Uimhir 26 de 2006

AN tACHT UM CHEARTAS COIRIÚIL 2006

[An tiontú oifigiúil]

RIAR NA nALT

CUID 1

Réamhraiteach agus Ginearálta

Section

1. Gearrtheideal agus tosach feidhme.

2. Léiriú.

3. Rialacháin.

4. Caiteachais.

CUID 2

Cionta a Imscrúdú

5. Áit a ainmniú mar láthair choire.

6. Barántais chuardaigh i ndáil le cionta inghabhála.

7. Cumhacht chun fianaise a urghabháil agus a choimeád.

8. Cionta inghabhála.

9. Leasú ar alt 4 d’Acht 1984.

10. Leasú ar an Acht um Cheartas Coiriúil (Gáinneail ar Dhrugaí) 1996.

11. Leasú ar alt 42 den Acht um Cheartas Coiriúil 1999.

12. Cumhacht an Gharda Síochána chun grianghraif a dhéanamh de dhaoine gafa.

13. Leasú ar Acht 1984.

14. Leasú ar an Acht um Cheartas Coiriúil (Fianaise Dlí-Eolaíochta) 1990.

CUID 3

Inghlacthacht Ráiteas Finnéithe Áirithe

15. Mínithe (Cuid 3).

16. Inghlacthacht raiteas finneithe áirithe.

17. Ráitis finné a thugtar do chiomhaltaí den Gharda Síochána.

18. Ráitis finné eile.

19. Rialacháin maidir le ráitis finné áirithe a thaifeadtar.

20. Leasú ar alt 4E d’Acht 1967.

CUID 4

Achomhairc in Imeachtaí Coiriúla Áirithe

21. Ceist dlí a tharchur chun na Cúirte Uachtaraí.

22. Ní bheidh dul thar bhreith na Cúirte Achomhairc Choiriúil ach amháin ar dheimhniú ón gCúirt, ón Ard-Aighne nó ón Stiúrthóir Ionchúiseamh Poiblí.

23. Leasú ar alt 2(2) den Acht um Cheartas Coiriúil 1993.

24. Achomharc i gcoinne ordaithe le haghaidh costas.

CUID 5

Leasú ar Achtanna na nArm Tine

25. Mínithe (Cuid 5).

26. Leasú ar alt 1 den Phríomh-Acht.

27. Leasú ar alt 2 den Phríomh-Acht.

28. Alt nua 2A sa Phríomh-Acht.

29. Alt nua 2B sa Phríomh-Acht.

30. Alt nua a chur in ionad alt 3 den Phríomh-Acht.

31. Alt nua 3A sa Phríomh-Acht.

32. Alt nua a chur in ionad alt 4 den Phríomh-Acht.

33. Alt nua 4A sa Phríomh-Acht.

34. Alt nua 4B sa Phríomh-Acht.

35. Alt nua a chur in ionad alt 5 den Phríomh-Acht.

36. Leasú ar alt 6 den Phríomh-Acht.

37. Leasú ar alt 8 den Phríomh-Acht.

38. Leasú ar alt 9 den Phríomh-Acht.

39. Leasú ar alt 10 den Phríomh-Acht.

40. Alt nua 10A sa Phríomh-Acht.

41. Leasú ar alt 11 den Phríomh-Acht.

42. Alt nua a chur in ionad alt 15 den Phríomh-Acht.

43. Alt nua 15A sa Phríomh-Acht.

44. Leasú ar alt 17 den Phríomh-Acht.

45. Alt nua a chur in ionad alt 25 den Phríomh-Acht.

46. Alt nua 25A den Phríomh-Acht.

47. Alt nua 25B sa Phríomh-Acht.

48. Alt nua 25C sa Phríomh-Acht.

49. Alt nua 25D sa Phríomh-Acht.

50. Alt nua a cur in ionad alt 27 den Phríomh-Acht.

51. Alt nua 27A sa Phríomh-Acht.

Leasú ar Acht na nArm Tine 1964

52. Leasú ar alt 1 d’Acht na nArm Tine 1964.

53. Alt nua a chur in ionad alt 9 d’Acht na nArm Tine 1964.

54. Leasú ar alt 11 d’Acht na nArm Tine 1964.

55. Leasú ar alt 13 d’Acht na nArm Tine 1964.

56. Leasú ar alt 21 d’Acht na nArm Tine 1964.

57. Alt nua a chur in ionad alt 26 d’Acht na nArm Tine 1964.

58. Alt nua a chur in ionad alt 27 d’Acht na nArm Tine 1964.

59. Alt nua a chur in ionad alt 27A d’Acht na nArm Tine 1964.

60. Alt nua a chur in ionad alt 27B d’Acht na nArm Tine 1964.

61. Alt nua 27C in Acht na nArm Tine 1964.

Leasú ar an Acht um Cheartas Coiriúil 1984

62. Leasú ar alt 15 den Acht um Cheartas Coiriúil 1984.

Leasú ar Acht na nArm Tine agus na nArm Ionsaitheach 1990

63. Leasú ar Acht na nArm Tine agus na nArm Ionsaitheach 1990.

64. Alt nua 8A d’ Acht na nArm Tine agus na nArm Ionsaitheach 1990.

65. Alt nua 12A in Acht na nArm Tine agus na nArm Ionsaitheach 1990.

66. Leasú ar alt 1 d’Acht na nArm Tine (Deimhniú Airm Tine do Neamhchónaitheoirí) 2000.

67. Leasú ar alt 2 d’Acht na nArm Tine (Deimhniú Airm Tine do Neamhchónaitheoirí) 2000.

CUID 6

Leasú ar an Explosives Act 1875

68. Alt nua a chur in ionad alt 80 den Explosives Act 1875.

69. Leasuithe eile ar an Explosives Act 1875.

CUID 7

Coireacht Eagraithe

70. Léiriú (Cuid 7).

71. Cion comhcheilge.

72. Coireacht eagraithe.

73. Cion a dhéanamh thar ceann eagraíochta coiriúla.

74. Imeachtaí a bhaineann le cionta a dhéantar lasmuigh de Stát.

75. Fianaise in imeachtaí faoin gCuid seo.

76. Dliteanas i leith cionta arna ndéanamh ag comhlachtaí corpraithe.

77. Contúirt dhúbailte.

78. Leasú ar Acht 1967.

79. Leasú ar an Sceideal a ghabhann leis an Acht um Bannaí 1997.

CUID 8

Mí-Úsáid Drugaí

80. Míniú.

81. Leasú ar alt 15A d’Acht 1997.

82. Drugaí rialaithe os cionn luach áirithe a allmhairiú.

83. Drugaí rialaithe a sholáthar isteach i bpríosúin agus in áiteanna coinneála.

84. Leasú ar alt 27 d’Acht 1977.

85. Leasú ar alt 29 d’Acht 1977.

86. Leasú ar alt 3(1) den Acht um Cheartas Coiriúil 1994.

CUID 9

Oibleagáidí Ciontóirí Gainneála ar Dhrugaí Faisnéis Áirithe a Chur in Iúl

87. Mínithe (Cuid 9).

88. Cionta gáinneala ar dhrugaí chun críocha na Coda seo.

89. Daoine atá faoi réir cheanglais na Coda seo.

90. An treimhse ar lena linn a bheidh duine faoi réir cheanglais na Coda seo agus nithe gaolmhara.

91. Faisnéis a sholáthar chun comhlíonadh na Coda seo a éascú.

92. Ceanglais maidir le fógra a thabhairt.

93. Urscaoileadh ón oibleagáid ceanglais na Coda seo a chomhlíonadh.

94. Cionta i dtaca le ceanglais a bhaineann le fógra a thabhairt.

95. Feidhm na Coda seo maidir le daoine a chiontaítear lasmuigh den Stát.

96. Deimhnithe mar fhianaise go bhfuil duine faoi réir cheanglais na Coda seo.

97. Cruthúnas ar chiontú coigríche i gcásanna áirithe.

CUID 10

Pianbhreith a Ghearradh

98. Mínithe (Cuid 10).

99. Cumhacht chun pianbhreith a chur ar fionraí.

100. Fíneáil a fhorchur agus pianbhreith a chur siar.

101. Ordú srianta gluaiseachta.

102. Faireachán leictreonach ar ordú srianta gluaiseachta.

103. Ordú srianta gluaiseachta a athrú.

104. Forálacha maidir le níos mó na ordú srianta gluaiseachta amháin.

105. Gan ordú srianta gluaiseachta a chomhlíonadh.

106. Leasú ar alt 5 den Acht um Cheartas Ciriúil 1951.

107. Fianaise dhoiciméadach i ndáil le ciontóirí.

108. Scaoileadh saor sealadach príosúnach.

109. Fianaise dhoiciméadach i ndáil le príosúnaigh a scaoileadh saor go sealadach.

110. Leasú ar alt 2(1) den Acht um Cheartas Coiriúil 1960.

111. Rialacháin maidir le feistí faireacháin leictreonaigh.

112. Faireachán leictreonach.

CUID 11

Imeachtaí Sibhialta i ndáil le hIompar Frithshóisialta

113. Léiriú agus feidhm na Coda seo.

114. Rabhaidh iompair.

115. Orduithe sibhialta.

116. Achomhairc i gcoinne ordaithe shibhialta.

117. Cuionta.

118. Cúnamh dlíthiúil.

119. Rialacháin (cúnamh dlíthiúil).

CUID 12

Leasú ar Acht na Leanaí 2001

120. Léiriú (Cuid 12).

121. Leasú ar alt 2 d’Acht 2001.

122. Leasú ar alt 3 d’Acht 2001.

123 Alt nua a chur in ionad alt 18 d’Acht 2001.

124. Leasú ar alt 19 d’Acht 2001.

125. Leasú ar alt 23 d’Acht 2001.

126. Alt nua a chur in ionad alt 48 d’Acht 2001.

127. Alt nua a chur in ionad alt 49 d’Acht 2001.

128. Leasú ar ar an Teideal a ghabhann le Cuid 5 d’Acht 2001.

129. Alt nua a chur in ionad alt 52 d’Acht 2001.

130. Leasú ar alt 53 d’Acht 2001.

131. Leasú ar alt 59 d’Acht 2001.

132. Alt nua 76A in Acht 2001.

133. Alt nua 76B in Acht 2001.

134. Alt nua 76C in Acht 2001.

135. Alt nua a chur in ionad alt 88 d’Acht 2001.

136. Leasú ar alt 96 d’Acht 2001.

137. Athrú ar theideal an phríomhoifigigh promhaidh agus leasa.

138. Leasú ar alt 91 d’Acht 2001.

139. Alt nua a chur in ionad alt 93 d’Acht 2001.

140. Leasú ar alt 136 d’Acht 2001.

141. Alt nua a chur in ionad alt 149 d’Acht 2001.

142. Leasú ar alt 155 d’Acht 2001.

143. Alt nua 156A in Acht 2001.

144. Alt nua 156B in Acht 2001.

145. Leasú ar alt 157 d’Acht 2001.

146. Alt nua a chur in ionad alt 159 d’Acht 2001.

147. Alt nua 159A in Acht 2001.

148. Alt nua 159B in Acht 2001.

149. Leasú ar alt 161 d’Acht 2001.

150. Leasú ar alt 165 d’Acht 2001.

151. Alt nua a chur in ionad alt 185 d’Acht 2001.

152. Alt nua a chur in ionad alt 186 d’Acht 2001.

153. Alt nua186A in Acht 2001.

154. Alt nua a chur in ionad alt 198 d’Acht 2001.

155. Leasú ar alt 215 d’Acht 2001.

156. Leasú ar alt 227 d’Acht 2001.

157. Leasú ar alt 230 d’Acht 2001.

158. Mionleasuithe agus leasuithe iarmhartacha ar Acht 2001.

CUID 13

Iompar Frithshóisialta ag Leanaí

159. Alt nua 257A in Acht 2001.

160. Alt nua 257B in Acht 2001.

161. Alt nua 257C in Acht 2001.

162. Alt nua 257D in Acht 2001.

163. Alt nua 257E in Acht 2001.

164. Alt nua 257F in Acht 2001.

165. Alt nua 257G in Acht 2001.

166. Alt nua 257H in Acht 2001.

CUID 14

An Coiste Comhairleach um Chódú an Dlí Choiriúil

167. An Coiste Comhairleach um Chódú an Dlí Choiriúil.

168. Feidhmeanna an Choiste.

169. Comhaltas an Choiste.

170. Coinníollacha oifige chomhaltaí an Choiste.

171. Folúntais i measc chomhaltaí an Choiste.

172. Cruinnithe agus nós imeachta.

173. Clár Oibre an Choiste.

174. An Coiste a mhaoiniú.

175. Tuarascáil ón gCoiste.

CUID 15

Ilghnéitheach

176. Leanaí a chur i mbaol go meargánta.

177. Srian le halt 10(4) den Petty Sessions (Ireland) Act 1851.

178. Leasú ar an Acht Cúirteanna Breithiúnais 1924.

179. Leasú ar Acht na gCúirteanna (Forálacha Forlíontacha) 1961.

180. Breitheamh den Chúirt Dúiche d’fheidhmiú cumhachtaí áirithe lasmuigh de dhúiche chúirte dúiche.

181. Ainmneacha finnéithe áirithe a choimeád ceilte.

182. Faisnéis a bhaineann le maoin arna sealbhú ar iontaobhas.

183. Airteagal atá beartaithe lena úsáid i dtaca le cionta áirithe a shealbhú.

184. Leasú ar an Acht um Cheartas Coiriúil (Ord Poiblí) 1994.

185. Leasú ar alt 19 den Acht un Cheartas Coiriúil (Ord Poiblí) 1994.

186. Leasú ar alt 1 den Acht um Cheartas Coiriúil (Coinbhinsiún na Náisiún Aontaithe in aghaidh Céastóireachta) 2000.

187. Leasú ar an Acht um Chiontaí in Aghaidh an Stáit 1939.

188. Leasú ar alt 5 den Acht um Fhianaise Choiriúil 1992.

189. Leasú ar alt 16B(7) den Acht um Fháltais ó Choireacht 1996.

190. Leasú ar alt 14 den Acht fán mBiúró um Shócmhainní Coiriúla 1996.

191. Leasú ar alt 5 den Acht um Éilliú a Chosc (Leasú) 2001.

192. Leasú ar an Acht um Cheartas Coiriúil (Cionta Gadaíochta agus Calaoise) 2001.

193. Leasú ar alt 25 den Petty Sessions (Ireland) Act 1851.

194. Barántais áirithe a fhorghníomhú.

195. Príosúnacht nó tochsal agus díol earraí i gcás ina mainneofar fíneáil a íoc tar éis ciontú ar díotáil.

196. Leasú ar alt 6(2)(a) den Acht um an Dlí Coiriúil 1976.

197. Leasú ar alt 13 den Acht um an Dlí Coiriúil (Gealtacht) 2006.

SCEIDEAL 1

Méadú ar Phionóis Áirithe faoi Achtanna na nArm Tine 1925 go 2000

SCEIDEAL 2

Meadú ar Phionóis Áirithe faoin Explosives Act 1875

SCEIDEAL 3

Cionta chun críocha orduithe srianta gluaiseachta

SCEIDEAL 4

Mionleasuithe agus Leasuithe Iarmhartacha ar Acht na Leanaí 2001

Na hAchtanna dá dTagraítear

Uimhir 26 de 2006

AN tACHT UM CHEARTAS COIRIÚIL 2006

[An tiontú oifigiúil]

ACHT DO LEASÚ AGUS DO LEATHNÚ CHUMHACHTAÍ AN GHARDA SÍOCHÁNA I nDÁIL LE CIONTA A IMSCRÚDÚ; DO LEASÚ AN DLÍ CHOIRIÚIL AGUS NÓS IMEACHTA COIRIÚIL AR SHLITE EILE, LENA nÁIRÍTEAR SOCRÚ A DHÉANAMH MAIDIR LE hINGHLACTHACHT RÁITEAS FINNÉITHE ÁIRITHE I bhFIANAISE, LEATHNÚ A DHÉANAMH AR NA hIMTHOSCA INA bhFÉADFAIDH AN tARD-AIGHNE SA CHÁS NÓ, MÁS RUD É GURB É NÓ Í AN tÚDARÁS IONCHÚISIMH SA TRIAIL, AN STIÚRTHÓIR IONCHÚISEAMH POIBLÍ CEIST DLÍ A THARCHUR CHUIG AN gCÚIRT UACHTARACH LENA CINNEADH NÓ ACHOMHARC A DHÉANAMH IN IMEACHTAÍ COIRIÚLA, SOCRÚ A DHÉANAMH MAIDIR LE CIONTA A BHAINEANN LE COIREACHT EAGRAITHE, LEASUITHE AR AN ACHT UM MÍ-ÚSÁID DRUGAÍ 1977, OIBLEAGÁID, AR MHAITHE LE LEAS AN PHOBAIL, AR DHAOINE A CHIONTAÍTEAR AR DÍOTÁIL I gCIONTA ÁIRITHE GÁINNEÁLA AR DHRUGAÍ FAISNÉIS ÁIRITHE A CHUR IN IÚL DON GHARDA SÍOCHÁNA, FORÁLACHA A BHAINEANN LE PIANBHREITH A GHEARRADH, SRIANADH AR NA CIONTA LENA mBAINEANN ALT 10(4) DEN PETTY SESSIONS (IRELAND) ACT 1851, LEASÚ AR DHLÍNSE NA CÚIRTE DÚICHE AGUS NA CÚIRTE CUARDA IN ÁBHAIR CHOIRIÚLA, MUIRIR SHEASTA A FHORCHUR I LEITH CIONTA ÁIRITHE FAOIN ACHT UM CHEARTAS COIRIÚIL (ORD POIBLÍ) 1994, AGUS LEASÚ AR AN PETTY SESSIONS (IRELAND) ACT 1851, AR LEASÚ É A BHAINEANN LE hEISIÚINT AGUS LE FORGHNÍOMHÚ BARÁNTAS ÁIRITHE; DO LEASÚ ACHTANNA NA nARM TINE 1925 GO 2000 AGUS AN EXPLOSIVES ACT 1875; DO DHÉANAMH SOCRÚ MAIDIR LE hIOMPAR FRITHSHÓISIALTA AG AOSAIGH AGUS AG LEANAÍ; DO LEASÚ ACHT NA LEANAÍ 2001; DO DHÉANAMH SOCRÚ MAIDIR LE COMHLACHT A BHUNÚ AR A dTABHARFAR AN COISTE COMHAIRLEACH UM CHÓDÚ AN DLÍ CHOIRIÚIL NÓ, SA BHÉARLA, the CRIMINAL LAW CODIFICATION ADVISORY COMMITTEE, AGUS DO DHÉANAMH SOCRÚ I dTAOBH NITHE GAOLMHARA.

