Uimhir 8 de 1989

AN tACHT TOGHCHÁIN (LEASÚ), 1989

RIAR NA nALT

Uimhir 8 de 1989

AN tACHT TOGHCHÁIN (LEASÚ), 1989

[An tiontú oifigiúil]

ACHT DO LEASÚ ALT 91 DEN ACHT TOGHCHÁIN, 1963 .

[9 Bealtaine, 1989]

ACHTAÍTEAR AG AN OIREACHTAS MAR A LEANAS:

1. —San Acht seo ciallaíonn “Acht 1963” an tAcht Toghcháin, 1963 .

2. —Leasaítear leis seo alt 91 d'Acht 1963—

(a) i bhfo-alt (1), tríd an mír seo a leanas a chur isteach i ndiaidh mhír (c):

“(cc) an vótaíocht i dtoghchán chun comhaltaí a thoghadh d'Údarás na Gaeltachta faoin Acht um Údarás na Gaeltachta, 1979 ;”, agus

(b) i bhfo-alt (5), tríd an mír seo a leanas a chur in ionad mhír (c):

“(c) an tslí ina ndéanfar costais tógála na vótaíochtaí lena mbaineann a chionroinnt idir cibé ceann díobh seo a leanas a d'íocfadh, murach an fhoráil seo, costais na vótaíochtaí lena mbaineann, is é sin le rá, an Príomh-Chiste, an t-údarás áitiúil nó na húdaráis áitiúla (de réir bhrí Chuid VI den Acht seo) lena mbaineann agus Aire na Gaeltachta.”.

3. —(1) Féadfar an tAcht Toghcháin (Leasú), 1989 , a ghairm den Acht seo agus forléireofar é le chéile leis na hAchtanna Toghcháin, 1923 go 1986, mar aon Acht amháin.

(2) Féadfar na hAchtanna Toghcháin, 1923 go 1989, a ghairm den Acht seo agus de na hAchtanna Toghcháin, 1923 go 1986, le chéile.