|
|||||
|
An Chéad Lch. | Lch. Roimhe Seo ( CUID 2 Rialacha Ilghnéitheacha ) | Ar Aghaidh ( CUID 4 Brí agus Forléiriú Focal agus Abairtí ) |
An tAcht Léiriúcháin 2005
[EN] | ||
[EN] |
CUID 3 Lua agus Oibriú Achtachán | |
Aird bhreithiúnach. |
13. — Is doiciméad poiblí Acht agus tabharfar aird bhreithiúnach air. | |
Lua agus tagairtí d’achtacháin leasaithe. |
14. — (1) Féadfar Acht a lua in aon achtachán nó in aon doiciméad eile— | |
[EN] | (a) faoi theideal fada nó faoi ghearrtheideal an Achta, | |
[EN] | (b) más iomchuí, faoi uimhir leanúnach an Achta sa bhliain féilire agus faoin mbliain féilire inar ritheadh é, nó | |
[EN] | (c) i gcás gur ritheadh an tAcht roimh achtú an Achta um Bun-Reacht Shaorstáit Éireann 1922, faoina bhliain mhonarcach agus a uimhir chaibidle agus, i gcás go raibh níos mó ná seisiún parlaiminte amháin ann sa bhliain mhonarcach chéanna, trí thagairt don seisiún lena mbaineann. | |
[EN] | (2) Déanfar lua achtacháin nó tagairt d’achtachán a léamh mar lua de chuid an achtacháin nó tagairt don achtachán arna leasú (lena n-áirítear arna leasú tríd an achtachán a leathnú, a chur i bhfeidhm, a oiriúnú nó a mhodhnú ar shlí eile), cibé acu a dhéantar an leasú roimh an dáta, ar an dáta nó tar éis an dáta a tháinig an fhoráil ina mbeidh an lua nó an tagairt i ngníomh. | |
[EN] | (3) Nuair a bheifear— | |
[EN] | (a) ag lua Achta faoina ghearrtheideal, nó | |
[EN] | (b) ag lua aon achtacháin eile faoina lua (más ann), | |
[EN] | féadfar camóg atá díreach roimh thagairt do bhliain agus camóg atá díreach tar éis tagartha den sórt sin nach gá iad chun críche poncaíochta a fhágáil as an lua. | |
Dáta rite Achtanna den Oireachtas. |
15. — (1) Is é dáta rite Achta den Oireachtas dáta an lae a chuirfidh an tUachtarán a lámh leis an mBille don Acht. | |
[EN] | (2) Díreach tar éis don Uachtarán a lámh a chur leis an mBille d’Acht den Oireachtas, formhuineoidh Cléireach Dháil Éireann dáta rite an Achta ar an Acht, díreach i ndiaidh an teidil fhada, agus tuigfear gur cuid den Acht an dáta sin. | |
Tosach feidhme. |
16. — (1) Faoi réir fho-alt (2) , tiocfaidh gach foráil d’Acht i ngníomh ar dháta a rite. | |
[EN] | (2) I gcás go ndeirtear go dtagann Acht nó foráil d’Acht i ngníomh lá áirithe (cibé acu is lá roimh dháta rite an Achta nó ina dhiaidh agus cibé acu a ainmnítear an lá san Acht nó atá sé le ceapadh nó le déanamh amach ar shlí áirithe), tagann an tAcht nó an fhoráil i ngníomh i ndeireadh an lae roimh an lá áirithe. | |
[EN] | (3) Faoi réir fho-alt (4), tagann gach foráil d’ionstraim reachtúil i ngníomh i ndeireadh an lae roimh an lá a dhéantar an ionstraim reachtúil. | |
[EN] | (4) I gcás go ndeirtear go dtagann ionstraim reachtúil nó foráil d’ionstraim reachtúil i ngníomh lá áirithe (cibé acu is lá roimh dháta déanta na hionstraime reachtúla nó ina dhiaidh, agus cibé acu a ainmnítear an lá san ionstraim nó atá sé le ceapadh nó le déanamh amach ar shlí áirithe), tagann an ionstraim reachtúil nó an fhoráil i ngníomh i ndeireadh an lae roimh an lá áirithe. | |
Cumhachtaí reachtúla a fheidhmiú roimh thosach feidhme an Achta. |
17. — I gcás go ndeirtear in Acht nó i bhforáil d’Acht go dtagann sé nó sí i ngníomh lá áirithe tar éis dháta rite an Achta, tá feidhm ag na forálacha seo leanas: | |
[EN] | (a) má tá an lá a thagann an tAcht nó an fhoráil i ngníomh le ceapadh nó le déanamh amach ar shlí áirithe, féadfar an ionstraim reachtúil, an gníomh nó an ní lena gceaptar nó lena ndéantar amach an lá a dhéanamh, faoi réir aon sriain a fhorchuirtear leis an Acht, tráth ar bith tar éis an tAcht a rith; | |
[EN] | (b) más rud é, chun críocha an Achta nó na forála, go mbronnann an tAcht cumhacht chun ionstraim reachtúil nó aon ghníomh nó ní a dhéanamh is gá nó is fóirsteanach a dhéanamh chun go mbeidh lánfheidhm ag an Acht agus lánéifeacht leis nó lánfheidhm ag an bhforáil agus lánéifeacht léi díreach ar theacht i ngníomh dó nó di, féadfar an chumhacht a fheidhmiú, faoi réir aon sriain a fhorchuirtear leis an Acht, tráth ar bith tar éis an tAcht a rith. |