[16 Iúil, 2006]

ACHTAÍTEAR AG AN OIREACHTAS MAR A LEANAS:

CUID 1

Réamhráiteach agus Ginearálta

1.— (1) Féadfar an tAcht um Cheartas Coiriúil 2006 a ghairm den Acht seo.

(2) Tiocfaidh an tAcht seo, seachas Codanna 11 agus 13, i ngníomh cibé lá nó laethanta a cheapfaidh an tAire le hordú nó le horduithe i gcoitinne nó faoi threoir aon chríche nó forála áirithe agus féadfar laethanta éagsúla a cheapadh amhlaidh chun críoch éagsúil nó le haghaidh forálacha éagsúla.

(3) Tagann Codanna 11 agus 13 i ngníomh cibé lá nó laethanta a dhéanfaidh an tAire, tar éis comhairle a ghlacadh le Coimisinéir an Gharda Síochána, a cheapadh le hordú nó le horduithe i gcoitinne nó faoi threoir aon chríche nó forála áirithe agus féadfar laethanta éagsúla a cheapadh amhlaidh chun críoch éagsúil nó le haghaidh forálacha éagsúla.

(4) Féadfar Achtanna na nArm Tine 1925 go 2006 a ghairm d’Achtanna na nArm Tine 1925 go 2000, de Chuid 5 agus de Sceideal 1 le chéile agus forléireofar le chéile iad mar aon ní amháin.

(5) Féadfar na hAchtanna Pléascán 1875 agus 2006 a ghairm den Explosives Act 1875, de Chuid 6 agus de Sceideal 2 le chéile agus forléireofar le chéile iad mar aon ní amháin.

(6) Folóidh an comhlua “na hAchtanna um Mí-Úsáid Drugaí 1977 go 2006” Cuid II (seachas alt 7) den Acht um Cheartas Coiriúil 1999 agus Cuid 8 (seachas alt 86 ) agus déanfar na hAchtanna sin agus na Codanna sin (seachas na hailt atá sonraithe) a fhorléiriú le chéile mar aon ní amháin.

2.— (1) San Acht seo mura n-éilíonn an comhthéacs a mhalairt—

ciallaíonn “Acht 1939” an tAcht um Chiontaí in Aghaidh an Stáit 1939;

ciallaíonn “Acht 1967” an tAcht um Nós Imeachta Coiriúil 1967;

ciallaíonn “Acht 1984” an tAcht um Cheartas Coiriúil 1984;

tá le “cion inghabhála” an bhrí atá leis in alt 2 (arna leasú le halt 8) den Acht um an Dlí Coiriúil 1997;

ciallaíonn “Aire” an tAire Dlí agus Cirt, Comhionannais agus Athchóirithe Dlí;

folaíonn “áit” teaghais.

(2) San Acht seo, i gcás ina n-éilíonn an comhthéacs amhlaidh—

(a) déanfar tagairt do chion a fhorléiriú mar thagairt a fholaíonn tagairt do chion amhrasta, agus

(b) déanfar tagairt do chion a dhéanamh a fhorléiriú mar thagairt a fholaíonn tagairt d’iarracht ar chion a dhéanamh.

3.— (1) Féadfaidh an tAire rialacháin a dhéanamh chun aon ní nó aon rud a fhorordú ar ní nó rud é dá dtagraítear san Acht seo mar ní nó rud atá forordaithe nó le forordú.

(2) Déanfar gach rialachán faoin alt seo a leagan faoi bhráid gach Tí den Oireachtas a luaithe is féidir tar éis a dhéanta agus má dhéanann ceachtar Teach acu sin, laistigh den 21 lá a shuífidh an Teach sin tar éis an rialachán a leagan faoina bhráid, rún a rith ag neamhniú an rialacháin, beidh an rialachán ar neamhní dá réir sin ach sin gan dochar do bhailíocht aon ní a rinneadh roimhe sin faoin rialachán.

4.— Déanfar na caiteachais a thabhóidh an tAire ag riaradh an Achta seo a íoc, a mhéid a cheadóidh an tAire Airgeadais é, as airgead a sholáthróidh an tOireachtas.

CUID 2

Cionta a Imscrúdú

5.— (1) I gcás ina mbeidh comhalta den Gharda Síochána—

(a) in áit phoiblí, nó

(b) in aon áit eile faoi chumhacht chun dul isteach ar cumhacht í a údaraíodh le dlí nó in aon áit eile a ndearnadh, go sainráite nó go hintuigthe, cuireadh a thabhairt dó nó di dul isteach ann nó cead a thabhairt dó nó di a bheith ann,

agus go mbeidh forais réasúnacha aige nó aici chun a chreidiúint—

(i) go ndearnadh cion inghabhála, go bhfuil cion inghabhála á dhéanamh, nó go mb’fhéidir go ndearnadh cion inghabhála, san áit, nó

(ii) go bhfuil, nó go mb’fhéidir go bhfuil, san áit, fianaise go ndearnadh cion inghabhála nó fianaise a bhaineann le cion inghabhála a dhéanamh, ar cion inghabhála é a rinneadh, nó go mb’fhéidir go ndearnadh é, in áit eile,

féadfaidh sé nó sí, go dtí go dtabharfar ordachán faoi fho-alt (3) i ndáil leis an áit, cibé bearta de na bearta a shonraítear i bhfo-alt (4) a dhéanamh a mheasfaidh sé nó sí le réasún is gá chun go gcaomhnófar aon fhianaise go ndearnadh an cion nó aon fhianaise a bhaineann leis an gcion a dhéanamh.

(2) Déanfaidh comhalta den Gharda Síochána a bheidh a fheidhmíonn cumhachtaí faoi fho-alt (1), a luaithe is indéanta le réasún, a iarraidh, nó a chur faoi deara go ndéanfar iarraidh, ar chomhalta den Gharda Síochána nach ísle céim ná ceannfort ordachán a thabhairt faoi fho-alt (3) i ndáil leis an áit lena mbaineann.

(3) Féadfaidh comhalta den Gharda Síochána nach ísle céim ná ceannfort ordachán a thabhairt lena n-ainmneofar áit mar láthair choire más rud é go bhfuil forais réasúnacha aige nó aici chun a chreidiúint—

(a) gurb amhlaidh—

(i) go ndearnadh cion inghabhála, go bhfuil cion inghabhála á dhéanamh, nó go mb’fhéidir go ndearnadh cion inghabhála, san áit, nó

(ii) go bhfuil, nó go mb’fhéidir go bhfuil, san áit, fianaise go ndearnadh cion inghabhála nó fianaise a bhaineann le cion inghabhála a dhéanamh, ar cion inghabhála é a rinneadh, nó go mb’fhéidir go ndearnadh é, in áit eile,

agus

(b) gur gá an áit a ainmniú mar láthair choire chun fianaise a chaomhnú, a chuardach agus a bhailiú ar fianaise í ar an gcion a dhéanamh nó ar fianaise í a bhaineann leis an gcion a dhéanamh.

(4) Údarófar le hordachán faoi fho-alt (3) do cibé comhaltaí den Gharda Síochána a mheasfaidh comhalta den Gharda Síochána nach ísle céim ná ceannfort is cuí, cibé bearta a dhéanamh, lena n-áirítear gach beart nó aon bheart díobh seo a leanas, a mheasfaidh siad is gá le réasún chun fianaise a chaomhnú, a chuardach agus a bhailiú sa láthair choire lena baineann an t-ordachán:

(a) limistéar na láithreach coire a líniú agus a leithlisiú trí fhógraí, marcálacha nó bacainní;

(b) a ordú do dhuine imeacht ón láthair choire;

(c) duine nach gcomhlíonann ordachán imeacht ón láthair choire a dhíchur;

(d) a ordú do dhuine gan dul isteach sa láthair choire;

(e) duine a chosc ar dhul isteach sa láthair choire;

(f) a cheadú do dhuine a bheidh údaraithe faoi fho-alt (5) dul isteach sa láthair choire;

(g) duine a chosc ar aon rud ar fianaise é, nó a d’fhéadfadh a bheith ina fhianaise, a dhíchur nó ar chur isteach ar shlí eile ar an láthair choire nó ar aon rud ag an láthair;

(h) a áirithiú nach dtarlaíonn aon fhoghail nó corraíl neamhúdaraithe sa láthair choire;

(i) an láthair choire a chuardach agus an láthair agus aon rud ag an láthair a scrúdú; agus

(j) grianghraif a thógáil den láthair choire nó d’aon rud ag an láthair nó an láthair choire nó aon rud ag an láthair a thaifeadadh ar shlí eile.

(5) Féadfaidh comhalta den Gharda Síochána nach ísle céim ná ceannfort a údarú do cibé daoine is cuí leis nó léi dul isteach i láthair choire chun críche sonraithe agus go ceann cibé tréimhse a chinnfidh sé nó sí.

(6) Ní bheidh an tréimhse a mbeidh ordachán faoi fho-alt (3) i bhfeidhm lena linn níos faide ná mar is gá le réasún chun an fhianaise lena mbaineann a chaomhnú, a chuardach agus a bhailiú.

(7) Faoi réir fho-ailt (9) go (11), scoirfidh ordachán faoi fho-alt (3) i ndáil le háit seachas áit phoiblí de bheith i bhfeidhm 24 huaire an chloig tar éis é a thabhairt.

(8) (a) Féadfar ordachán faoi fho-alt (3) a thabhairt ó bhéal nó i scríbhinn agus, más ó bhéal a thabharfar é, taifeadfar i scríbhinn é a luaithe is indéanta le réasún ach ní fhágfaidh mainneachtain an t-ordachán a thaifeadadh, aisti féin, go mbeidh aon fhianaise áirithe neamh-inghlactha.

(b) Maidir le hordachán faoi fho-alt (3) nó, más ó bhéal a thugtar é, maidir leis an taifead scríofa air, beidh sé sínithe ag an gcomhalta den Gharda Síochána a thugann é, tabharfar tuairisc ann ar an áit atá ainmnithe leis an ordachán mar láthair choire, luafar ann an dáta agus an t-am ar tugadh é, ainm agus céim an chomhalta a thugann é agus go bhfuil forais réasúnacha ag an gcomhalta chun a chreidiúint go bhfuil gá leis an ordachán chun an fhianaise lena mbaineann a chaomhnú, a chuardach agus a bhailiú.

(9) Más deimhin le breitheamh den Chúirt Dúiche, trí fhaisnéis faoi mhionn ó chomhalta den Gharda Síochána nach ísle céim ná ceannfort—

(a) go bhfuil ordachán faoi fho-alt (3) i bhfeidhm ar ordachán é lena n-ainmnítear áit mar láthair choire,

(b) go bhfuil forais réasúnacha ann chun a chreidiúint go bhfuil, nó go mb’fhéidir go bhfuil, fianaise ag an láthair choire,

(c) gur gá an t-ordachán a choimeád i bhfeidhm chun aon fhianaise den sórt sin a chaomhnú, a chuardach agus a bhailiú, agus

(d) go bhfuil imscrúdú an chiona lena mbaineann aon fhianaise den sórt sin á sheoladh go dícheallach dlúsúil,

féadfaidh an breitheamh ordú a dhéanamh lena gcoimeádfar an t-ordachán i bhfeidhm go ceann cibé tréimhse breise, nach faide ná 48 n-uaire an chloig, a shonrófar san ordú agus dar tosach deireadh na tréimhse a bhfuil an t-ordachán i bhfeidhm lena linn.

(10) Ní fhéadfar ordachán faoi fho-alt (3) a choimeád i bhfeidhm faoi fho-alt (9) níos mó ná trí huaire.

(11) Más deimhin leis an Ard-Chúirt, ar iarratas chuige sin a bheith déanta chuici ag comhalta den Gharda Síochána nach ísle céim ná ceannfort—

(a) go bhfuil ordachán faoi fho-alt (3) i bhfeidhm ar ordachán é lena n-ainmnítear áit mar láthair choire,

(b) go bhfuil forais réasúnacha ann chun a chreidiúint go bhfuil, nó go mb’fhéidir go bhfuil, fianaise ag an láthair choire,

(c) go bhfuil imthosca eisceachtúla ann a fhágann gur ceart an t-ordachán a choimeád i bhfeidhm chun aon fhianaise den sórt sin a chaomhnú, a chuardach agus a bhailiú, agus

(d) go bhfuil imscrúdú an chiona lena mbaineann aon fhianaise den sórt sin á sheoladh go dícheallach dlúsúil,

féadfaidh an Chúirt ordú a dhéanamh lena gcoimeádfar an t-ordachán i bhfeidhm ar feadh cibé tréimhse is cuí léi agus a bheidh sonraithe san ordú (cibé acu a coimeádadh nó nár coimeádadh an t-ordachán i bhfeidhm faoi fho-alt (9)) agus dar tosach deireadh na tréimhse a bhfuil an t-ordachán i bhfeidhm lena linn.

(12) Déanfaidh comhalta den Gharda Síochána a bheartaíonn iarratas a dhéanamh faoi fho-alt (9) nó (11), más indéanta le réasún déanamh amhlaidh sula ndéanfar an t-iarratas, fógra ina thaobh a thabhairt dóibh seo a leanas—

(a) áititheoir na háite is ábhar don iarratas, nó

(b) murab indéanta le réasún céannacht an áititheora, nó an áit a bhfuil an t-áititheoir, a fháil amach nó, i gcás an áit a bheith neamháitithe, an t-úinéir, mura rud é nach bhfuil sé indéanta le réasún céannacht an úineára, nó an áit a bhfuil an t-úinéir, a fháil amach.

(13) Más rud é, ar iarratas faoi fho-alt (9) nó (11), go ndéanann úinéir nó áititheoir na háite lena mbaineann iarratas go dtabharfaidh an Chúirt éisteacht dó nó di, ní dhéanfar ordú faoi fho-alt (9) nó (11), de réir mar is cuí, mura rud é go mbeidh deis tugtha don duine éisteacht a fháil.

(14) Féadfaidh an Ard-Chúirt nó breitheamh den Chúirt Dúiche, de réir mar is cuí, cibé coinníollacha is cuí leis an gCúirt nó leis an mbreitheamh a chur ag gabháil le hordú faoi fho-alt (9) nó (11) chun leasanna áititheoir nó úinéir na háite is ábhar don ordú a chosaint.

(15) Measfar go leanann ordachán faoi fho-alt (3) de bheith i bhfeidhm go dtí go ndéantar iarratas faoi fho-alt (9) nó (11) a chinneadh más rud é—

(a) go bhfuil an t-ordachán i bhfeidhm an tráth a dhéantar an t-iarratas, agus

(b) go rachadh an t-ordachán in éag, murach an fo-alt seo, roimh chinneadh an iarratais de dheasca deis a thabhairt, de bhun fho-alt (13), do dhuine éisteacht a fháil.

(16) Aon duine a chuirfidh bac le comhalta den Gharda Síochána i bhfeidhmiú a chumhachtaí nó a cumhachtaí faoin alt seo, nó a mhainneoidh ordachán faoin alt seo a chomhlíonadh, beidh sé nó sí ciontach i gcion agus dlífear ar é nó í a chiontú go hachomair fíneáil nach mó ná €3,000 nó príosúnacht ar feadh téarma nach faide ná 6 mhí, nó iad araon, a chur air nó uirthi.

(17) Féadfaidh comhalta den Gharda Síochána aon duine a ghabháil gan bharántas i gcás drochamhras a bheith ag an gcomhalta, le réasún, ina leith go bhfuil cion faoi fho-alt (16) á dhéanamh nó déanta aige nó aici.

(18) Ní choiscfidh aon ní san alt seo—

(a) áit a ainmniú mar láthair choire, nó

(b) ar chomhalta den Gharda Síochána aon cheann de na bearta dá dtagraítear i bhfo-alt (4) a dhéanamh ag áit a bheidh ainmnithe amhlaidh.

más rud é go dtoileoidh úinéir nó áititheoir na háite le hainmniú den sórt sin nó le haon cheann de bearta sin a dhéanamh.

(19) San alt seo—

ciallaíonn “fianaise” fianaise ar chion inghabhála a dhéanamh nó fianaise maidir le cion inghabhála a dhéanamh;

folaíonn “caomhnú” i ndáil le fianaise, aon ghníomh chun cosc a chur le ceilt, cailleadh, díchur, díothú, truailliú, scriosadh, foghlú nó athrú na fianaise a chosc.

6.— (1) Leasaítear an tAcht um Cheartas Coiriúil (Forálacha Ilghnéitheacha) 1997 —

(a) tríd an alt seo a leanas a chur in ionad alt 10:

“Barántais chuardaigh i ndáil le cionta inghabhála.

10.— (1) Más rud é gur deimhin le breitheamh den Chúirt Dúiche, trí fhaisnéis faoi mhionn ó chomhalta nach ísle céim ná sáirsint, go bhfuil forais réasúnacha drochamhrais ann go bhfuil fianaise ar chion inghabhála a dhéanamh nó fianaise a bhaineann le cion inghabhála a dhéanamh le fáil in aon áit, féadfaidh an breitheamh barántas a eisiúint chun an áit sin agus aon daoine a gheofar san áit sin a chuardach.

(2) Maidir le barántas cuardaigh faoin alt seo, déarfar ann, agus oibreoidh sé ar chaoi, go n-údaraítear do chomhalta ainmnithe, agus cibé comhaltaí nó daoine eile, nó cibé comhaltaí agus daoine eile, a mheasfaidh an comhalta is gá, in éineacht leis nó léi—

(a) dul isteach san áit atá ainmnithe sa bharántas, aon tráth nó tráthanna laistigh d’aon seachtain amháin ó dháta eisiúna an bharántais, ar an mbarántas a thabhairt ar aird i gcás ina n-iarrfar amhlaidh, agus forneart réasúnach a úsáid chuige sin más gá,

(b) an áit sin agus aon daoine a gheofar san áit sin a chuardach, agus

(c) aon rud a gheofar san áit sin, nó aon rud a gheofar i seilbh duine a bheidh i láthair san áit sin tráth an chuardaigh, a urghabháil, ar rud é a gcreideann an comhalta sin le réasún ina leith gur fianaise é ar chion inghabhála a dhéanamh nó gur fianaise é a bhaineann le cion inghabhála a dhéanamh.

(3) Féadfaidh comhalta a bheidh ag gníomhú faoi údarás barántais cuardaigh faoin alt seo—

(a) a cheangal ar aon duine a bheidh i láthair san áit ina bhfuil an cuardach á dhéanamh a ainm agus a sheoladh, nó a hainm agus a seoladh, a thabhairt don chomhalta, agus

(b) aon duine a ghabháil gan bharántas is duine—

(i) a chuirfidh bac, nó a fhéachfaidh le bac a chur, ar an gcomhalta le linn dó nó di a dhualgais nó a dualgais a chomhall,

(ii) a mhainneoidh ceanglas faoi mhír (a) a chomhlíonadh, nó

(iii) a thabharfaidh ainm nó seoladh a bhfuil cúis réasúnach ag an gcomhalta chun a chreidiúint go bhfuil sé bréagach nó míthreorach.

