17 1936


Uimhir 17 de 1936.


ACHT BUNREACHTA (LEASÚ Uimh. 23), 1936.


ACHT CHUN NA LEASÚ SAN DO DHÉANAMH AR AN mBUNREACHT IS GÁ CHUN DEIREADH DO CHUR, ÓN gCÉAD UAIR EILE SCUIRFEAR AN tOIREACHTAS, LE hIONADAIOCHT AR LEITHLIGH PHRÍOMH-SCOILEANNA I nDÁIL ÉIREANN. [24adh Abrán, 1936.]

ACHTUIGHEADH OIREACHTAS SHAORSTáIT ÉIREANN MAR LEANAS:—

Airtiogal 27 den Bhunreacht do scriosadh amach.

1. —Déanfar agus deintear leis seo an Bunreacht do leasú tré Airtiogal 27 de do scriosadh amach.

Leasuithe iarmartacha ar Airtiogail 26 agus 28 den Bhunreacht.

2. —(1) Deintear leis seo Airtiogal 26 den Bhunreacht do leasú tré sna focail “lasmuich de theachtaí na bPríomh-sgoileanna” atá anois ann do scriosadh amach.

(2) Deintear leis seo Airtiogal 28 den Bhunreacht do leasú tré sna focail “lasmuich den vótáil do theachtaí do sna Príomhsgoileanna” atá anois ann do scriosadh amach.

Tosach feidhme an Achta so.

3. —Tiocfaidh an tAcht so i ngníomh díreach ar an Oireachtas do scur den chéad uair tar éis an Achta so do rith.

Gearr-theideal.

4. —Féadfar an tAcht Bunreachta (Leasú Uimh. 23), 1936 , do ghairm den Acht so.