|
|||||
|
An Chéad Lch. | Lch. Roimhe Seo ( CUID 3 Leasuithe ar an Acht um Chaomhnú Fostaíochta 1977 ) | Ar Aghaidh ( CUID 5 Leasuithe ar an Acht um Íocaíochtaí Iomarcaíochta 1971 ) |
An tAcht um Chaomhnú Fostaíochta (Comhiomarcaíochtaí Eisceachtúla agus Nithe Gaolmhara) 2007
[EN] | ||||||||||||||||||||
[EN] |
CUID 4 Leasuithe ar an Acht um Íocaíochtaí Iomarcaíochta 1967 | |||||||||||||||||||
Leasú ar alt 2 (léiriú) den Acht um Íocaíochtaí Iomarcaíochta 1967. |
14 .— Leasaítear alt 2 den Acht um Íocaíochtaí Iomarcaíochta 1967 i bhfo-alt (1) tríd an méid seo a leanas a chur in ionad an mhínithe ar “an tAire”: | |||||||||||||||||||
[EN] | “ciallaíonn ‘Aire’ an tAire Fiontar, Trádála agus Fostaíochta;”. | |||||||||||||||||||
Leasú ar alt 4 (na haicmí daoine lena mbaineann an tAcht seo) den Acht um Íocaíochtaí Iomarcaíochta 1967. |
15 .— Leasaítear alt 4 den Acht um Íocaíochtaí Iomarcaíochta 1967 tríd an méid seo a leanas a chur in ionad fho-alt (1): | |||||||||||||||||||
[EN] | “(1) Faoi réir an ailt seo agus alt 47, beidh feidhm ag an Acht seo maidir leis na nithe seo a leanas— | |||||||||||||||||||
[EN] | (a) fostaithe a fhostaítear i bhfostaíocht atá inárachaithe le haghaidh gach sochair faoin Acht Comhdhlúite Leasa Shóisialaigh 2005, | |||||||||||||||||||
[EN] | (b) fostaithe a bhí ar fostú amhlaidh san fhostaíocht sin i gcaitheamh na tréimhse ceithre bliana dar chríoch dáta na fostaíochta a fhoirceannadh, agus | |||||||||||||||||||
[EN] | (c) fostaithe a bhfuil 66 bliana d’aois slánaithe acu agus atá i bhfostaíocht ab inárachaithe i gcomhair gach sochair faoin Acht Comhdhlúite Leasa Shóisialaigh 2005 murach— | |||||||||||||||||||
[EN] | (i) an aois sin a bheith slánaithe acu, nó | |||||||||||||||||||
[EN] | (ii) gur fostaíocht eiscthe í an fhostaíocht lena mbaineann de bhíthin mhír 2, 4 nó 5 de Chuid 2 de Sceideal 1 a ghabhann leis an Acht sin.”. | |||||||||||||||||||
Leasú ar alt 7 (ceart ginearálta chun íocaíochta iomarcaíochta) den Acht um Íocaíochtaí Iomarcaíochta 1967. |
16 .— Leasaítear an tAcht um Íocaíochtaí Iomarcaíochta 1967 tríd an méid seo a leanas a chur isteach i ndiaidh fho-alt (2): | |||||||||||||||||||
[EN] | “(2A) Chun críocha fho-alt (1), maidir le fostaí a dhífhostófar, ní mheasfar é nó í a bheith dífhostaithe de bhíthin iomarcaíochta más rud é— | |||||||||||||||||||
[EN] | (a) gur aon cheann amháin é an dífhostú de roinnt dífhostuithe arb ionann is comhiomarcaíochtaí iad, i dteannta a chéile, mar atá mhínithe in alt 6 den Acht um Chaomhnú Fostaíochta 1977, | |||||||||||||||||||
[EN] | (b) go ndearnadh na dífhostuithe lena mbaineann ar bhonn éigeantach, | |||||||||||||||||||
[EN] | (c) gur cuireadh na daoine seo a leanas, nó go bhfuiltear chun na daoine seo a leanas a chur, in ionad na bhfostaithe dífhostaithe, san áit chéanna nó in áit eile sa Stát (ach amháin i gcás go bhfuil oibríocht láithreach a bhfuil téarmaí agus coinníollacha bunaithe ag baint léi ag an bhfostóir)— | |||||||||||||||||||
[EN] | (i) daoine eile atá, nó atá le bheith, ar fostú go díreach ag an bhfostóir, nó | |||||||||||||||||||
[EN] | (ii) daoine eile a soláthraítear a gcuid seirbhísí don fhostóir sin de bhun socruithe eile, nó a bhfuiltear chun a gcuid seirbhísí a sholáthar amhlaidh, | |||||||||||||||||||
[EN] | (d) go gcomhlíonann, nó go gcomhlíonfaidh, na daoine eile sin na feidhmeanna céanna go bunúsach a chomhlíon na fostaithe dífhostaithe, agus | |||||||||||||||||||
[EN] | (e) go bhfuil téarmaí agus coinníollacha fostaíochta na ndaoine eile sin níos measa go hábhartha ná téarmaí agus coinníollacha fostaíochta na bhfostaithe dífhostaithe, nó go bhfuil siad le bheith amhlaidh.”. | |||||||||||||||||||
Leasú ar alt 38 (breitheanna oifigeach breithiúnachta) den Acht um Íocaíochtaí Iomarcaíochta 1967. |
17 .— Leasaítear alt 38 den Acht um Íocaíochtaí Iomarcaíochta 1967 i bhfo-alt (1) tríd an méid seo a leanas a chur in ionad mhíreanna (a) go (f): | |||||||||||||||||||
[EN] | “(a) i dtaobh cé hé nó cé hí an fostóir ag fostaí, | |||||||||||||||||||
[EN] | (b) i ndáil leis na nithe seo a leanas a íoc as an gCiste Árachais Shóisialaigh— | |||||||||||||||||||
[EN] | (i) lacáistí d’fhostóirí faoi alt 29, nó | |||||||||||||||||||
[EN] | (ii) cnapshuimeanna le fostaithe faoi alt 32, | |||||||||||||||||||
[EN] | nó | |||||||||||||||||||
[EN] | (c) i dtaobh cibé nithe eile a éiríonn faoin Acht seo agus a fhorordófar,”. | |||||||||||||||||||
Leasú ar alt 39 (An Binse Achomhairc Iomarcaíochta agus achomhairc agus tarchur chuige) den Acht um Íocaíochtaí Iomarcaíochta 1967. |
18 .— Leasaítear alt 39 den Acht um Íocaíochtaí Iomarcaíochta 1967 i bhfo-alt (16) trí “sa tslí fhorordaithe” a scriosadh. | |||||||||||||||||||
Tuilleadh leasuithe (pionóis) ar an Acht um Íocaíochtaí Iomarcaíochta 1967. |
19 .— Leasaítear an tAcht um Íocaíochtaí Iomarcaíochta 1967 i ngach foráil dá chuid a shonraítear sa Tábla a ghabhann leis an alt seo tríd an méid a a shonraítear i gcolún (3) den Tábla sin a chur in ionad an méid a shonraítear i gcolún (2) den Tábla sin os coinne uimhir na forála lena mbaineann. | |||||||||||||||||||
[EN] | AN TÁBLA | |||||||||||||||||||
|