(4) Aon duine a chuirfidh bac, nó a fhéachfaidh le bac a chur, ar chomhalta a bheidh ag gníomhú faoi údarás barántais cuardaigh faoin alt seo, a mhainneoidh ceanglas faoi fho-alt (3)(a) a chomhlíonadh nó a thabharfaidh ainm nó seoladh bréagach nó míthreorach do chomhalta, beidh sé nó sí ciontach i gcion agus dlífear, ar é nó í a chiontú go hachomair, fíneáil nach mó ná €3,000, nó príosúnacht ar feadh tréimhse nach faide ná 6 mhí, nó iad araon, a chur air nó uirthi.

(5) Maidir leis an gcumhacht chun barántas a eisiúint faoin alt seo, is cumhacht í gan dochar d’aon chumhacht eile a thugtar le reacht chun barántas a eisiúint chun aon áit nó aon duine a chuardach.

(6) San alt seo—

tá le ‘cion inghabhála’ an bhrí atá leis in alt 2 (arna leasú le halt 8 den Acht um Cheartas Coiriúil 2006) den Acht um an Dlí Coiriúil 1997;

ciallaíonn ‘áit’ suíomh fisiciúil agus folaíonn sé—

(a) teaghais, áit chónaithe nó foirgneamh,

(b) feithicil, cibé acu inneallghluaiste nó nach ea,

(c) soitheach, cibé acu soitheach farraige nó nach ea,

(d) aerárthach, cibé acu atá, nó nach bhfuil, sé inoibrithe, agus

(e) sciorrárthach.”,

agus

(b) tríd an gCéad Sceideal a scriosadh.

(2) Ní dhéanfaidh an t-alt seo difear do bhailíocht barántais arna eisiúint faoi alt 10 den Acht um Cheartas Coiriúil (Forálacha Ilghnéitheacha) 1997 roimh thosach feidhme an ailt seo agus leanfaidh barántas den sórt sin i bhfeidhm de réir a théarmaí tar éis an tosach feidhme sin.

7.— (1) Más rud é, maidir le comhalta den Gharda Síochána a bheidh—

(a) atá in áit phoiblí, nó

(b) atá in aon áit eile faoi chumhacht chun dul isteach ar cumhacht í atá údaraithe le dlí nó ina aon áit eile a ndearnadh, go sainráite nó go hintuigthe, cuireadh a thabhairt dó nó di chun dul isteach ann nó cead a thabhairt dó nó di a bheith ann,

go bhfaighidh sé nó sí, nó go dtiocfaidh ina sheilbh nó ina seilbh, aon rud a mbeidh forais réasúnacha aige nó aici chun a chreidiúint ina leith gur fianaise é ar chion inghabhála a dhéanamh nó gur fianaise é a bhaineann le cion inghabhála a dhéanamh, féadfaidh sé nó sí an rud a urghabháil agus a choimeád, lena úsáid mar fhianaise in aon imeachtaí coiriúla, ar feadh cibé tréimhse is réasúnach ó dháta na hurghabhála nó, má thionscnaítear imeachtaí ina bhfuil an rud a urghabhadh amhlaidh ag teastáil lena úsáid i bhfianaise, go dtí deireadh na n-imeachtaí agus, dá éis sin, beidh feidhm ag an Police (Property) Act 1897 maidir leis an rud a urghabhadh amhlaidh amhail mar atá feidhm ag an Acht sin maidir le maoin a tháinig i seilbh an Gharda Síochána sna himthosca a luaitear san Acht sin.

(2) Má léirítear, nó má dhealraíonn sé, do chomhalta den Gharda Síochána a bheartaíonn doiciméad a urghabháil nó a choimeád faoin alt seo go ndearnadh, nó go mb’fhéidir sé go ndearnadh, an doiciméad chun comhairle dhlíthiúil ó abhcóide nó aturnae a fháil nó a thabhairt nó a chur in iúl, ní urghabhfaidh ná ní choimeádfaidh an comhalta an doiciméad mura rud é go bhfuil drochamhras aige nó aici, agus cúis réasúnach ann chuige sin, nach ndearnadh an doiciméad, nó nach bhfuil sé beartaithe, d’aon toisc chun aon cheann de na críocha réamhráite.

(3) Maidir leis an gcumhacht faoin bhfo-alt seo chun fianaise a urghabháil agus a choimeád, is cumhacht í gan dochar d’aon chumhacht eile a thugtar le reacht nó atá infheidhmithe thairis sin ag comhalta den Gharda Síochána chun fianaise a urghabháil agus a choimeád ar fianaise í ar chion a dhéanamh nó ar iarracht cion a dhéanamh nó ar fianaise í a bhaineann le cion a dhéanamh nó le hiarracht cion a dhéanamh.

8.— Leasaítear alt 2(1) den Acht um an Dlí Coiriúil 1997 sa mhíniú ar “cion inghabhála” trí “faoi réim agus de bhua aon achtacháin nó an dlí choitinn” a chur in ionad “faoi aon achtachán nó dá bhua”.

9.— Leasaítear alt 4 d’Acht 1984—

(a) i bhfo-alt (1), trí “faoi réim nó de bhua aon achtacháin nó an dlí choitinn” a chur in ionad “faoi réim nó de bhua aon achtacháin”,

(b) tríd an bhfo-alt seo a leanas a chur in ionad fho-alt (2):

“(2) (a) I gcás ina ndéanfaidh comhalta den Gharda Síochána duine a ghabháil gan bharántas, cibé acu i stáisiún Garda Síochána nó in áit eile, ar duine é nó í a bhfuil drochamhras ag an gcomhalta air nó uirthi, agus cúis réasúnach ann chuige sin, go ndearna sé nó sí cion lena mbaineann an t-alt seo—

(i) mura bhfuil an duine i stáisiún Garda Síochána cheana féin, féadfar é nó í a thabhairt go dtí stáisiún Garda Síochána agus a choinneáil ann, nó

(ii) má ghabhtar é nó í i stáisiún Garda Síochána, féadfar é nó í a choinneáil sa stáisiún,

ar feadh cibé tréimhse a údaraítear leis an alt seo más rud é, maidir leis an gcomhalta den Gharda Síochána atá i gceannas an stáisiúin a dtugtar an duine chuige tar éis é nó í a ghabháil nó ina ngabhtar é nó í, go bhfuil aige nó aici, an tráth a thagann an duine chuig an stáisiún nó an tráth a ghabhtar é nó í sa stáisiún, de réir mar is cuí, forais réasúnacha chun a chreidiúint gur gá é nó í a choinneáil chun an cion a imscrúdú go cuí.

(b) I gcás ina ngabhann comhalta den Gharda Síochána duine de bhun údaraithe ó bhreitheamh den Chúirt Dúiche faoi alt 10(1), féadfar an duine a thabhairt go dtí stáisiún Garda Síochána agus a choinneáil ann ago ceann cibé tréimhse a údaraítear leis an alt seo más rud é, maidir leis an gcomhalta den Gharda Síochána i gceannas an stáisiúin a dtugtar an duine chuige ar é nó í a ghabháil, go bhfuil forais réasúnacha aige nó aici, an tráth a thagann an duine go dtí an stáisiún, chun a chreidiúint gur gá é nó í a choinneáil chun an cion a imscrúdú go cuí.”,

(c) i bhfo-alt (3)—

(i) tríd an mír seo a leanas a chur isteach i ndiaidh mhír (b):

“(bb) Féadfaidh comhalta den Gharda Síochána nach ísle céim ná ardcheannfort a ordú go ndéanfar duine atá á choinneáil nó á coinneáil de bhun ordaithe faoi mhír (b) a choinneáil go ceann tréimhse breise nach faide ná dhá uair déag an chloig má tá forais réasúnacha aige nó aici chun a chreidiúint gur gá an choinneáil bhreise sin chun an cion lena mbaineann a imscrúdú go cuí.”,

(ii) i mír (c), trí “mhír (b) nó (bb)” a chur in ionad “mhír (b)”,

agus

(d) i bhfo-alt (9), trí “tráth is faide ná ceithre huaire is fiche an chloig” a chur in ionad “tráth is faide ná dhá uair déag a chloig”.

10.— Leasaítear an tAcht um Cheartas Coiriúil (Gáinneáil ar Dhrugaí) 1996—

(a) in alt 2—

(i) i bhfo-alt (1), tríd an mír seo a leanas a chur in ionad mhír (a):

“(a) I gcás ina ngabhann comhalta den Gharda Síochána duine gan bharántas, cibé acu i stáisiún Garda Síochána nó in áit eile, ar duine é nó í (‘duine gafa’) a bhfuil drochamhras ag an gcomhalta air nó uirthi, agus cúis réasúnach ann chuige sin, go ndearna sé nó sí cion gáinneála ar dhrugaí, féadfar an duine gafa—

(i) mura bhfuil sé nó sí i stáisiún Garda Síochána cheana féin, a thabhairt go dtí stáisiún Garda Síochána agus a choinneáil ann, nó

(ii) má ghabhtar é nó í i stáisiún Garda Síochána, a choinneáil sa stáisiún,

go ceann tréimhse nó tréimhsí a údaraítear le fo-alt (2) más rud é, maidir leis an gcomhalta den Gharda Síochána i gceannas an stáisiúin a dtugtar an duine gafa chuige ar é nó í a ghabháil nó ina ngabhtar é nó í, go bhfuil forais réasúnacha aige nó aici, an tráth a thagann an duine gafa go dtí an stáisiún nó tráth a ghabhála nó a gabhála sa stáisiún, de réir mar is cuí, chun a chreidiúint gur gá é nó í a choinneáil chun an cion a imscrúdú go cuí.”,

(ii) tríd an bhfo-alt seo a leanas a chur isteach i ndiaidh fho-alt (7):

“(7A) D’ainneoin fho-ailt (2) agus (7), más rud é—

(a) go ndéantar iarratas faoi fho-alt (2) ar bharántas á údarú duine atá a choinneáil nó á coinneáil faoin bhfo-alt sin a choinneáil go ceann tréimhse breise, agus

(b) nach bhfuil an tréimhse coinneála faoin bhfo-alt sin imithe in éag nuair a chuirtear tús le héisteacht an iarratais ach go rachadh sé in éag, murach an fo-alt seo, le linn na héisteachta,

measfar nach dtéann sí in éag go dtí go gcinntear an éisteacht.”,

agus

(b) in alt 4(3), tríd an mír seo a leanas a chur isteach mar mhír (a) agus trí litreacha mhíreanna (a) agus (b) a athrú ionas gurb iad míreanna (b) agus (c) iad;

“(a) an mhír seo a leanas a chur in ionad mhír (a) i bhfo-alt (1):

‘(a) I gcás ina ngabhann comhalta den Gharda Síochána duine (“duine gafa”) faoi bharántas arna eisiúint de bhun alt 4(1), féadfar an duine gafa a thabhairt go dtí stáisiún Garda Síochána agus a choinneáil ann go ceann tréimhse nó tréimhsí a údaraítear le fo-alt (2) más rud é, maidir leis an gcomhalta den Gharda Síochána i gceannas an stáisiúin a dtugtar an duine gafa chuige ar é nó í a ghabháil, go bhfuil forais réasúnacha aige nó aici, an tráth a thagann an duine gafa go dtí an stáisiún, chun a chreidiúint gur gá é nó í a choinneáil chun an cion a imscrúdú go cuí.’.”.

11.— Leasaítear alt 42 den Acht um Cheartas Coiriúil 1999—

(a) i bhfo-alt (2), trí fho-alt (2) a scriosadh agus tríd an méid seo a leanas a chur ina ionad:

“(2) Féadfaidh comhalta den Gharda Síochána príosúnach a ghabháil ar údarú ó bhreitheamh den Chúirt Dúiche ar deimhin leis nó léi, trí fhaisnéis arna soláthar faoi mhionn ag comhalta den Gharda Síochána nach ísle céim ná ceannfort, go bhfuil na coinníollacha seo a leanas arna gcomhlíonadh:

(a) tá forais réasúnacha ann chun drochamhras a bheith ann go ndearna an príosúnach cion nó cionta seachas an cion nó na cionta a bhfuil sé nó sí príosúnaithe i dtaca leis nó leo,

(b) is gá an príosúnach a ghabháil chun imscrúdú cuí a dhéanamh maidir leis an gcion nó leis na cionta a bhfuil drochamhras ann ina leith gurb é nó í a rinne é nó iad,

(c) i gcás inar gabhadh an príosúnach roimhe sin mar gheall ar an gcion céanna nó na cionta céanna, cibé acu roimh é nó í a phríosúnú nó faoin alt seo, tá tuilleadh faisnéise tagtha ar iúl an Gharda Síochána ón tráth a gabhadh é nó í i dtaobh drochamhras a bheith ann go raibh an príosúnach páirteach sa chion nó sna cionta a bhfuiltear á iarraidh go ngabhfar é nó í ina leith.”,

agus

(b) i bhfo-alt (5)—

(i) i mír (a), trí “an cion nó na cionta ar gabhadh é nó í ina leith” a chur in ionad “an cion ar gabhadh é nó í ina leith”, agus

(ii) i mír (b) trí “an cion sin nó na cionta sin a imscrúdú go cuí” a chur in ionad “an cion sin a imscrúdú go cuí”.

12.— (1) I gcás ina ngabhann comhalta den Gharda Síochána duine faoi aon chumhacht a thugtar dó nó di le dlí, féadfaidh an comhalta grianghraf a dhéanamh, nó a chur faoi deara go ndéanfar grianghraf, den duine i stáisiún Garda Síochána a luaithe is féidir tar éis é nó í a ghabháil chun cuidiú a thabhairt maidir le céannú an duine i dtaca le haon imeachtaí a thionscnófar ina choinne nó ina coinne mar gheall ar an gcion ar gabhadh é nó í ina leith.

(2) Ní dhéanfar an chumhacht a thugtar le fo-alt (1) a fheidhmiú ach amháin ar údarú ó chomhalta den Gharda Síochána nach ísle céim ná sáirsint.

(3) Féadfar údarú faoi fho-alt (2) a thabhairt ó bhéal ach, má thugtar ó bhéal é, déanfar é a dhaingniú i scríbhinn a luaithe is indéanta.

(4) Beidh feidhm ag forálacha alt 8 d’Acht 1984 maidir le grianghraif (lena n-áirítear claonchlónna) a thógtar de bhun an ailt seo mar atá feidhm acu maidir le grianghraif a thógtar de bhun alt 6 den Acht sin, ach sin faoi réir an mhodhnaithe go ndéanfar an tagairt in alt 8(2) den Acht sin d’imeachtaí i leith ciona lena mbaineann alt 4 den Acht sin a fhorléiriú mar thagairt d’imeachtaí i leith ciona a ngabhtar an duine lena mbaineann ina leith, agus aon mhodhnuithe eile is gá.

(5) Aon duine a dhiúltóidh cead a thabhairt grianghraf a dhéanamh de féin nó di féin de bhun an ailt seo, beidh sé nó sí ciontach i gcion agus dlífear ar é nó í a chiontú go hachomair fíneáil nach mó ná €3,000 nó príosúnacht ar feadh téarma nach faide ná 6 mhí, nó iad araon, a chur air nó uirthi.

(6) Maidir leis an gcumhacht a thugtar leis an alt seo, is cumhacht í gan dochar d’aon chumhacht eile atá infheidhmithe ag comhalta den Gharda Síochána chun grianghraf a ghlacadh de dhuine.

13.— Leasaítear Acht 1984—

(a) in alt 6(4), trí “€3,000” a chur in ionad “£1,000”,

(b) in alt 8—

(i) i bhfo-alt (2), trí “laistigh den tréimhse dhá mhí dhéag” a chur in ionad “laistigh den tréimhse sé mhí”,

(ii) trí na fo-ailt seo a leanas a chur in ionad fho-alt (3):

“(3) I gcás ina mbeidh imeachtaí tionscanta amhlaidh agus—

(a) go n-éigiontaítear an duine,

(b) go ndéantar an cúiseamh i gcoinne an duine i leith an chiona lena mbaineann a dhíbhe faoi alt 4E den Acht um Nós Imeachta Coiriúil 1967, nó

(c) go scoirtear de na himeachtaí,

déanfar an díothú ar thréimhse 21 lá a bheith caite tar éis an éigiontaithe, na díbhe nó an scoir, de réir mar a bheidh.

(3A) Chun críocha fho-alt (3)(b), measfar cúiseamh i gcoinne duine i leith an chiona lena mbaineann a bheith arna dhíbhe—

(a) nuair atá an t-am chun achomharc a thionscnamh i gcoinne na díbhe imithe in éag,

(b) nuair a dhéantar aon achomharc den sórt sin a tharraingt siar nó a thréigean, nó

(c) ar aon achomharc den sórt sin a dhéanamh, nuair a sheastar leis an díbhe.”,

agus

(iii) i bhfo-alt (7)—

(I) trí “go ceann tréimhse nach faide ná dhá mhí dhéag” a chur in ionad “go ceann tréimhse nach faide ná sé mhí”, agus

(II) trí “chun críche imeachtaí nó imeachtaí eile” a chur in ionad “chun críche imeachtaí eile”,

agus

(c) in alt 28(4), trí “€3,000” a chur in ionad “£1,500”.

