaineann leis an limistéar sin nó, de réir mar a bheidh, leis an tsaoráid sin, beidh sé ciontach i gcion agus dlífear, ar é a chiontú go hachomair, fíneáil nach mó ná £500, nó príosúnacht ar feadh téarma nach faide ná sé mhí nó, de rogha na cúirte, an fhíneáil sin agus an phríosúnacht sin le chéile, a chur air. | |
(5) In ionchúiseamh mar gheall ar chion faoin alt seo, is cosaint é a shuíomh go ndearna an t-úinéir, an bainisteoir nó an duine eile a bhí i bhfeighil, de réir mar a bheidh, gach beart réasúnach chun a áirithiú go ndearnadh go hiomlán de réir na dtoirmeasc agus na srianta a bhain leis an limistéar ainmnithe nó leis an tsaoráid ainmnithe iomchuí. | ||
[EN] |
Srian ar dhíol táirgí tobac. |
3. —(1) Aon duine a dhíolfaidh aon táirge tobac, nó a thairgfidh é a dhíol nó a chuirfidh ar fáil é i ndáil le díol aon táirge eile, le duine atá faoi bhun 16 bliana d'aois cibé acu le húsáid aige féin nó ar shlí eile, nó a dhíolfaidh aon táirgí tobac le haon duine a bheidh ag gníomhú thar ceann duine atá faoi bhun 16 bliana d'aois, beidh sé ciontach i gcion agus dlífear, ar é a chiontú go hachomair, fíneáil nach mó ná £500 a chur air. |
[EN] | (2) Beidh úinéir aon mheaisín chun táirgí tobac a dhíol, nó duine eile a bheidh i bhfeighil meaisín den sórt sin, a cheadaíonn an meaisín a úsáid chun na táirgí sin a dhíol le duine atá faoi bhun 16 bliana d'aois, ciontach i gcion agus dlífear, ar é a chiontú go hachomair, fíneáil nach mó ná £500 a chur air. | |
[EN] | (3) Aon uair a ionchúiseofar duine i gcion faoin alt seo, is cosaint dó é a shuíomh go ndearna sé gach beart réasúnach chun a dheimhniú dó féin go raibh 16 bliana d'aois slánaithe ag an duine lenar díoladh na táirgí tobac nó dár tairgeadh lena ndíol nó dár cuireadh ar fáil iad. | |
[EN] | (4) Más rud é, in ionchúiseamh mar gheall ar chion faoin alt seo, go líomhnófar go bhfuil an duine a ndearnadh an cion ina leith faoi bhun 16 bliana d'aois, agus gur dealraitheach don chúirt go raibh an duine sin, ar an dáta a ndearnadh an cion líomhnaithe, faoi bhun 16 bliana d'aois, toimhdeofar chun críocha an ailt seo, go dtí go gcruthófar a mhalairt, go raibh an duine sin faoi bhun na haoise sin ar an dáta sin. | |
[EN] |
Srian ar dhíol toitíní. |
4. —Aon duine a dhíolfaidh toitíní le duine, nó a thairgfidh iad a dhíol leis nó a chuirfidh ar fáil dó iad i ndáil le díol aon táirge eile, ar shlí seachas i bpaicéid deich gcinn nó níos mó, beidh sé ciontach i gcion agus dlífear, ar é a chiontú go hachomair, fíneáil nach mó ná £500 a chur air. |
[EN] |
Toirmeasc ar úsáid comhábhar sonraithe de tháirgí tobac. |
5. —(1) Aon duine a bheidh ag gabháil do mhonarú táirgí tobac tabharfaidh sé fógra don Aire, aon uair a iarrfaidh an tAire amhlaidh, i dtaobh aon chomhábhair den táirge tobac, seachas tobac, uisce nó leathán athdhéanta atá déanta go hiomlán as tobac, agus i dtaobh mhéid an chomhábhair sin, a úsáidtear i monarú na dtáirgí sin. |
[EN] | (2) Aon duine a allmhaireoidh táirge tobac tabharfaidh sé fógra don Aire, aon uair a iarrfaidh an tAire amhlaidh, i dtaobh aon chomhábhair den táirge tobac, seachas tobac, uisce nó leathán athdhéanta atá déanta go hiomlán as tobac, agus i dtaobh mhéid an chomhábhair sin, atá sa táirge tobac a allmhairítear amhlaidh. | |
[EN] | (3) Féadfaidh an tAire le rialacháin, tar éis dó dul i gcomhairle leis an monaróir tobac nó leis an allmhaireoir tobac lena mbaineann— | |
[EN] | (a) úsáid cibé comhábhair den táirge tobac (seachas tobac, uisce nó leathán athdhéanta atá déanta go hiomlán as tobac) a bheidh sonraithe sna rialacháin, i monarú táirgí tobac, a rialú nó a thoirmeasc, | |
[EN] | (b) allmhairiú aon táirge tobac ina bhfuil cibé comhábhar (seachas tobac, uisce nó leathán athdhéanta atá déanta go hiomlán as tobac) a bheidh sonraithe sna rialacháin a thoirmeasc nó a shrianadh. | |
[EN] | (4) Aon duine— | |
[EN] | (a) a mhainneoidh, a fhailleoidh nó a dhiúltóidh déanamh de réir iarrata ón Aire faoi fho-alt (1) den alt seo, nó | |
[EN] | (b) a úsáidfidh aon chomhábhar i monarú táirge tobac de shárú ar rialacháin faoi fho-alt (3) den alt seo, nó | |
[EN] | (c) a allmhaireoidh aon táirge tobac de shárú ar rialacháin den sórt sin, | |
[EN] | beidh sé ciontach i gcion agus dlífear— | |