14.— Leasaítear an tAcht um Cheartas Coiriúil (Fianaise Dlí-Eolaíochta) 1990—

(a) in alt 2—

(i) i bhfo-alt (1)—

(I) trí “fhorálacha fho-ailt (4) go (8A)” a chur in ionad “fhorálacha fho-ailt (4) go (8)”,

(II) tríd an mír seo a leanas a chur in ionad mhír (b):

“(b) sváb ó aon pháirt den cholainn lena n-áirítear an béal ach ní ó aon oscailt colainne eile nó ó réigiún na mball giniúna,”,

(III) tríd an mír seo a leanas a chur in ionad mhír (c):

“(c) sváb ó oscailt colainne, seachas an béal, nó ó réigiún na mball giniúna,”,

(IV) i mír (e), trí “nó dá bhéal” a scriosadh,

(ii) tríd an bhfo-alt seo a leanas a chur isteach i ndiaidh fho-alt (1):

“(1A) Déanfar tagairt don bhéal i bhfo-alt (1) den alt seo a léamh mar thagairt a fholaíonn an taobh istigh den bhéal.”,

(iii) i bhfo-alt (2), trí “fhorálacha fho-ailt (3) go (8A)” a chur in ionad “fhorálacha fho-ailt (3) go (8)”,

(iv) i bhfo-alt (4)(b), trí “i bhfomhír (i), (ii) nó (iii) de mhír (a) d’fho-alt (1) den alt seo” a chur in ionad “i bhfomhír (i), (ii), (iii) nó (iv) de mhír (a) d’fho-alt (1) den alt seo”,

(v) i bhfo-alt (5), trí “nó ciona i leith gáinneáil ar dhrugaí de réir bhrí alt 3(1) den Acht um Cheartas Coiriúil 1994” a chur isteach i ndiaidh “1984” i mír (a)(ii),

(vi) tríd an bhfo-alt seo a leanas a chur isteach i ndiaidh fho-alt (8):

“(8A) I gcás ina dtógfar sampla de ghruaig seachas gruaig phúbasach de réir an ailt seo—

(a) féadfar an sampla a thógáil trí ribí a stoitheadh mar aon lena bhfréamhacha agus, a mhéid is indéanta le réasún, déanfar na ribí a stoitheadh ceann ar cheann, agus

(b) ní dhéanfar níos mó ribí a stoitheadh ná mar a mheasfaidh an duine a bheidh ag tógáil an tsampla le réasún is gá chun go mbeidh sampla leordhóthanach ann chun críche tástála dlí-eolaíochta.”,

(vii) i bhfo-alt (9), trí “€3,000” a chur in ionad “£1,000”,

(b) in alt 4—

(i) i bhfo-alt (2), trí “laistigh de dhá mhí dhéag ó thógáil an tsampla” a chur in ionad “laistigh de shé mhí ó thógáil an tsampla”, agus

(ii) trí na fo-ailt seo a leanas a chur in ionad fho-alt (3):

“(3) I gcás ina mbeidh imeachtaí tionscanta amhlaidh agus—

(a) go n-éigiontaítear an duine,

(b) go ndéantar an cúiseamh i gcoinne an duine i leith an chiona lena mbaineann a dhíbhe faoi alt 4E den Acht um Nós Imeachta Coiriúil 1967, nó

(c) go scoirtear de na himeachtaí,

déanfar an díothú ar thréimhse 21 lá a bheith caite tar éis an éigiontaithe, na díbhe nó an scoir, de réir mar a bheidh, mura rud é go mbeifear tar éis ordú a dhéanamh faoi fho-alt (5) den alt seo.

(3A) Chun críocha fho-alt (3)(b) den alt seo, measfar cúiseamh i gcoinne duine i leith an chiona lena mbaineann a bheith arna dhíbhe—

(a) nuair atá an t-am chun achomharc a thionscnamh i gcoinne na díbhe imithe in éag,

(b) nuair a dhéantar aon achomharc den sórt sin a tharraingt siar nó a thréigean, nó

(c) ar aon achomharc den sórt sin a dhéanamh, nuair a sheastar leis an díbhe.”,

(c) in alt 5(2), trí “agus” a scriosadh ag deireadh mhír (a) agus tríd an mír seo a leanas a chur isteach i ndiaidh mhír (a):

“(aa) maidir leis na nithe seo a leanas—

(i) an modh ina bhféadfar samplaí a thógáil,

(ii) an suíomh agus na dálaí fisiceacha ina bhféadfar samplaí a thógáil, agus

(iii) na daoine (lena n-áirítear comhaltaí den Gharda Síochána), agus an líon daoine den sórt sin, a fhéadfaidh a bheith i láthair nuair a bheidh samplaí á dtógáil, agus”.

CUID 3

Inghlacthacht Ráiteas Finnéithe Áirithe

15.— Sa Chuid seo—

folaíonn “clostaifeadadh” aon taifeadadh, ar aon mheán, óna bhféadtar fuaim a tháirgeadh ar aon mhodh, agus déanfar focail ghaolmhara a fhorléiriú dá réir sin;

folaíonn “imeachtaí” imeachtaí faoi alt 4E (iarratas ón gcúisí chun an cúiseamh a dhíbhe) d’Acht 1967 i gcás ina dtugtar fianaise béil (de réir bhrí fho-alt (5) den alt sin);

ciallaíonn “ráiteas” ráiteas a gcruthaítear go cuí go ndearnadh é agus folaíonn sé—

(a) aon léiriú ar fhíoras, cibé acu i bhfocail nó ar shlí eile,

(b) ráiteas a ndearnadh é a fhístaifeadadh nó a chlostaifeadadh, agus

(c) cuid de ráiteas;

folaíonn “dearbhú reachtúil” dearbhú reachtúil arna dhéanamh faoi alt 17 nó 18;

folaíonn “fístaifeadadh” taifeadadh, ar aon mheán, óna bhféadtar íomhá ghluaiste a tháirgeadh ar aon mhodh, mar aon leis an bhfuaimthaifeadadh a ghabhann léi, agus déanfar focail ghaolmhara a fhorléiriú dá réir sin.

16.— (1) I gcás ina mbeidh duine curtha ar aghaidh chun trialach mar gheall ar chion inghabhála, féadfar ráiteas atá ábhartha maidir leis na himeachtaí, ar ráiteas é a dhéanfaidh finné (dá ngairtear “an ráiteas” san alt seo), a ghlacadh, le cead ón gcúirt, de réir an ailt seo mar fhianaise ar aon fhíoras a bheidh luaite ann más rud é, maidir leis an bhfinné, cé go bhfuil sé nó sí ar fáil lena chroscheistiú nó lena croscheistiú—

(a) go ndiúltóidh sé nó sí fianaise a thabhairt,

(b) go séanfaidh sé nó sí nach ndearna sé nó sí an ráiteas, nó

(c) go dtabharfaidh sé nó sí fianaise atá ar neamhréir leis go hábhartha.

(2) Féadfar an ráiteas a ghlacadh amhlaidh más rud é—

(a) go ndaingneoidh an finné, nó go gcruthófar, go ndearna sé nó sí é,

(b) gur deimhin leis an gcúirt—

(i) go mbeadh fianaise dhíreach ó bhéal ar an bhfíoras lena mbaineann inghlactha sna himeachtaí,

(ii) go ndearnadh é go saorálach, agus

(iii) go bhfuil sé iontaofa,

agus

(c) gurb amhlaidh—

(i) gur tugadh an ráiteas faoi mhionn nó faoi dhearbhasc nó go bhfuil dearbhú reachtúil ann ón bhfinné á rá go bhfuil an ráiteas fíor, de réir mar is fearr is eol dó nó di nó mar a chreideann sé nó sí, nó

(ii) gur deimhin leis an gcúirt thairis sin gur thuig an finné an ceanglas a bhí ann chun an fhírinne a insint an tráth a rinneadh an ráiteas.

(3) Le linn cinneadh a dhéanamh i dtaobh an bhfuil an ráiteas iontaofa, beidh aird ag an gcúirt ar an méid seo a leanas—

(a) ar tugadh é faoi mhionn nó faoi dhearbhasc nó ar fístaifeadadh é, nó

(b) más rud é nach bhfuil feidhm ag mír (a) i ndáil leis an ráiteas, an bhfuil leorfhianaise eile ann, de dheasca na n-imthosca inar tugadh é, mar thaca lena iontaofacht,

agus beidh aird aici freisin ar an méid seo a leanas—

(i) aon mhíniú a thugann an finné maidir le diúltú fianaise a thabhairt nó maidir le fianaise a thabhairt atá ar neamhréir leis an ráiteas, nó

(ii) i gcás ina séanann an finné nach ndearna sé nó sí an ráiteas, aon fhianaise a thugtar i ndáil leis an séanadh.

(4) Ní ghlacfar an ráiteas i bhfianaise faoin alt seo más rud é gurb é tuairim na cúirte—

(a) tar éis aird a thabhairt ar na himthosca go léir, lena n-áirítear aon bhaol go mbeadh sé éagórach ar an gcúisí nó, má tá níos mó ná cúisí amháin ann, ar aon duine díobh, dá nglacfaí leis, nár cheart, ar mhaithe leis an gceartas, é a ghlacadh amhlaidh, nó

(b) nach gá é a ghlacadh, ag féachaint d’fhianaise eile a thugtar sna himeachtaí.

(5) Le linn an tromachar, más ann, atá le tabhairt don ráiteas a bheith á mheas, tabharfar aird ar na himthosca go léir as a bhféadfar, le réasún, aon tátal a bhaint i dtaobh é a bheith cruinn nó neamhchruinn.

(6) Ní dochar an t-alt seo d’ailt 3 go 6 den Criminal Procedure Act 1865 ná d’alt 21 (cruthúnas trí ráiteas scríofa) d’Acht 1984.

17. — (1) Féadfaidh aon duine a thugann ráiteas do chomhalta den Gharda Síochána le linn cion inghabhála a imscrúdú (nach duine é nó í, an tráth sin, a bhfuil drochamhras ar aon chomhalta den sórt sin go ndearna sé nó sí é) dearbhú reachtúil a dhéanamh á rá go bhfuil an ráiteas fíor de réir mar is fearr is eol don duine agus mar a chreideann sé nó sí.

(2) Chun críocha alt 1(1)(d) den Acht i dtaobh Dearbhuithe Reachtúla 1938 féadfaidh comhalta den Gharda Síochána dearbhú reachtúil a ghlacadh agus a fháil faoi fho-alt (1).

(3) In ionad dearbhú reachtúil den sórt sin a ghlacadh agus a fháil féadfaidh an comhalta ráiteas an duine a ghlacadh faoi mhionn nó faoi dhearbhasc agus, chun na críche sin, féadfaidh an comhalta é nó í a chur faoi mhionn nó faoi dhearbhasc.

18.— (1) San alt seo—

ciallaíonn “duine inniúil” duine atá ar fostú ag údarás poiblí agus folaíonn sé oifigeach inimirce a meastar ina leith gur ceapadh é nó í mar oifigeach den sórt sin faoi alt 3 den Acht Inimirce 2004;

ciallaíonn “údarás poiblí”—

(a) Aire den Rialtas,

(b) Coimisinéirí na nOibreacha Poiblí in Éirinn,

(c) údarás áitiúil de réir bhrí an Achta Rialtais Áitiúil 2001,

(d) Feidhmeannacht na Seirbhíse Sláinte

(e) údarás cuain de réir bhrí an Achta Cuanta 1946,

(f) bord nó comhlacht eile (nach cuideachta) arna bhunú le reacht nó faoi reacht,

(g) cuideachta ina bhfuil na scaireanna uile ar seilbh ag Aire den Rialtas, nó thar ceann Aire den Rialtas, nó ag stiúrthóirí arna gceapadh ag Aire den Rialtas, nó

(h) cuideachta ina bhfuil na scaireanna uile ar seilbh ag bord nó ag comhlacht eile dá dtagraítear i mír (f), nó ag cuideachta dá dtagraítear i mír (g).

(2) Féadfaidh aon duine a thabharfaidh ráiteas do dhuine inniúil i gcúrsa dualgais oifigiúla an duine inniúil a chomhlíonadh dearbhú reachtúil a dhéanamh á rá go bhfuil an ráiteas fíor de réir mar is fearr is eol don duine agus mar a chreideann sé nó sí.

(3) Chun críocha alt 1(1)(d) den Acht i dtaobh Dearbhuithe Reachtúla 1938, féadfaidh duine inniúil dearbhú reachtúil a dhéanfar faoi fho-alt (2) a ghlacadh agus a fháil.

19.— (1) Féadfaidh an tAire, i ndáil le haon ráitis ó fhinnéithe a dhéanfaidh comhaltaí den Gharda Síochána a fhístaifeadadh nó a chlostaifeadadh le linn cionta a imscrúdú, foráil a dhéanamh i rialacháin maidir leis na nithe seo a leanas—

(a) an modh ina bhfuil aon taifeadtaí den sórt sin le déanamh agus le caomhnú, agus

(b) an tréimhse ama a gcoinneofar iad lena linn.

(2) Maidir le haon mhainneachtain ag comhalta den Gharda Síochána foráil de na rialacháin a chomhlíonadh, ní fhágfaidh sí uaithi féin—

(a) go ndlífear imeachtaí sibhialta nó imeachtaí coiriúla a thionscnamh i gcoinne an chomhalta, nó

(b) gan dochar don chumhacht atá ag cúirt fianaise a eisiamh dá rogha féin, go bhfuil aon ní a dúradh le linn an taifeadta lena mbaineann neamh-inghlactha i bhfianaise.

20.— Leasaítear alt 4E (iarratas ón gcúisí chun an cúiseamh a dhíbhe) d’Acht 1967 i bhfo-alt (5)(b)—

(a) trí “alt 4F, nó” a chur in ionad “alt 4F.” i bhfomhír (ii), agus

(b) tríd an bhfomhír seo a leanas a chur leis:

“(iii) aon fhístaifeadadh eile, nó clostaifeadadh, a ghlacfaidh cúirt na trialach mar fhianaise ar aon fhíoras atá luaite ann.”.

CUID 4

Achomhairc in Imeachtaí Coiriúla Áirithe

21.— Leasaítear Acht 1967 tríd an alt seo a leanas a chur in ionad alt 34:

“Ceist dlí a tharchur chun na Cúirte Uachtaraí.

34.— (1) I gcás ina n-éigiontaítear duine a thriailtear ar díotáil (cibé acu i leith iomlán na díotála nó cuid di) féadfaidh an tArd-Aighne in aon chás nó, más rud é gurb é nó í an t-údarás ionchúisimh sa triail é nó í, féadfaidh an Stiúrthóir Ionchúiseamh Poiblí, gan dochar don fhíorasc nó don bhreith i bhfabhar an duine chúisithe, ceist dlí a éiríonn le linn na trialach a tharchur chun na Cúirte Uachtaraí lena cinneadh.

(2) I gcás ina dtarchuirtear ceist dlí chun na Cúirte Uachtaraí faoi fho-alt (1), is é nó í an tArd-Aighne nó an Stiúrthóir Ionchúiseamh Poiblí, de réir mar is cuí, a shocróidh an ráiteas faoin gceist tar éis dó nó di dul i gcomhairle le breitheamh na trialach lena mbaineann nó, i gcás Cúirte Coiriúla Speisialta, leis an gcomhalta den Chúirt sin a d’fhógair breith na Cúirte sa triail lena mbaineann tar éis don chomhalta sin dul i gcomhairle leis na comhaltaí eile den Chúirt lena mbaineann agus áireofar sa ráiteas aon tuairimí is mian leis an mbreitheamh nó leis an gcomhalta sin, de réir mar is cuí, a chur leis.

(3) Chun breithniú a dhéanamh ar cheist a tharchuirtear chuici faoin alt seo, éistfidh an Chúirt Uachtarach argóint—

(a) ón Ard-Aighne nó ón Stiúrthóir Ionchúiseamh Poiblí, nó ó abhcóide thar ceann an Ard-Aighne nó an Stiúrthóra Ionchúiseamh Poiblí, de réir mar is cuí,

(b) más mian leis an duine éigiontaithe é, ó abhcóide thar a cheann nó thar a ceann nó, le cead ón gCúirt, ón duine éigiontaithe, agus

(c) má shanntar abhcóidí faoi fho-alt (4), ó na habhcóidí sin.

(4) Sannfaidh an Chúirt Uachtarach abhcóide chun argóint a dhéanamh i bhfabhar na breithe más rud é—

(a) go dtarscaoilfidh an duine éigiontaithe a cheart nó a ceart ionadaíocht a bheith aige nó aici nó éisteacht a fháil faoi fho-alt (3)(b), nó

(b) d’ainneoin go bhfeidhmíonn an duine éigiontaithe a cheart nó a ceart ionadaíocht a bheith aige nó aici nó éisteacht a fháil faoi fho-alt (3)(b), go measann an Chúirt gurb inmhianaithe déanamh amhlaidh ar mhaithe le leas an phobail.

(5) Cinnteoidh an Chúirt Uachtarach, a mhéid is indéanta le réasún déanamh amhlaidh, nach ndéantar céannacht an duine éigiontaithe in imeachtaí faoin alt seo a nochtadh i dtaca leis na himeachtaí mura gcomhaontaíonn an duine go n-úsáidfear a ainm nó a hainm sna himeachtaí.

(6) Más mian leis an duine éigiontaithe ionadaíocht a bheith aige nó aici in imeachtaí os comhair na Cúirte Uachtaraí faoin alt seo agus go ndeonaítear deimhniú um chúnamh dlíthiúil (an Chúirt Uachtarach) faoi fho-alt (7), nó go meastar faoi fho-alt (8) é a bheith deonaithe, ina leith, beidh sé nó sí i dteideal cúnamh dlíthiúil in aisce a fháil le linn aon argóint is mian leis nó léi a dhéanamh chun na Cúirte a ullmhú agus a thíolacadh agus aturnae agus abhcóide a bheith sannta dó nó di chun na críche sin ar an tslí a bheidh forordaithe le rialacháin faoi alt 10 den Acht um Cheartas Coiriúil (Cúnamh Dlíthiúil) 1962.

(7) Féadfaidh an duine éigiontaithe, i ndáil le himeachtaí faoin alt seo, iarratas a dhéanamh ar dheimhniú um chúnamh dlíthiúil (an Chúirt Uachtarach) chun na Cúirte Uachtaraí—

(a) trí litir a bheidh dírithe chuig cláraitheoir na Cúirte Uachtaraí agus ina leagfar amach fíorais an cháis agus na forais atá leis an iarratas, nó

(b) chun na Cúirte Uachtaraí í féin,

agus deonóidh an Chúirt an deimhniú más rud é (agus más rud é amháin) gur dealraitheach don Chúirt nach leor acmhainn an duine chun a chumasú dó nó di cúnamh dlíthiúil a fháil.

(8) Má deonaíodh deimhniú um chúnamh dlíthiúil (triail ar dhíotáil) i leith an duine éigiontaithe i ndáil leis an triail ar díotáil lena mbaineann, measfar deimhniú um chúnamh dlíthiúil (an Chúirt Uachtarach) a bheith deonaithe ina leith i ndáil le himeachtaí faoin alt seo.

(9) San alt seo, tá le ‘deimhniú um chúnamh dlíthiúil (an Chúirt Uachtarach)’ agus le ‘deimhniú um chúnamh dlíthiúil (triail ar dhíotáil)’ na bríonna atá leo san Acht um Cheartas Coiriúil (Cúnamh Dlíthiúil) 1962.”.

22.— Leasaítear an tAcht Cúirteanna Breithiúnais1924 tríd an alt seo a leanas a chur in ionad alt 29:

“Ní bheidh dul thar bhreith na Cúirte Achomhairc Choiriúil ach amháin ar dheimhniú ón gCúirt, ón Ard-Aighne nó ón Stiúrthóir Ionchúiseamh Poiblí.

29.— (1) Ní bheidh ábhar achomhairc ann chun na Cúirte Uachtaraí i gcoinne cinnidh ón gCúirt Achomhairc Choiriúil ar aon achomharc nó ar aon ní eile, ach amháin de réir an ailt seo.

(2) Féadfaidh duine is ábhar d’achomharc nó d’aon ní eile arna chinneadh ag an gCúirt Achomhairc Choiriúil achomharc a dhéanamh i gcoinne bhreith na Cúirte sin chun na Cúirte Uachtaraí má dheimhníonn an Chúirt sin nó an tArd-Aighne in aon chás nó, más rud é gurb é nó í an t-údarás ionchúisimh sa ní é nó í, an Stiúrthóir Ionchúiseamh Poiblí, go bhfuil ponc dlí lena ngabhann tábhacht phoiblí eisceachtúil i gceist sa bhreith agus gurb inmhianaithe, ar mhaithe le leas an phobail, go dtabharfadh an duine achomharc chun na Cúirte Uachtaraí.

(3) Féadfaidh an tArd-Aighne in aon chás nó, más rud é gurb é nó í an t-údarás ionchúisimh sa ní é nó í, féadfaidh an Stiúrthóir Ionchúiseamh Poiblí, i ndáil le hachomharc nó le ní eile arna chinneadh ag an gCúirt Achomhairc Choiriúil agus gan dochar don bhreith i bhfabhar an duine chúisithe, achomharc a dhéanamh i gcoinne bhreith na Cúirte sin chun na Cúirte Uachtaraí má dheimhníonn an Chúirt sin nó an tArd-Aighne in aon chás nó, más rud é gurb é nó í an t-údarás ionchúisimh sa ní é nó í, an Stiúrthóir Ionchúiseamh Poiblí, go bhfuil ponc dlí lena ngabhann tábhacht phoiblí eisceachtúil i gceist sa bhreith agus gurb inmhianaithe, ar mhaithe le leas an phobail, go dtabharfadh an tArd-Aighne nó an Stiúrthóir Ionchúiseamh Poiblí, de réir mar is cuí, achomharc chun na Cúirte Uachtaraí.

(4) In achomharc faoi fho-alt (3) den alt seo, éistfidh an Chúirt Uachtarach argóint—

(a) ón Ard-Aighne nó ón Stiúrthóir Ionchúiseamh Poiblí, nó ó abhcóide thar ceann an Ard-Aighne nó an Stiúrthóra Ionchúiseamh Poiblí, de réir mar is cuí,

(b) más mian leis an duine cúisithe é, ó abhcóide thar a cheann nó thar a ceann nó, le cead ón gCúirt, ón duine cúisithe, agus

(c) má shanntar abhcóidí faoi fho-alt (5) den alt seo, ó na habhcóidí sin.

(5) In achomharc faoi fho-alt (3) den alt seo, sannfaidh an Chúirt Uachtarach abhcóide chun argóint a dhéanamh i dtacaíocht leis an mbreith más rud é—

(a) go dtarscaoileann an duine cúisithe a cheart nó a ceart ionadaíocht a bheith aige nó aici nó éisteacht a fháil faoi fho-alt (4)(b) den alt seo, nó

(b) d’ainneoin go bhfeidhmíonn an duine cúisithe a cheart nó a ceart ionadaíocht a bheith aige nó aici nó éisteacht a fháil faoi fho-alt (4)(b) den alt seo, go measfaidh an Chúirt gurb inmhianaithe déanamh amhlaidh ar mhaithe le leas an phobail.

(6) Cinnteoidh an Chúirt Uachtarach, a mhéid is indéanta le réasún déanamh amhlaidh, nach ndéantar céannacht an duine chúisithe in achomharc faoi fho-alt (3) den alt seo a nochtadh i dtaca leis an achomharc mura gcomhaontaíonn an duine go n-úsáidfear a ainm nó a hainm san achomharc.

(7) Más mian leis an duine cúisithe ionadaíocht a bheith aige ní aici in achomharc faoi fho-alt (3) den alt seo agus má dheonaítear deimhniú um chúnamh dlíthiúil (an Chúirt Uachtarach) faoi fho-alt (8) den alt seo, nó má mheastar faoi fho-alt (9) den alt seo é a bheith deonaithe, ina leith, beidh sé nó sí i dteideal cúnamh dlíthiúil in aisce a fháil le linn aon argóint is mian leis nó léi a dhéanamh chun na Cúirte a ullmhú agus a thíolacadh agus aturnae agus abhcóide a bheith sannta dó nó di chun na críche sin ar an tslí a bheidh forordaithe le rialacháin faoi alt 10 den Acht um Cheartas Coiriúil (Cúnamh Dlíthiúil) 1962.

(8) Féadfaidh an duine cúisithe, i ndáil le hachomharc faoi fho-alt (3) den alt seo, iarratas a dhéanamh ar dheimhniú um chúnamh dlíthiúil (an Chúirt Uachtarach) chun na Cúirte Uachtaraí—

(a) trí litir a bheidh dírithe chuig cláraitheoir na Cúirte Uachtaraí agus ina leagfar amach fíorais an cháis agus na forais atá leis an iarratas, nó

(b) chun na Cúirte Uachtaraí í féin,

agus deonóidh an Chúirt an deimhniú más rud é (agus más rud é amháin) gur dealraitheach don Chúirt nach leor acmhainn an duine sin chun a chumasú dó nó di cúnamh dlíthiúil a fháil.

(9) Má deonaíodh deimhniú um chúnamh dlíthiúil (triail ar dhíotáil) i leith an duine chúisithe i ndáil leis an triail ar díotáil lena mbaineann, measfar deimhniú um chúnamh dlíthiúil (an Chúirt Uachtarach) a bheith deonaithe ina leith i ndáil le hachomharc faoi fho-alt (3) den alt seo.

(10) San alt seo tá le ‘deimhniú um chúnamh dlíthiúil (an Chúirt Uachtarach)’ agus le ‘deimhniú um chúnamh dlíthiúil (triail ar dhíotáil)’ na bríonna atá leo san Acht um Cheartas Coiriúil (Cúnamh Dlíthiúil) 1962.”.

23.— Leasaítear alt 2(2) den Acht um Cheartas Coiriúil 1993 trí “, nó laistigh de cibé tréimhse is faide ná sin nach faide ná 56 lá de réir mar a chinnfidh an Chúirt, ar iarratas chuige sin a bheith déanta chuici,” a chur isteach i ndiaidh “laistigh de 28 lá”.

24.— (1) I gcás ina n-éigiontaítear duine a thriailtear ar díotáil (cibé acu i leith iomlán na díotála nó cuid di) féadfaidh an tArd-Aighne nó an Stiúrthóir Ionchúiseamh Poiblí, de réir mar is cuí, achomharc a dhéanamh chun na Cúirte Achomhairc Choiriúil i gcoinne ordaithe le haghaidh costas arna dhéanamh ag cúirt na trialach i gcoinne an Ard-Aighne nó an Stiúrthóra Ionchúiseamh Poiblí i bhfabhar an duine chúisithe.

(2) Déanfar achomharc faoin alt seo, ar fhógra a thabhairt don duine cúisithe, laistigh de 28 lá, nó laistigh de cibé tréimhse is faide ná sin nach faide ná 56 lá de réir mar a chinnfidh cúirt na trialach, ar iarratas chuige sin a bheith déanta chuici, ón lá a dhéantar an t-ordú.

CUID 5

Leasú ar Achtanna na nArm Tine

25.— Sa Chuid seo, ciallaíonn “Príomh-Acht” Acht na nArm Teine 1925.

26.— Leasaítear alt 1 den Phríomh-Acht tríd an bhfo-alt seo a leanas a chur in ionad fho-alt (1)—

“(1) San Acht seo—

ciallaíonn “amuinisean” (ach amháin i gcás ina n-úsáidtear é i ndáil le harm toirmiscthe) amuinisean le haghaidh airm tine agus folaíonn sé—

(a) gránáidí, buamaí agus diúracáin eile dá samhail, cibé acu ar féidir nó nach féidir iad a úsáid le harm tine,

(b) aon chomhábhar nó comhpháirt d’aon amuinisean nó diúracán den sórt sin, agus

(c) amuinisean srianta, mura n-éilíonn an comhthéacs a mhalairt;

ciallaíonn “Coimisinéir” Coimisinéir an Gharda Síochána nó comhalta den Gharda Síochána, nó comhaltaí de chéim áirithe sa Gharda Síochána, nach ísle céim ná ceannfort a cheapfaidh an Coimisinéir i scríbhinn chun aon cheann d’fheidhmeanna an Choimisinéara a chomhlíonadh faoin Acht seo;

ciallaíonn “arm tine”—

(a) arm tine marfach nó arm marfach eile de thuairisc ar bith as ar féidir aon urchar, piléar nó diúracán eile a chaitheamh,

(b) aerghunna (lena n-áirítear aer-raidhfil agus aerphiostal) a bhfuil fuinneamh béil níos mó ná giúl amháin aige nó aon arm eile ina gcorpraítear bairille ónar féidir aon diúracán a chaitheamh le fuinneamh béil den sórt sin,

(c) crosbhogha,

(d) aon sórt néalghunna nó airm eile chun aon turraing a thabhairt do dhuine, nó chun duine a chur ar aon mhíthreoir eile, le leictreachas nó le hastú fuinnimh de chineál ar bith eile,

(e) arm toirmiscthe,

(f) aon airteagal a bheadh ina arm tine faoi aon cheann de na míreanna sin roimhe seo murach go dtarlaíonn, de bhíthin comhpháirt riachtanach nó comhpháirteanna riachtanacha a bheith in easnamh, nó de bhíthin aon locht nó bail eile a bheith air, nach féidir leis urchar, piléar nó diúracán eile a chaitheamh nó turraing a thabhairt do dhuine nó duine a chur ar mhíthreoir eile leis de réir mar a bheidh,

(g) ach amháin mar a n-éilíonn an comhthéacs a mhalairt, aon chomhpháirt d’aon airteagal dá dtagraítear in aon cheann de na míreanna sin roimhe seo agus, gan dochar do ghinearáltacht an mhéid sin roimhe seo, measfar gur comhpháirteanna den sórt sin na hairteagail seo a leanas:

(i) treoracha teileascóip ag a bhfuil léas solais, nó treoracha teileascóip ag a bhfuil feiste aimpliúcháin solais leictreonach nó feiste infridhearg, atá deartha lena bhfeistiú ar arm tine a shonraítear i mír (a), (b), (c) nó (e),

(ii) tostóir atá deartha lena fheistiú ar arm tine a shonraítear i mír (a), (b) nó (e), agus

(iii) aon rud—

(I) atá monaraithe lena úsáid mar chomhpháirt i dtaca le hoibriú airm tine, agus

(II) nach bhféadfadh feidhmiú mar a bhí ceaptha i dtosach dá éagmais,

agus

(h) feiste atá in ann amuinisean neamhphiléartha a chaitheamh agus atá le húsáid mar ghunna tosaithe nó gunna scaoilte amuinisin neamhphiléartha,

agus folaíonn sé arm tine srianta, mura rud é go bhforáiltear a mhalairt nó mura n-éilíonn an comhthéacs a mhalairt;

ciallaíonn “deimhniú airm tine” deimhniú airm tine arna dheonú faoin Acht seo agus, mura n-éilíonn an comhthéacs a mhalairt, folaíonn sé deimhniú airm tine srianta, deimhniú oiliúna arm tine agus deimhniú airm tine arna dheonú faoi Acht na nArm Tine (Deimhnithe Airm Tine do Neamhchónaitheoirí) 2000;”;

ciallaíonn “déileálaí airm tine” duine a dhéanann, i modh trádála nó gnó, airm tine nó amuinisean a mhonarú, a dhíol, a ligean ar fruiliú, a dheisiú, a thástáil, a phromhadh nó a cheannach, nó a dhéanann déileáil ar shlí eile in airm tine nó in amuinisean;

tá le “deimhniú oiliúna arm tine” an bhrí a thugtar dó le halt 2A den Acht seo;

ciallaíonn “duine eisiúna”, i ndáil le deimhniú, údarú nó ceadúnas airm tine a dheonú nó a athnuachan, an tAire, an Coimisinéir nó ceannfort an Gharda Síochána don cheantar ina gcónaíonn iarratasóir ar dheimhniú, údarú nó ceadúnas airm tine nó sealbhóir an deimhnithe, an údaraithe nó an cheadúnais airm tine, de réir mar a bheidh;

ciallaíonn “ Aire ” an tAire Dlí agus Cirt, Comhionannais agus Athchóirithe Dlí;

ciallaíonn “fuinneamh béil”, i ndáil le harm tine, an fuinneamh diúracáin arna urscaoileadh ag an arm tine sin agus arna thomhas ag béal an airm tine i ngiúil;

ciallaíonn agus folaíonn “arm toirmiscthe” aon arm d’aon tuairisc atá deartha chun aon leacht urchóideach, gás urchóideach nó rud urchóideach eile a scardadh, agus freisin aon amuinisean (cibé acu le haghaidh aon airm den sórt sin nó aon airm eile) ina bhfuil aon leacht urchóideach, gás urchóideach nó rud urchóideach eile nó atá deartha nó oiriúnaithe le go mbeidh an céanna ann;

folaíonn “áit” teaghais;

ciallaíonn “forordaithe” forordaithe le rialacháin arna ndéanamh faoin Acht seo;

ciallaíonn “déileálaí cláraithe arm tine” déileálaí arm tine atá cláraithe de thuras na huaire i gclár na ndéileálaithe arm tine arna bhunú de bhun an Achta seo;

ciallaíonn “amuinisean srianta” amuinisean a ndearbhaítear ina leith faoi alt 2B(b) den Acht seo gur arm tine srianta é;

ciallaíonn “arm tine srianta” arm tine a ndearbhaítear ina leith faoi alt 2B(a) den Acht seo gur arm tine srianta é;

folaíonn “meicníocht infheidhme”, i ndáil le harm tine, an mheicníocht chun é a lódáil, a chocáil agus a scaoileadh agus chun amuinisean caite a dhíchur.”.

27.— Leasaítear alt 2 den Phríomh-Acht—

(a) tríd an bhfo-alt seo a leanas a chur in ionad fho-alt (2A):

“(2A) Maidir le duine a bheidh ciontach i gcion faoin alt seo, dlífear—

(a) i gcás inar arm tine srianta an t-arm tine nó inar amuinisean srianta an t-amuinisean—

(i) ar é nó í a chiontú go hachomair, fíneáil nach mó ná €5,000 nó príosúnacht ar feadh téarma nach faide ná 12 mhí, nó iad araon, a chur air nó uirthi, agus

(ii) ar é nó í a chiontú ar díotáil, fíneáil nach mó ná €20,000 nó príosúnacht ar feadh téarma nach faide ná 7 mbliana, nó iad araon, a chur air nó uirthi,

agus

(b) in aon chás eile—

(i) ar é nó í a chiontú go hachomair, fíneáil nach mó ná €2,500 nó príosúnacht ar feadh téarma nach faide ná 12 mhí, nó iad araon, a chur air nó uirthi, agus

(ii) ar é nó í a chiontú ar díotáil, fíneáil nach mó ná €10,000 nó príosúnacht ar feadh téarma nach faide ná 5 bliana, nó iad araon, a chur air nó uirthi.”,

(b) trí fho-alt (2B) a scriosadh,

(c) i bhfo-alt (4)—

(i) trí “den Acht seo” i mír (c) a scriosadh agus “d’Acht na nArm Tine 1964” a chur isteach,

(ii) tríd an mír seo a leanas a chur in ionad mhír (d):

“(d) seilbh, úsáid nó iompar airm tine nó lóin lámhaigh le linn comórtais nó cleachtadh targaide i gclub, ar raon lámhaigh nó in aon áit eile atá údaraithe faoin alt seo nó faoi alt 4A den Acht seo”,

agus

(iii) trí na míreanna seo a leanas a chur in ionad mhír (j):

“(j) seilbh nó iompar airm tine nó lóin lámhaigh ag duine, nó ag fostaí duine, atá údaraithe faoi alt 10(4A) den Acht seo,

(k) seilbh, úsáid nó iompar airm tine nó lóin lámhaigh chun éin a rialú ag aerfort, ag fostaí nó gníomhaire de chuid an údaráis aerfoirt atá údaraithe chuige sin faoin alt seo.”,

(d) i bhfo-alt (5)(a), trí “nó (h)” a scriosadh agus “, (h) nó (j)” a chur isteach,

(e) i bhfo-alt (5)(c), trí “raidhfil-chlub nó gunna-chlub” a scriosadh agus “club” a chur ina ionad, agus

(f) tríd an bhfo-alt seo a leanas a chur leis:

“(6) I bhfo-ailt (3)(g) agus (4) (seachas míreanna (d), (i) agus (k)), ní fholaíonn tagairtí d’arm tine nó do lón lámhaigh tagairtí d’arm tine srianta nó do lón lámhaigh srianta.”.

28.— Cuirtear an t-alt seo a leanas isteach i ndiaidh alt 2 den Phríomh-Acht:

“Deimhniú oiliúna arm tine.

2A.— (1) Féadfaidh an Coimisinéir, ar iarratas chuige sin agus ar an táille fhorordaithe (más ann) a bheith íoctha, deimhniú (dá ngairtear “deimhniú oiliúna arm tine” san Acht seo) a eisiúint chuig duine os cionn 14 bliana d’aois á údarú don duine arm tine agus amuinisean a shealbhú (seachas arm tine srianta agus amuinisean srianta) an fad amháin—

(a) a bheidh an t-arm tine á iompar agus á úsáid aige nó aici chun críocha fiaigh nó lámhaigh targaide—

(i) faoi mhaoirseacht duine shonraithe atá os cionn 18 mbliana d’aois agus a shealbhaíonn deimhniú airm tine ina leith, agus

(ii) i gcás ina n-úsáidtear an t-arm tine le haghaidh lámhaigh targaide, in áitreabh club raidhfil nó piostail údaraithe nó ar raon lámhaigh údaraithe nó in áit eile atá údaraithe faoi alt 2(5) den Acht seo,

agus

(b) a bheidh cibé coinníollacha eile (más ann) a fhorchuirfidh an Coimisinéir ar mhaithe le sábháilteacht agus slándáil an phobail á gcomhlíonadh.

(2) I gcás ina mbeidh an t-iarratasóir faoi bhun 16 bliana d’aois, beidh toiliú scríofa ó thuismitheoir nó ó chaomhnóir an iarratasóra ag gabháil leis an iarratas ar dheimhniú oiliúna arm tine.

(3) Beidh an deimhniú oiliúna arm tine san fhoirm fhorordaithe.

(4) I gcás ina ndiúltófar d’iarratas den sórt sin, déanfaidh an Coimisinéir an méid sin a chur in iúl don iarratasóir i scríbhinn agus tabharfaidh sé nó sí na cúiseanna leis an diúltú.

(5) Leanfaidh deimhniú oiliúna arm tine i bhfeidhm go ceann tréimhse 3 bliana ón dáta a deonaíodh é, mura rud é go gcúlghairtear é.