[EN] | (i) ar é a chiontú go hachomair, fíneáil nach mó ná £1,000 a chur air, nó | |
[EN] | (ii) ar é a chiontú ar díotaíl, fíneáil nach mó ná £10,000 a chur air. | |
[EN] |
Toirmeasc ar tháirgí tobac neamhdheataigh béil a allmhairiú, etc. |
6. —(1) Aon duine a dhéanfaidh táirge tobac neamhdheataigh béil a allmhairiú, a mhonarú, a dhíol nó a dhiúscairt ar shlí eile, nó a thairgfidh é a dhíol nó a dhiúscairt ar shlí eile, nó a fhógróidh é, beidh sé ciontach i gcion agus dlífear— |
[EN] | (a) ar é a chiontú go hachomair, fíneáil nach mó ná £1,000 a chur air, nó | |
[EN] | (b) ar é a chiontú ar díotáil, fíneáil nach mó ná £10,000 a chur air. | |
[EN] | (2) San alt seo ciallaíonn “táirge tobac neamhdheataigh béil” aon táirge nó substaint atá déanta go hiomlán nó go páirteach as tobac agus a mbeartaítear é a úsáid, gan é a lasadh, trína chur isteach sa bhéal agus a choinneáil ann ar feadh tamaill, nó trína chur isteach sa bhéal agus a dhiúl nó a chogaint. | |
[EN] |
Cionta i ndáil le comhlachtaí corpraithe agus comhlachtaí neamhchorpraithe. |
7. —I gcás cion faoin Acht seo a dhéanamh ag comhlacht corpraithe nó ag duine a d'airbheartaigh a bheith ag gníomhú thar ceann comhlachta chorpraithe nó comhlachta neamhchorpraithe daoine agus go gcruthófar go ndearnadh é le toiliú nó le ceadú, nó gur urasaíodh a dhéanamh le haon fhaillí ar thaobh, aon duine ar stiúrthóir ar an gcomhlacht iomchuí é, ar chomhalta de choiste bainisteoireachta nó d'údarás rialaithe eile an chomhlachta é, nó arbh é bainisteoir nó rúnaí an chomhlachta é, nó arbh oifigeach eile don chomhlacht é, tráth an chiona a dhéanamh, measfar go ndearna an duine sin freisin an cion agus féadfar imeachtaí a thionscnamh ina choinne agus é a phionósú dá réir sin. |
[EN] |
Cionta a ionchúiseamh. |
8. —Féadfaidh an tAire nó oifigeach, arna cheapadh chuige sin ag an Aire, don Aire nó do bhord sláinte, imeachtaí achoimre i ndáil le cion faoin Acht seo a thionscnamh agus a ionchúiseamh. |
[EN] |
Leasú ar an Acht um Tháirgí Tobac (Fógraíocht, Coimircíocht agus Spreagadh Díolachán a Rialú), 1978 . |
9. —Leasaítear leis seo an tAcht um Tháirgí Tobac (Fógraíocht, Coimircíocht agus Spreagadh Díolachán a Rialú), 1978 , tríd an alt seo a leanas a chur in ionad alt 3: |
[EN] | “3.—(1) Aon duine a sháróidh rialachán faoi alt 2 den Acht seo beidh sé ciontach i gcion agus dlífear— | |
[EN] | (a) ar é a chiontú go hachomair, fíneáil nach mó ná £1,000 a chur air, nó | |
[EN] | (b) ar é a chiontú ar díotáil, fíneáil nach mó ná £10,000 a chur air. | |
[EN] | (2) I gcás cion faoin Acht seo a dhéanamh ag comhlacht corpraithe nó ag duine a d'airbheartaigh a bheith ag gníomhú thar ceann comhlachta chorpraithe nó comhlachta neamhchorpraithe daoine agus go gcruthófar go ndearnadh é le toiliú nó le ceadú, nó gur urasaíodh a dhéanamh le haon fhaillí ar thaobh, aon duine ar stiúrthóir ar an gcomhlacht iomchuí é, ar chomhalta de choiste bainisteoireachta nó d'údarás rialaithe eile an chomhlachta é, nó arbh é bainisteoir nó rúnaí an chomhlachta é, nó arbh oifigeach eile don chomhlacht é, tráth an chiona a dhéanamh, measfar go ndearna an duine sin freisin an cion agus féadfar imeachtaí a thionscnamh ina choinne agus é a phionósú dá réir sin. | |
[EN] | (3) Féadfaidh an tAire nó oifigeach, arna cheapadh chuige sin ag an Aire, don Aire nó do bhord sláinte, imeachtaí achoimre i ndáil le cion faoin Acht seo a thionscnamh”. | |
[EN] |
Rialacháin. |
10. —Déanfar gach rialachán faoin Acht seo a leagan faoi bhráid gach Tí den Oireachtas a luaithe is féidir tar éis a dhéanta agus má dhéanann ceachtar Teach acu sin, laistigh den lá is fiche a shuífidh an Teach sin tar éis an rialachán a leagan faoina bhráid, rún a rith ag neamhniú an rialacháin, beidh an rialachán ar neamhní dá réir sin, ach sin gan dochar do bhailíocht aon ní a rinneadh roimhe sin faoin rialachán. |
[EN] |
Aisghairm. |
11. —Aisghairtear leis seo ailt 39 go 43 den Children Act, 1908. |
[EN] |
Caiteachais. |
12. —Déanfar na caiteachais a thabhóidh an tAire ag riaradh an Achta seo a íoc, a mhéid a cheadóidh an tAire Airgeadais, as airgead a sholáthróidh an tOireachtas. |
[EN] |
Gearrtheideal. |
13. —Féadfar an tAcht Tobac (Cur chun Cinn agus Cosaint Sláinte), 1988 , a ghairm den Acht seo. |