(6) Féadfaidh an Coimisinéir deimhniú oiliúna arm tine a chúlghairm más rud é go bhfuil sé nó sí den tuairim nach bhfuil na coinníollacha ar faoina réir a deonaíodh an deimhniú á gcomhlíonadh nó comhlíonta ag an sealbhóir.

(7) Aon sealbhóir ar dheimhniú oiliúna arm tine nach gcomhlíonfaidh, gan leithscéal réasúnach, na coinníollacha ar faoina réir a deonaíodh an deimhniú, beidh sé nó sí ciontach i gcion agus dlífear, ar é nó í a chiontú go hachomair—

(a) i gcás an chéad chiona, fíneáil nach mó ná €500 a chur air nó uirthi, agus

(b) i gcás aon chiona dá éis sin, fíneáil nach mó ná €1,000 a chur air nó uirthi.

(8) Is cion é faoin Acht seo do shealbhóir ar dheimhniú airm tine, i leith an airm tine lena mbaineann an deimhniú oiliúna arm tine, a cheadú, gan leithscéal réasúnach, do shealbhóir an deimhnithe sin an t-arm tine a iompar nó a úsáid fad nach mbeidh sé nó sí faoi mhaoirseacht aige nó aici.”.

29.— Cuirtear an t-alt seo a leanas isteach i ndiaidh alt 2A den Phríomh-Acht:

“Airm thine shrianta agus amuinisean srianta.

2B.— Féadfaidh an tAire, ar mhaithe le sábháilteacht agus slándáil an phobail, le hordú—

(a) a dhearbhú gur airm thine shrianta airm thine shonraithe chun críocha an Achta seo faoi threoir ceann amháin nó níos mó de na critéir seo a leanas:

(i) earnáil;

(ii) cailibre;

(iii) meicníocht infheidhme;

(iv) fuinneamh béil;

(v) tuairisc;

agus

(b) a dhearbhú gur amuinisean srianta amuinisean sonraithe chun críocha an Achta seo faoi threoir ceann amháin nó níos mó de na critéir seo a leanas:

(i) earnáil;

(ii) cailibre;

(iii) meáchan;

(iv) fuinneamh cinéiteach;

(v) comhéifeacht bhalaistíoch;

(vi) dearadh;

(vii) comhdhéanamh;

(viii) tuairisc.”.

30.— Cuirtear an t-alt seo a leanas in ionad alt 3 den Phríomh-Acht:

“Iarratais ar dheimhnithe airm tine agus foirm agus éifeacht deimhnithe airm tine.

3.— (1) Is chun ceannfort an Gharda Síochána don cheantar ina bhfuil cónaí ar an iarratasóir a dhéanfar iarratas ar dheimhniú airm tine (seachas deimhniú airm tine srianta).

(2) Is chun an Choimisinéara a dhéanfar iarratas ar dheimhniú airm tine srianta.

(3) Beidh an t-iarratas san fhoirm fhorordaithe agus beidh na nithe seo a leanas ag gabháil leis—

(a) an táille fhorordaithe (más ann), agus

(b) má tá sé ar intinn ag an iarratasóir mamaigh fhiáine dhíolmhaithe de réir bhrí an Achta um Fhiadhúlra 1976 (seachas giorriacha) a fhiach agus a mharú, ceadúnas reatha chun déanamh amhlaidh faoi alt 29(1) den Acht sin.

(4) Déanfaidh an t-iarratasóir aon fhaisnéis bhreise a éileoidh an ceannfort nó an Coimisinéir i gcomhlíonadh a fheidhmeanna nó a feidhmeanna faoin alt seo a sholáthar i scríbhinn.

(5) Beidh deimhniú airm tine san fhoirm fhorordaithe agus, faoi réir fho-alt (6) den alt seo, údaróidh sé don duine dá ndeonaítear é—

(a) an t-arm tine a shonraítear sa deimhniú a shealbhú, a úsáid agus a iompar,

(b) amuinisean lena úsáid san arm tine a cheannach, agus

(c) méid nach mó ná an méid amuinisin a shonraítear sa deimhniú a shealbhú nó a iompar aon tráth áirithe.

(6) I gcás inar gránghunna an t-arm tine, féadfar leis an deimhniú airm tine, faoi réir fho-alt (11) den alt seo, a údarú é a úsáid chun ainmhithe nó éin seachas ainmhithe fiáine cosanta nó éin fhiáine chosanta de réir bhrí an Achta um Fhiadhúlra 1976 a mharú ag an sealbhóir, agus chuige sin amháin—

(a) ar thalamh atá á áitiú ag an sealbhóir, nó

(b) ar thalamh atá á áitiú ag duine eile,

(de réir mar a déarfar sa deimhniú).

(7) Leanfaidh deimhniú airm tine a bheidh i bhfeidhm d’fheidhm a bheith aige go ceann tréimhse 3 bliana ón dáta a deonaíodh é, mura rud é go gcúlghairtear é, agus go ceann aon tréimhse breise den sórt sin dá ndéanfar é a athnuachan.

(8) Féadfaidh sealbhóir ar dheimhniú airm tine iarratas a dhéanamh ar an deimhniú a athnuachan laistigh de thrí mhí sula scoirfidh sé d’fheidhm a bheith aige.

(9) Maidir le hiarratas ar dheimhniú airm tine nó ar dheimhniú airm tine a athnuachan, tabharfar cinneadh ina leith laistigh de 3 mhí ón dáta a gcuirfidh an t-iarratasóir foirm iarratais chomhlánaithe isteach.

(10) I gcás ina ndiúltófar don iarratas, cuirfear an diúltú sin agus an chúis atá leis in iúl don iarratasóir.

(11) Beidh éifeacht leis na forálacha seo a leanas i ndáil le deimhniú san fhoirm dá dtagraítear i bhfo-alt (6) den alt seo (dá ngairtear “deimhniú teoranta” san fho-alt seo):

(a) ní dhéanfar deimhniú teoranta a bhaineann le talamh atá á áitiú ag duine seachas an t-iarratasóir ar an deimhniú a dheonú mura rud é go mbeidh ainmniúchán i scríbhinn chun an deimhniú a shealbhú tugtha don iarratasóir ag áititheoir na talún;

(b) ní dhéanfar deimhniú teoranta a bhaineann le haon talamh a dheonú i leith aon tréimhse má tá deimhniú teoranta a bhaineann leis an talamh sin i bhfeidhm cheana féin i leith na tréimhse sin;

(c) ní dhéanfar deimhniú teoranta a dheonú mura rud é go bhfuil iomlán na talún lena mbainfeadh an deimhniú á áitiú ag aon duine amháin;

(d) i gcás ina gcúlghairtear ainmniúchán dá dtagraítear i mír (a) den fho-alt seo, ní fhéadfar an deimhniú teoranta lenar bhain sé, má bhí sé i bhfeidhm an tráth sin, a athnuachan.

(12) Déanfar arm tine ar ina leith a dheonófar deimhniú airm tine a mharcáil sa tslí fhorordaithe le huimhir nó le marc aitheantais forordaithe eile agus déanfar an uimhir nó an marc sin a thaifeadadh sa deimhniú.

(13) Aon duine—

(a) a dhéanfaidh faisnéis bhréagach nó mhíthreorach a thabhairt go feasach do dhuine eisiúna i ndáil le hiarratas ar dheimhniú airm tine nó i ndáil le hathnuachan deimhnithe den sórt sin,

(b) a dhéanfaidh doiciméad a bhrionnú á airbheartú gur deimhniú airm tine é nó a dhéanfaidh doiciméad den sórt sin a úsáid, nó a shealbhú go feasach, nó

(c) a dhéanfaidh deimhniú airm tine a úsáid nó a athrú, nó a úsáidfidh deimhniú airm tine arna athrú amhlaidh, le hintinn mheabhlaireachta,

beidh sé nó sí ciontach i gcion agus dlífear—

(i) ar é nó í a chiontú go hachomair, fíneáil nach mó ná €2,500 nó príosúnacht ar feadh téarma nach faide ná 6 mhí, nó iad araon, a chur air nó uirthi, nó

(ii) ar é nó í a chiontú ar díotáil, fíneáil nach mó ná €20,000 nó príosúnacht ar feadh téarma nach faide ná 5 bliana, nó iad araon, a chur air nó uirthi.

(14) Tá fo-alt (13) den alt seo gan dochar do Chuid 4 den Acht um Cheartas Coiriúil (Cionta Gadaíochta agus Calaoise) 2001.

(15) Aisghairtear alt 12 (úsáid theoranta gunna gráin) d’Acht na nArm Tine 1964.”.

31.— Cuirtear an t-alt seo a leanas isteach i ndiaidh alt 3 den Phríomh-Acht:

“An Coimisinéir d’eisiúint treoirlínte etc.

3A.— (1) Féadfaidh an Coimisinéir, le toiliú an Aire, treoirlínte a eisiúint ó am go ham i ndáil le feidhmiú agus oibriú praiticiúil aon fhorála d’Achtanna na nArm Tine 1925 go 2006.

(2) Go háirithe, féadfaidh an Coimisinéir treoirlínte den sórt sin a eisiúint i ndáil le hiarratais ar dheimhnithe agus ar údaruithe airm tine faoin Acht seo agus i ndáil leis na coinníollacha a bheidh ag gabháil leis na deimhnithe agus leis na húdaruithe sin.”.

32.— Cuirtear an t-alt seo a leanas in ionad alt 4 den Phríomh-Acht:

“Na coinníollacha a bhaineann le deimhniú airm tine a dheonú.

4.— (1) Ní dheonóidh duine eisiúna deimhniú airm tine mura rud é gur deimhin leis nó léi go gcomhlíonann an t-iarratasóir na coinníollacha dá dtagraítear i bhfo-alt (2) agus go leanfaidh an t-iarratasóir dá gcomhlíonadh le linn ré an deimhnithe.

(2) Is iad na coinníollacha ar faoina réir a fhéadfar deimhniú airm tine a dheonú ná, i dtuairim an duine eisiúna—

(a) go bhfuil cúis mhaith ag an iarratasóir chun gá a bheith aige nó aici leis an arm tine ar ina leith a dhéantar iarratas ar an deimhniú,

(b) go bhféadfar a cheadú don iarratasóir an t-arm tine agus an t-amuinisean a shealbhú, a úsáid, agus a iompar gan aon chontúirt do shábháilteacht ná do shlándáil an phobail nó don tsíocháin,

(c) nach duine an t-iarratasóir a ndearbhaítear ina leith leis an Acht seo gur duine é nó í nach bhfuil i dteideal deimhniú airm tine a shealbhú,

(d) gur sholáthair an t-iarratasóir cóiríocht dhaingean don arm tine agus don amuinisean san áit a mbeidh sé le coimeád,

(e) i gcás inar raidhfil nó piostal, atá le húsáid le haghaidh lámhaigh targaide, an t-arm tine, gur comhalta de chlub raidhfil nó piostal údaraithe an t-iarratasóir,

(f) go bhfuil fo-alt (3) comhlíonta ag an iarratasóir,

(g) go gcomhlíonann an t-iarratasóir cibé coinníollacha eile (más ann) a shonraítear sa deimhniú airm tine, lena n-áirítear aon choinníollacha den sórt sin a bheidh le comhlíonadh roimh dháta sonraithe de réir mar a mheasfaidh an duine eisiúna is gá ar mhaithe le sábháilteacht nó slándáil an phobail, agus

(h) i gcás inar iarratas ar dheimhniú airm tine srianta an t-iarratas—

(i) go bhfuil cúis mhaith dhóthanach ag an iarratasóir chun gá a bheith aige nó aici le harm tine den sórt sin, agus

(ii) gur léirigh an t-iarratasóir gurb é an t-arm tine an t-aon saghas airm is cuí chun na críche dá bhfuil gá leis.

(3) Déanfaidh iarratasóir ar dheimhniú airm tine an fhaisnéis a iarrtar san fhoirm iarratais, agus cibé faisnéis bhreise a éileoidh an duine eisiúna i gcomhlíonadh fheidhmeanna an duine faoin Acht seo, a sholáthar don duine eisiúna, lena n-áirítear, go háirithe—

(a) cruthúnas ar chéannacht,

(b) cruthúnas ar inniúlacht i dtaca le húsáid an airm tine lena mbaineann,

(c) toiliú scríofa i gcomhair aon fhiosruithe a dhéanamh i ndáil le stair leighis an iarratasóra ar fiosruithe iad a dhéanfaidh an duine eisiúna, nó a dhéanfar thar a cheann nó a ceann, chuig gairmí sláinte, agus

(d) ainmneacha agus seoltaí beirt réiteoirí a bhféadfar dul i dteagmháil leo chun carachtar an iarratasóra a fhianú.

(4) Féadfaidh comhalta den Gharda Síochána iniúchadh a dhéanamh ar an gcóiríocht a sholáthraíonn iarratasóir ar dheimhniú airm tine i gcomhair airm tine nó a cheangal ar an iarratasóir cruthúnas a sholáthar go bhfuil an chóiríocht sin ann.

(5) Féadfaidh an tAire, i gcomhairle leis an gCoimisinéir, le rialacháin, a fhoráil go gcomhlíonfaidh sealbhóirí ar dheimhnithe airm tine caighdeáin íosta i ndáil le cóiríocht dhaingean a sholáthar dá n-airm thine.

(6) San alt seo ciallaíonn “ gairmí sláinte ” duine is dochtúir nó síciatraí atá cláraithe faoi aon achtacháin lena rialaítear an ghairm lena mbaineann nó síceolaí cliniciúil.”.

33.— Cuirtear an t-alt seo a leanas isteach i ndiaidh alt 4 den Phríomh-Acht:

“Clubanna raidhfil nó piostail nó raonta lámhaigh a údarú.

4A.— (1) Ní cheadóidh club raidhfil nó piostail nó úinéir nó oibritheoir raoin lámhaigh raidhfil nó piostail aon arm tine nó amuinisean a úsáid nó a stóráil in áitreabh an chlub nó ag an gclub nó ag an raon lámhaigh i dtaca le lámhach targaide mura rud é go bhfuil údarú faoin alt seo chun déanamh amhlaidh i bhfeidhm.

(2) Déanfaidh oifigeach don chlub a bheidh údaraithe chuige sin nó úinéir nó oibritheoir an raoin lámhaigh iarratas ar údarú den sórt sin chuig an gCoimisinéir agus beidh an t-iarratas sin san fhoirm fhorordaithe.

(3) Beidh ag gabháil leis an iarratas—

(a) an táille fhorordaithe, agus

(b) i gcás raoin lámhaigh, deimhniú raoin arm tine atá i bhfeidhm.

(4) Beidh cóip d’aon rialacháin faoi fho-alt (13) nó den chuid ábhartha díobh san fhoirm iarratais.

(5) Déanfaidh an t-iarratasóir aon fhaisnéis bhreise a bheidh ag teastáil ón gCoimisinéir i gcomhlíonadh a fheidhmeanna nó a feidhmeanna faoin Acht seo a sholáthar i scríbhinn.

(6) Ní dheonóidh an Coimisinéir údarú don iarratasóir chun raidhfilí, piostail agus amuinisean a úsáid agus a stóráil in áitreabh an chlub nó an raoin lámhaigh lena mbaineann, nó ar chuid shonraithe den áitreabh sin, chun críche lámhaigh targaide, ach amháin i gcás inar deimhin leis nó léi—

(a) nach contúirt do shábháilteacht nó do shlándáil an phobail nó don tsíocháin iad a bheith á n-úsáid nó á stóráil,

(b) go bhfuil an club nó an raon lámhaigh á bhainistiú go freagrach, agus

(c) i gcás raoin lámhaigh, go bhfuil deimhniú raoin arm tine i bhfeidhm ina leith.

(7) Tabharfar cinneadh ar an iarratas laistigh de 3 mhí ón dáta a cuireadh foirm iarratais chomhlánaithe faoi bhráid an Choimisinéara.

(8) Féadfaidh an Coimisinéir aon tráth trí fhógra i scríbhinn—

(a) cibé coinníollacha a chur ag gabháil leis an údarú a mheasfaidh sé nó sí is gá chun a áirithiú nach contúirt do shábháilteacht nó do shlándáil an phobail nó don tsíocháin oibriú an chlub nó an raoin lámhaigh agus úsáid agus stóráil raidhfilí, piostal agus amuinisin in áitreabh an chlub nó an raoin lena mbaineann, nó sa chlub nó ar an raon lena mbaineann,

(b) aon cheann de na coinníollacha sin a athrú aon tráth chun na críche sin, agus

(c) a cheangal go gcomhlíonfar cuid acu nó iad go léir roimh dháta sonraithe.

(9) Leanfaidh údarú atá i bhfeidhm de bheith i bhfeidhm go ceann tréimhse 5 bliana ón dáta a deonaíodh é, mura rud é go gcúlghairtear é, agus go ceann aon tréimhse nó tréimhsí breise den sórt sin dá ndéanfar é a athnuachan.

(10) Féadfar iarratas a dhéanamh ar athnuachan údaraithe laistigh de 3 mhí sula scoirfidh an t-údarú de bheith i bhfeidhm.

(11) Féadfaidh an Coimisinéir, más rud é nach bhfuil sé nó sí sásta a thuilleadh i ndáil le haon cheann de na nithe a luaitear i míreanna (a) go (c) d’fho-alt (6), údarú an chlub nó an raoin lámhaigh lena mbaineann a chúlghairm trí fhógra i scríbhinn a bheidh dírithe chuig an iarratasóir nó chuig an duine nó chuig na daoine atá freagrach, de thuras na huaire, as bainistiú an chlub nó an raoin sin.

(12) Ar fhógra den sórt sin a fháil, déanfaidh an duine nó na daoine dá dtabharfar an fógra amhlaidh an t-údarú agus aon raidhfilí, piostail nó amuinisean a bheidh á stóráil in áitreabh an chlub nó an raoin a ghéilleadh láithreach don cheannfort don cheantar ina bhfuil an club nó an raon.

(13) Féadfaidh an tAire, i gcomhairle leis an gCoimisinéir, le rialacháin, caighdeáin íosta a shonrú ar caighdeáin iad a bheidh le comhlíonadh ag club raidhfil nó piostail nó ag raon lámhaigh sula ndeonófar údarú faoin alt seo i ndáil leis.

(14) Déanfar na caighdeáin íosta a chinneadh—

(a) i gcás club, faoi threoir aon ní nó gach ní acu seo a leanas:

(i) slándáil a áitribh;

(ii) comhaltas;

(iii) bainistíocht;

(b) i gcás raoin lámhaigh, faoi threoir aon ní nó gach ní acu seo a leanas:

(i) slándáil an raoin;

(ii) comhaltas;

(iii) bainistíocht;

(iv) dearadh, déanamh agus cothabháil;

(v) na cineálacha arm tine agus amuinisin atá le húsáid;

(vi) leibhéal inniúlachta na ndaoine a bheidh ag úsáid an raoin.

(15) Chun a fháil amach an bhfuil coinníollacha atá ag gabháil le húdarú faoin alt seo á gcomhlíonadh, féadfaidh comhalta den Gharda Síochána a bheidh údaraithe chuige sin, ar an údarú nó cóip de a thabhairt ar aird má iarrtar é, dul isteach in aon áitreabh atá ar áitiú nó á úsáid ag an gclub nó ag an raon lámhaigh lena mbaineann agus an t-áitreabh agus aon ní ann a iniúchadh.

(16) Aon duine a dhéanfaidh, trí ghníomh nó neamhghníomh, bac nó cosc a chur ar chomhalta den Gharda Síochána le linn don chomhalta a fheidhmeanna nó a feidhmeanna faoi fho-alt (15) den alt seo a chomhlíonadh, beidh sé nó sí ciontach i gcion agus dlífear, ar é nó í a chiontú go hachomair, fíneáil €1,000 agus príosúnacht ar feadh téarma 3 mhí, nó iad araon, a chur air nó uirthi.

(17) Cuirfidh an Coimisinéir faoi deara go mbunófar agus go gcoimeádfar clár de chlubanna agus raoin lámhaigh atá údaraithe de thuras na huaire faoin alt seo.

(18) Is cion é—

(a) ag club nó ag úinéir nó oibritheoir raoin lámhaigh—

(i) fo-alt (1) den alt seo a shárú, nó

(ii) gan leithscéal réasúnach, gan aon choinníollacha a bheidh ag gabháil le húdarú faoin alt seo a chomhlíonadh,

(b) ag duine gan fo-alt (12) den alt seo a chomhlíonadh, nó

(c) ag duine, gan leithscéal réasúnach, páirt a ghlacadh i ngníomhaíochtaí club nó raoin lámhaigh den sórt sin nach bhfuil údarú faoin alt seo i bhfeidhm ina leith.

(19) In imeachtaí in aghaidh duine i leith ciona faoi fho-alt (18)(a)(i) den alt seo, is cosaint é a chruthú gur ghlac an cosantóir réamhchúram réasúnach agus go ndearna sé nó sí dícheall cuí chun nach ndéanfadh sé nó sí an cion.

(20) Aon duine a bheidh ciontach i gcion faoin alt seo, dlífear—

(a) ar é nó í a chiontú go hachomair, fíneáil nach mó ná €2,500 nó príosúnacht ar feadh téarma nach faide ná 6 mhí, nó iad araon, a chur air nó uirthi, agus

(b) ar é nó í a chiontú ar díotáil, fíneáil nach mó ná €20,000 nó príosúnacht ar feadh téarma nach faide ná 7 mbliana, nó iad araon, a chur air nó uirthi.

(21) San alt seo—

ciallaíonn “deimhniú raoin arm tine” deimhniú arna eisiúint faoi alt 4B(3)(a) den Acht seo;

ciallaíonn “club raidhfil nó piostail” club arna bhunú chun oilteacht a chur chun cinn in úsáid raidhfilí agus piostal le haghaidh lámhaigh targaide;

ní fholaíonn “raon lámhaigh” raon nó léibheann scaoilte dá dtagraítear in alt 2(4)(a) den Acht seo.”.

34.— Cuirtear an t-alt seo a leanas isteach isteach sa Phríomh-Acht i ndiaidh alt 4:

“Cigirí raonta arm tine.

4B.— (1) Féadfaidh an tAire, le barántas, cibé daoine agus cibé líon daoine a mheasfaidh sé nó sí is gá a cheapadh chun bheith ina gcigirí raonta arm tine agus féadfaidh sé nó sí aon cheapachán den sórt sin a chúlghairm.

(2) Is é dualgas cigire raonta arm tine—

(a) iarratais ar údarú raonta lámhaigh raidhfil agus piostail a scrúdú, agus

(b) raonta lámhaigh raidhfil agus piostail a iniúchadh d'fhonn a chinntiú go gcomhlíonann siad na caighdeáin íosta dá bhforáiltear i rialacháin faoi alt 4A(13) den Acht seo.

(3) Féadfaidh cigire, tar éis raon lámhaigh raidhfil nó piostail a iniúchadh—

(a) más deimhin leis nó léi go gcomhlíonann an raon na caighdeáin íosta sin, deimhniú raoin arm tine a eisiúint ina leith, agus

(b) más rud é nach deimhin leis nó léi amhlaidh, diúltú deimhniú den sórt sin a eisiúint nó aon deimhniú den sórt sin atá i bhfeidhm a chúlghairm.

(4) Maidir le cigire a bhfuil drochamhras air nó uirthi, agus cúis réasúnach aige nó aici ina leith, go bhfuil aon áit á húsáid le haghaidh lámhaigh targaide raidhfil nó piostail, féadfaidh sé nó sí dul isteach san áit agus í a iniúchadh.

(5) Déanfaidh an tAire an barántas ceapacháin, nó cóip de, a eisiúint chuig gach cigire, lena thabhairt ar aird, ar é a iarraidh, nuair a bheidh cigire ag feidhmiú aon chumhachta a thugtar leis an alt seo.

(6) Is é an tAire, le toiliú an Aire Airgeadais, a chinnfidh téarmaí agus coinníollacha ceaptha cigirí raonta arm tine.”

35.— Cuirtear an t-alt seo a leanas in ionad alt 5 den Phríomh-Acht:

“Deimhnithe airm tine a chúlghairm.

5.— (1) Féadfaidh duine eisiúna aon tráth deimhniú airm tine arna dheonú ag an duine a chúlghairm más deimhin leis nó léi maidir le sealbhóir an deimhnithe—

(a) nach bhfuil cúis mhaith aige nó aici chun an t-arm tine lena mbaineann an deimhniú a bheith aige nó aici,

(b) gur duine é nó í nach féidir a cheadú dó nó di, gan chontúirt do shábháilteacht nó slándáil an phobail nó don tsíocháin, arm tine a shealbhú,

(c) gur duine é nó í a ndearbhaítear ina leith leis an Acht gur duine é nó í nach bhfuil i dteideal deimhniú airm tine a shealbhú,

(d) i gcás ina gcuireann an deimhniú airm tine teorainn leis na críocha chun ar féidir an t-arm tine lena mbaineann sé a úsáid, go bhfuil an t-arm tine á úsáid aige nó aici chun críoch nach n-údaraítear leis an deimhniú,

(e) nár chomhlíon sé nó sí coinníoll atá ag gabháil le deonú an deimhnithe, nó

(f) i gcás ina n-údaraítear do shealbhóir ar dheimhniú oiliúna arm tine an t-arm tine a iompar nó a úsáid, gur cheadaigh sé nó sí, gan leithscéal réasúnach, do shealbhóir an deimhnithe sin an t-arm tine a iompar nó a úsáid fad nach raibh sé nó sí faoi mhaoirseacht aige nó aici.

(2) Déanfaidh an duine eisiúna an chúis le deimhniú airm tine a chúlghairm a chur in iúl i scríbhinn do shealbhóir an deimhnithe.

(3) I gcás ina gcúlghairfear deimhniú airm tine nó ina scoirfidh sé ar dhóigh eile de bheith i bhfeidhm, féadfaidh an duine eisiúna a ordú i scríbhinn go ndéanfaidh an sealbhóir an t-arm tine nó an t-amuinisean lena mbaineann nó iad araon a thabhairt suas chuig coimeád an cheannfoirt don cheantar ina gcónaíonn an sealbhóir nó chuig comhalta den Gharda Síochána a bheidh ag gníomhú thar ceann an cheannfoirt.”.

36.— Leasaítear alt 6 den Phríomh-Acht—

(a) trí “Nuair a dhéanfaidh Ceannfort deimhniú airm tine a chúlghairm” a scriosadh agus “Nuair a chúlghairtear deimhniú airm tine” a chur isteach, agus

(b) i mír (a), trí “do Cheannfort an cheantair ina gcónaíonn an duine” a chur in ionad “don Cheannfort”.

37.— Leasaítear alt 8 den Phríomh-Acht i bhfo-alt (1) trí mhíreanna (d), (e), (f) agus (g) a scriosadh agus na míreanna seo a leanas a chur isteach:

“(d) aon duine ar ar cuireadh pianbhreith phríosúnachta—

(i) mar gheall ar chion faoi Achtanna na nArm Tine 1925 go 2006, faoi na hAchtanna um Chiontaí in aghaidh an Stáit 1939 go 1998 nó faoin Acht um Cheartas Coiriúil (Cionta Sceimhlitheoireachta) 2005, nó

(ii) mar gheall ar chion faoi dhlí stáit eile ar cion é a bhaineann le harm tine a thabhairt ar aird nó a úsáid,

agus nach mbeidh deireadh leis an bpianbhreith nó gur tháinig deireadh léi laistigh de na 5 bliana roimhe sin,

(e) aon duine atá faoi cheangal ag cúirtbhanna chun an tsíocháin a choimeád agus a bheith dea-iompartha, ar coinníoll de nach ndéanfaidh an duine arm tine nó amuinisean a shealbhú, a úsáid nó a iompar, agus

(f) aon duine nach bhfuil gnáthchónaí air nó uirthi sa Stát (seachas duine a bhfuil cónaí sealadach air nó uirthi amhlaidh) ar feadh tréimhse 6 mhí roimh iarratas a dhéanamh dheimhniú airm tine.”.

38.— Leasaítear alt 9 den Phríomh-Acht—

(a) tríd an bhfo-alt seo a leanas a chur in ionad fho-alt (4):

“(4) Leanfaidh clárú duine sa chlár de dhéileálaithe arm tine de bheith i bhfeidhm go ceann tréimhse 3 bliana ó dháta an chláraithe, mura rud é go ndéantar é a chúlghairm roimhe sin agus, má dhéantar é a athnuachan, go ceann tréimhse eile 3 bliana ó dheireadh na tréimhse sin nó, de réir mar a bheidh, ó dheireadh aon tréimhse den sórt sin ina dhiaidh sin a ndéantar an clárú a athnuachan ina leith.”,

agus

(b) trí na fo-ailt seo a leanas a chur isteach i ndiaidh fho-alt (9):

“(10) Féadfaidh an tAire le rialacháin, tar éis dul i gcomhairle leis an gCoimisinéir, caighdeáin íosta a shonrú a bheidh le comhlíonadh i ndáil le háitreabh ina seolann déileálaí arm tine gnó nó ina mbeartaíonn déileálaí arm tine déanamh amhlaidh.

(11) Cinnfear na caighdeáin íosta faoi threoir na nithe seo a leanas—

(a) slándáil an áitribh,

(b) sábháilteacht an áitribh, agus

(c) caighdeán foirgníochta an áitribh,

agus ag féachaint d’úsáid an áitribh chun airm tine nó amuinisean a mhonarú, a dheisiú, a thástáil, a phromhadh nó a dhíol, de réir mar a bheidh.

(12) Déanfaidh iarratasóirí ar chlárú a athnuachan an tAire a shásamh go gcomhlíonann a n-áitreabh na caighdeáin íosta a shonraítear in aon rialacháin faoi fho-alt (10) den alt seo.

(13) Gan dochar d’fho-alt (3) den alt seo, dearbhaítear i leith na ndaoine seo a leanas gur daoine iad nach bhfuil i dteideal a bheith cláraithe sa chlár de dhéileálaithe arm tine:

(a) duine atá faoi bhun 21 bhliain d’aois;

(b) duine mímheabhrach;

(c) duine ar ar cuireadh pianbhreith phríosúnachta mar gheall ar chion faoi Achtanna na nArm Tine 1925 go 2006, faoi na hAchtanna um Chiontaí in aghaidh an Stáit 1939 go 1998 nó faoin Acht um Cheartas Coiriúil (Cionta Sceimhlitheoireachta) 2005;

(d) duine atá faoi cheangal ag cúirtbhanna an tsíocháin a choimeád nó a bheith dea-iompartha, ar coinníoll de nach ndéanfaidh an duine arm tine nó amuinisean a shealbhú, a úsáid nó a iompar.”.

39.— Leasaítear alt 10 trí na fo-ailt seo a leanas a chur isteach i ndiaidh fho-alt (4):

“(4A) Is cion é—

(a) do dhéileálaí cláraithe arm tine (d’ainneoin fho-alt (1) den alt seo),

(b) do dhuine a ghabhann don ghnó arb é atá ann earraí a iompar nó a stórasú ar luaíocht, nó

(c) do cheantálaí atá údaraithe faoi alt 13 d’Acht na nArm Tine 1964,

arm tine srianta a shealbhú, a úsáid, a iompar, a dhíol nó a thaispeáint lena dhíol i ngnáthchúrsa an ghnó, mura rud é go bhfuil sé nó sí údaraithe le húdarú faoin alt seo chun déanamh amhlaidh, ar údarú é atá i bhfeidhm.

(4B) Déanfaidh duine atá luaite i bhfo-alt (4A) iarratas ar údarú den sórt sin chuig an Aire san fhoirm fhorordaithe agus beidh an táille fhorordaithe (más ann) in éineacht leis an iarratas.

(4C) Déanfaidh an t-iarratasóir aon fhaisnéis bhreise a éileoidh an tAire i gcomhlíonadh a fheidhmeanna nó a feidhmeanna faoin alt seo a sholáthar i scríbhinn.

(4D) Féadfar iarratas ar athnuachan údaraithe a dhéanamh laistigh de 3 mhí roimh an dáta a scoireann sé d’fheidhm a bheith aige.

(4E) Diúltófar d’iarratas ar údarú nó ar athnuachan údaraithe dá mba rud é, i dtuairim an Aire, go ndéanfaí dochar do shábháilteacht nó do shlándáil an phobail dá ndeonófaí é.

(4F) Déanfar cinneadh maidir le hiarratas ar údarú nó ar athnuachan údaraithe a thabhairt laistigh de 3 mhí ón dáta a chuireann an t-iarratasóir foirm iarratais chomhlánaithe faoi bhráid an Aire.

(4G) Maidir le húdarú faoin alt seo ar údarú é atá i bhfeidhm, mura rud é gur túisce a chúlghairtear é, leanfaidh sé i bhfeidhm go ceann tréimhse 3 bliana ón dáta a dheonaítear é agus, má athnuaitear é, go ceann tréimhse eile 3 bliana ó dheireadh na tréimhse sin nó, de réir mar a bheidh, ó dheireadh aon tréimhse den sórt sin ina dhiaidh sin a ndéantar an t-údarú a athnuachan ar a feadh.”.

40.— Cuirtear an t-alt seo a leanas isteach i ndiaidh alt 10 den Phríomh-Acht:

“Amuinisean a athlódáil.

10A.— (1) Beidh aon duine (seachas déileálaí cláraithe arm tine nó sealbhóir ar cheadúnas faoin alt seo) a dhéanfaidh amuinisean a athlódáil ciontach i gcion.

(2) Beidh iarratas ar cheadúnas faoin alt seo san fhoirm fhorordaithe, beidh an táille forordaithe (más ann) ag gabháil leis agus is ar cheannfort an Gharda Síochána don cheantar ina bhfuil cónaí ar an iarratasóir a dhéanfar é.

(3) Ní dheonóidh ceannfort ceadúnas faoin alt seo mura deimhin leis nó léi go gcomhlíontar na coinníollacha seo a leanas:

(a) go sealbhaíonn an t-iarratasóir deimhniú airm tine;

(b) nach gcuirfidh athlódáil amuinisin, sna himthosca áirithe, sábháilteacht nó slándáil an phobail nó an tsíocháin i mbaol;

(c) go bhfuil riachtanas speisialta ag an duine ar leor é, i dtuairim an cheannfoirt, le gur ceart an ceadúnas a dheonú;

(d) go bhfuil an t-iarratasóir inniúil ar amuinisean a athlódáil;

(e) go bhfuil an t-áitreabh ina bhfuil an athlódáil le déanamh sách slán agus sách daingean chun na críche sin.

(4) Féadfaidh an ceannfort aon tráth—

(a) cibé coinníollacha breise a chur ag gabháil leis an gceadúnas ar dóigh leis nó léi is gá chun baol do dhaoine den phobal nó don tsíocháin a chosc nó chun a chinntiú nach ndéanfar amuinisean a athlódáil ach amháin chun freastal ar riachtanas speisialta an iarratasóra, agus

(b) aon cheann de na coinníollacha sin a athrú chun na críche sin.

(5) Maidir leis an gceadúnas—

(a) beidh sé san fhoirm fhorordaithe,

(b) deonófar é le haghaidh tréimhse sonraithe nach faide ná 3 bliana, agus

(c) féadfaidh an ceannfort é a chúlghairm más rud é nach deimhin leis nó léi a thuilleadh go bhfuil aon choinníoll a luaitear i bhfo-alt (3) den alt seo á chomhlíonadh nó go gcomhlíonfar é.

(6) Aon duine nach gcomhlíonfaidh coinníoll dá dtagraítear i bhfo-alt (3) nó (4) den alt seo, gan leithscéal réasúnach a bheith ann chuige sin, beidh sé nó sí ciontach i gcion agus dlífear—

(a) ar é nó í a chiontú go hachomair, fíneáil nach mó ná €5,000 nó príosúnacht ar feadh téarma nach faide ná bliain amháin, nó iad araon, a chur air nó uirthi, nó

(b) ar é nó í a chiontú ar díotáil, fíneáil nó príosúnacht ar feadh téarma nach faide ná 5 bliana, nó iad araon, a chur air nó uirthi.

(7) Féadfaidh an tAire, le hordú, an chainníocht uasta amuinisin, agus an cineál comhpháirteanna amuinisin, a shonrú a fhéadfaidh duine a shealbhaíonn ceadúnas faoin alt seo, nó a fhéadfaidh déileálaí cláraithe airm tine, a cheannach, a dhíol, a stóráil nó a úsáid chun amuinisean a athlódáil.

(8) San alt seo, ciallaíonn “amuinisean a athlódáil” amuinisean a dhéanamh as amuinisean caite, agus forléireofar abairtí gaolmhara dá réir sin.”.

41.— Leasaítear alt 11 den Phríomh-Acht—

(a) i bhfo-alt (2), tríd an mír seo a leanas a chur in ionad mhír (d):

“(d) go bhfuil sé tar éis teacht chun bheith ina dhuine nó ina duine a ndearbhaítear faoi alt 9(13) den Acht seo ina leith gur duine é nó í nach bhfuil i dteideal a a bheith cláraithe sa chlár de dhéileálaithe arm tine,”,

agus

(b) trí na fo-ailt seo a leanas a chur in ionad fho-alt (3):

“(3) Aon duine a mbaintear a ainm den chlár de dhéileálaithe arm tine faoin alt seo, déanfaidh sé, ar a ainm nó a hainm a bhaint amhlaidh, na nithe seo a leanas a thabhairt suas láithreach don Aire—

(a) deimhniú clárúcháin nó athnuachana an duine, agus

(b) an clár a choimeádann an duine faoi fho-alt (1) d’alt 12 den Acht seo.

(4) Tá aon duine a sháraíonn fo-alt (3) den alt seo ciontach i gcion agus dlífear, ar é nó í a chiontú go hachomair, fíneáil nach mó nó €3,000 a chur air nó uirthi.”.

42.— Cuirtear an t-alt seo a leanas in ionad alt 15 den Phríomh-Acht:

“Seilbh ar airm thine le hintinn duine a chur i gcontúirt bháis.

15.— (1) Aon duine ag a bhfuil seilbh nó rialú ar aon arm tine nó amuinisean—

(a) le hintinn duine a chur i gcontúirt bháis nó díobháil mhór a dhéanamh do mhaoin, nó

(b) le hintinn a chur ar chumas aon duine eile duine a chur i gcontúirt bháis nó díobháil mhór a dhéanamh do mhaoin leis an arm tine nó leis an amuinisean,

beidh sé nó sí, cibé acu a rinneadh nó nach ndearnadh aon díobháil do dhuine nó do mhaoin dá dheasca sin, ciontach i gcion.

(2) Aon duine a bheidh ciontach i gcion faoin alt seo, dlífear, ar é nó í a chiontú ar díotáil—

(a) príosúnacht saoil nó cibé téarma is giorra ná sin a chinnfidh an chúirt a chur air nó uirthi, faoi réir fho-ailt (4) go (6) den alt seo nó, i gcás ina bhfuil feidhm ag fo-alt (8) den alt seo, faoi réir an fho-ailt sin, agus

(b) de rogha na cúirte, fíneáil de cibé méid is cuí leis an gcúirt a chur air nó uirthi,

agus forghéillfear an t-arm tine nó an t-amuinisean lena mbaineann.

(3) Féadfaidh an chúirt, le linn pianbhreith a fhorchur ar dhuine i leith ciona faoin alt seo, aird a bheith aici, go háirithe, i dtaobh ar ciontaíodh an duine roimhe sin i gcion faoi Achtanna na nArm Tine 1925 go 2006, faoi na hAchtanna um Chiontaí in aghaidh an Stáit 1939 go 1998 nó faoin Acht um Cheartas Coiriúil (Cionta Sceimhlitheoireachta) 2005.

(4) I gcás ina gciontófar duine (seachas duine faoi bhun 18 mbliana d’aois) i gcion faoin alt seo, déanfaidh an chúirt, le linn pionós a fhorchur, a shonrú gur téarma príosúnachta nach giorra ná 10 mbliana an téarma príosúnachta íosta a bheidh le cur isteach ag an duine.

(5) Níl feidhm ag fo-alt (4) den alt seo i gcás inar deimhin leis an gcúirt go bhfuil imthosca eisceachtúla sonracha ann a bhaineann leis an gcion, nó leis an duine a chiontaítear sa chion, ar imthosca iad a d’fhágfadh gur phianbhreith mhíchóir sna himthosca go léir pianbhreith phríosúnachta ar feadh téarma nach giorra ná 10 mbliana agus, chun na críche seo, féadfaidh an chúirt aird a bheith aici ar aon nithe is cuí léi, lena n-áirítear—

(a) ar phléadáil an duine sin ciontach sa chion agus, má phléadáil—

(i) an tráth a cuireadh in iúl gur beartaíodh pléadáil ciontach,

(ii) na himthosca inar cuireadh an méid sin in iúl,

agus

(b) ar thug an duine cúnamh ábhartha maidir leis an gcion a imscrúdú.

(6) Féadfaidh an chúirt, le linn breithniú a dhéanamh chun críocha fho-alt (5) den alt seo i dtaobh an bhfuil pianbhreith phríosúnachta ar feadh téarma nach giorra ná 10 mbliana míchóir sna imthosca go léir, aird a bheidh aici go háirithe ar na nithe seo a leanas—

(a) an ndearnadh an duine a chiontaítear sa chion, a chiontú roimhe sin i gcion faoi Achtanna na nArm Tine 1925 go 2006, faoi na hAchtanna um Chiontaí in aghaidh an Stáit 1939 go 1998 nó faoin Acht um Cheartas Coiriúil (Cionta Sceimhlitheoireachta) 2005, agus

(b) an mbeadh sé ar mhaithe le leas an phobail, i dtaca le cosc a chur ar airm thine a shealbhú nó a úsáid go neamhdhleathach, dá bhforchuirfí pianbhreith níos giorra.

(7) Maidir le fo-ailt (4) go (6) den alt seo, níl feidhm acu, ná níl éifeacht leo, ach amháin i ndáil le duine a chiontaítear i gcéad chion faoin alt seo (seachas duine a thagann faoi réim fho-alt (8)(b) den alt seo), agus, dá réir sin, tá tagairtí sna fo-ailt chéadluaite sin do chion faoin alt seo le forléiriú mar thagairtí do chéad chion den sórt sin.

(8) Más rud é, maidir le duine (seachas duine atá faoi bhun 18 mbliana d’aois)—

(a) go gciontaítear é nó í i ndara cion nó i gcion ina dhiaidh sin faoin alt seo,

(b) go gciontaítear é nó í i gcéad chion faoin alt seo agus gur ciontaíodh é nó í roimhe i gcion faoi alt 26, 27, 27A nó 27B d’Acht na nArm Tine 1964 nó faoi alt 12A d’Acht na nArm Tine agus na nArm Ionsaitheach 1990,

sonróidh an Chúirt, le linn pianbhreith a fhorchur, gur príosúnacht ar feadh téarma nach giorra ná 10 mbliana an téarma príosúnachta íosta atá le cur isteach ag an duine.

(9) Tá feidhm ag alt 27C d’Acht na nArm Tine 1964 maidir le himeachtaí i leith ciona faoin alt seo agus maidir le haon téarma príosúnachta íosta a fhorchuirtear sna himeachtaí sin faoi fho-alt (4) nó (8) den alt seo.”.

43.— Cuirtear an t-ált seo a leanas isteach i ndiaidh alt 15 den Phríomh-Acht:

“Achomharc chun na Cúirte Dúiche.

15A.— (1) Féadfaidh duine arb éagóir leis nó léi aon cheann de na cinntí seo a leanas arna ndéanamh ag duine eisiúna achomharc a dhéanamh chun na Cúirte Dúiche:

(a) diúltú deimhniú oiliúna arm tine a dheonú faoi alt 2A den Acht seo;

(b) diúltú deimhniú airm tine a dheonú nó a athnuachan faoi alt 3 den Acht seo;

(c) diúltú údarú do chlub raidhfil nó piostail nó do raon lámhaigh a dheonú nó a athnuachan faoi alt 4A den Acht seo;

(d) deimhniú airm tine a chúlghairm faoi alt 5 den Acht seo;

(e) diúltú duine a chlárú, nó clárú a athnuachan, sa chlár de dhéileálaithe arm tine faoi alt 9 den Acht seo;

(f) údarú a dheonú nó a athnuachan faoi alt 10 den Acht seo;

(g) ainm duine a bhaint den chlár de dhéileálaithe arm tine faoi alt 11 den Acht seo;

(h) diúltú ceadúnas a dheonú faoi alt 10A den Acht seo;

(i) diúltú údarú a dheonú faoi alt 16(1) den Acht seo;

(j) diúltú ceadúnas a dheonú i gcomhair allmhairiú arm tine nó amuinisin nó airm thoirmiscthe faoi alt 17 den Acht seo nó diúltú ceadúnas den sórt sin nó coinníollacha arna n-ainmniú ann a athrú;

(k) diúltú deimhniú airm tine a athnuachan faoi alt 9 d’Acht na nArm Tine 1964; nó

(l) diúltú deimhniú airm tine a dheonú, nó deimhniú den sórt sin a chúlghairm, faoi alt 2 d’Acht na nArm Tine (Deimhnithe Airm Tine do Neamhchónaitheoirí) 2000.

(2) Déanfar achomharc laistigh de 30 lá ón tráth a fhaightear fógra i dtaobh an chinnidh lena mbaineann.

(3) Féadfaidh an Chúirt ar an achomharc—

(a) an cinneadh a dhaingniú,

(b) na himeachtaí a chur ar atráth agus a ordú don duine eisiúna an cinneadh a athbhreithniú i bhfianaise na n-imeachaí achomhairc, nó

(c) an t-achomharc a cheadú.

(4) I gcás ina gceadaítear an t-achomharc, tabharfaidh an duine eisiúna éifeacht do chinneadh na Cúirte.

(5) Chun críocha an ailt seo—

(a) maidir le duine eisiúna—

(i) ar a gceanglaítear faoi alt 3(9), 4A(7) nó 10(4F) cinneadh a dhéanamh laistigh de thréimhse shonraithe, agus

(ii) nach ndéanann cinneadh amhlaidh,

measfar ina leith go bhfuil cinneadh déanta aige nó aici diúltiú an t-iarratas a dheonú,

(b) meastar fógra faoin gcinneadh a bheith faighte ag an iarratasóir ag deireadh na tréimhse sin, agus

(c) de réir mar a bheidh, níl feidhm ag alt 3(10) i ndáil leis an iarratas.

(6) Déanfaidh an breitheamh den Chúirt Dúiche atá sannta don dúiche ina gcónaíonn an t-achomharcóir nó ina seolann sé nó sí gnó an dlínse a thugtar don Chúirt Dúiche leis an alt seo a fheidhmiú.”.

44.— Leasaítear alt 17 den Phríomh-Acht trí na fo-ailt seo a leanas a chur isteach i ndiaidh fho-alt (4):

“(4A) D’ainneoin fho-ailt (1) go (4) den alt seo, ní dheonófar ceadúnas chun arm tine, amuinisean nó arm toirmiscthe a allmhairiú mura rud é—

(a) go bhfuil cúis mhaith ag an iarratasóir chun é a allmhairiú,

(b) nach ndéanfadh deonú an iarratais dochar do shábháilteacht ná do shlándáil an phobail, agus

(c) má bhaineann an t-iarratas le harm tine srianta nó le hamuinisean srianta, gurb amhlaidh maidir leis an iarratasóir—

(i) más déileálaí cláraithe é nó í, go sealbhaíonn sé nó sí údarú faoi alt 10 den Acht seo, nó

(ii) in aon chás eile, gur sealbhóir é nó í ar dheimhniú airm tine srianta i leith an airm time nó an amuinisin lena mbaineann,

ar údarú nó deimhniú é atá i bhfeidhm.

(4B) Déanfaidh iarratasóir ar cheadúnas faoin alt seo aon fhaisnéis bhreise a éileoidh an tAire i gcomhlíonadh a fheidhmeanna nó a feidhmeanna faoin alt seo a sholáthar i scríbhinn.

(4C) Déanfar an chúis le hiarratas ar ceadúnas a dhiúltú faoin alt seo, nó le diúltú d’iarratas ar cheadúnas a athnuachan, a chur in iúl don iarratasóir i scríbhinn.”.

45.— Cuirtear an t-alt seo a leanas in ionad alt 25 den Phríomh-Acht:

“Pionóis.

25.— Aon duine a dhéanfaidh cion faoin Acht seo ar cion é nach bhforáiltear aon phionós eile ina leith dlífear, i leith gach ciona den sórt sin—

(a) ar é nó í a chiontú go hachomair, fíneáil nach mó ná €5,000 nó príosúnacht ar feadh téarma nach faide ná 12 mhí, nó iad araon, a chur air nó uirthi, nó

(b) ar é nó í a chiontú ar díotáil, fineáil nach mó ná €20,000 nó príosúnacht ar feadh téarma nach faide ná 5 bliana, nó iad araon, a chur air nó uirthi.”.

46.— Cuirtear an t-alt seo a leanas isteach i ndiaidh alt 25 den Phríomh-Acht:

“Airm thine agus airm ionsaitheacha a thabhairt suas.

25A.— (1) Féadfaidh an tAire, le hordú, tréimhse shonraithe a cheapadh ar lena linn a fhéadfaidh duine aon cheann de na hairm seo a leanas a thabhairt suas ag aon stáisiún Garda nó in aon áit eile atá ceadaithe chun na críche sin ag ceannfort den Gharda Síochána:

(a) arm tine;

(b) smeach-scian;

(c) arm ionsaithe.

(2) Nuair atá arm á thabhairt suas ag duine i rith na tréimhse sonraithe—

(a) tabharfaidh an duine a ainm nó a hainm, a sheoladh nó a seoladh agus cruthúnas ar a chéannacht nó ar a céannacht do chomhalta den Gharda Síochána ag an stáisiún Garda Síochána lena mbaineann, agus

(b) cuirfidh an comhalta in iúl don duine go bhféadfar scrúdú nó tástáil dlí-eolaíochta a dhéanamh ar an arm agus ar aon ní inar tugadh suas é.

(3) Ní thionscnófar imeachtaí mar gheall ar chion i gcoinne aon duine a thugann arm suas faoin alt seo más rud é—

(a) i gcás airm tine, gurb é amháin atá sa chion ná an t-arm tine a shealbhú, a iompar agus a úsáid (seachas i dtaca le cion eile a dhéanamh) gan bheith ina shealbhóir nó ina sealbhóir ar dheimhniú airm tine, de shárú ar alt 2 den Acht seo, nó

(b) i gcás smeach-sceana nó airm ionsaithe eile, gurb é atá sa chion ná cion faoi alt 9(4) nó 10 (1)(b) d’Acht na nArm Tine agus na nArm Ionsaitheach 1990.

(4) Féadfar scrúdú nó tástáil dlí-eolaíochta a dhéanamh ar aon arm a thugtar suas nó ar aon substaint nó ní a fhaightear air nó ann nó ar aon ní nó in aon ní inar tugadh suas é—

(a) chun a chinneadh an bhfuil aon arm, substaint nó ní den sórt sin i riocht slán cobhsaí, nó

(b) chun faisnéis a aimsiú maidir le cion seachas cion dá dtagraítear i bhfo-alt (3) den alt seo.

(5) In aon imeachtaí, beidh arm a thugtar suas agus aon substaint nó ní dá dtagraítear i bhfo-alt (4) den alt seo inghlactha i bhfianaise.

(6) Féadfar arm a tugadh suas a dhiúscairt ar shlí is cuí leis an gCoimisinéir.

(7) San alt seo—

folaíonn “arm tine” amuinisean;

tá le “smeach-scian” an bhrí a thugtar dó in alt 9(9) d’Acht na nArm Tine agus na nArm Ionsaitheach 1990;

tá le “arm ionsaithe” an bhrí a thugtar dó in alt 10(2) d’Acht sin 1990.”.

47.— Cuirtear an t-alt seo a leanas isteach sa Phríomh-Acht i ndiaidh alt 25A:

“Arm tine a thabhairt suas le haghaidh tástála balaistíche.

25B.— (1) Féadfaidh an Coimisinéir le fógra i scríbhinn a cheangal ar aon duine a shealbhaíonn arm tine go dleathach é a thabhairt ar aird cibé tráth agus cibé áit a shonrófar san fhógra chun tástálacha balaistíocha nó tástálacha eile a dhéanamh air agus chun a shaintréithe a shuíomh agus a thaifeadadh.

(2) Aon duine nach gcomhlíonann fógra den sórt sin, gan leithscéal réasúnach a bheith aige nó aici chuige sin, beidh sé nó sí ciontach i gcion faoin Acht seo.”.

48.— Cuirtear an t-alt seo a leanas isteach i ndiaidh alt 25B den Phríomh-Acht:

“Feidhmeanna an Choimisinéara a tharmligean.

25C.— Féadfaidh an Coimisinéir comhalta den Gharda Síochána, nó comhaltaí de chéim áirithe den Gharda Síochána, nach ísle céim ná ceannfort, a cheapadh i scríbhinn chun aon cheann d’fheidhmeanna an Choimisinéara faoin Acht seo a chomhlíonadh.”.

49.— Cuirtear an t-alt seo a leanas isteach sa Phríomh-Acht i ndiaidh alt 25C:

“Dliteanas oifigeach de chuid comhlachtaí corpraithe.

25D.— (1) Más rud é—

(a) go ndéanann comhlacht corpraithe cion faoin Acht seo, agus

(b) go gcruthaítear go ndearnadh é le toiliú, cúlcheadú nó ceadú, nó gurbh inchurtha é i leith aon fhaillí ar thaobh, duine—

(i) ba stiúrthóir, bainisteoir, rúnaí nó oifigeach eile de chuid an chomhlachta chorpraithe, nó

(ii) ba dhuine a d’airbheartaigh gníomhú in aon cháil den sórt sin,

tá an duine sin, chomh maith leis an gcomhlacht corpraithe, ciontach i gcion agus dlífear imeachtaí a thionscnamh ina choinne nó ina coinne, agus é nó í a phionósú, amhail is dá mbeadh an duine ciontach sa chion céadluaite.

(2) I gcás gnóthaí comhlachta chorpraithe a bheith á mbainistiú ag a chomhaltaí, tá feidhm ag fo-alt (1) den alt seo i ndáil le gníomhartha agus mainneachtainí comhalta i dtaca le feidhmeanna bainistíochta an chomhalta amhail is dá mba stiúrthóir nó bainisteoir de chuid an chomhlachta chorpraithe an comhalta.

(3) Tá feidhm ag na forálacha sin roimhe seo, farais na modhnuithe is gá, i gcás an cion a bheith déanta ag comhlacht neamhchorpraithe.”.

50.— Cuirtear an t-alt seo a leanas in ionad alt 27 den Phríomh-Acht:

“Rialacháin.

27.— (1) Féadfaidh an tAire rialacháin a dhéanamh lena bhforordófar aon ní dá dtagraítear san Acht seo mar ní atá forordaithe nó le forordú nó is ábhar do rialacháin nó d’fhonn a chumasú go mbeidh lánéifeacht le haon fhoráil dá chuid forálacha.

(2) Féadfaidh cibé forálacha teagmhasacha, forlíontacha agus iarmhartacha a bheith sna rialacháin is dóigh leis an Aire is gá chun críocha na rialachán.

(3) Is le toiliú an Aire Airgeadais a dhéanfar rialacháin lena bhforordófar táillí.”.

51.— Cuirtear an t-alt seo a leanas isteach i ndiaidh alt 27 den Phríomh-Acht:

“Orduithe nó rialacháin a leagan faoi bhráid Thithe an Oireachtais.

27A.— Déanfar ordú nó rialachán faoin Acht seo a leagan faoi bhráid gach Tí den Oireachtas a luaithe is féidir tar éis a dhéanta agus, má dhéanann ceachtar Teach acu sin, laistigh den 21 lá a shuífidh an Teach sin tar éis é a leagan faoina bhráid, rún a rith ag neamhniú an ordaithe nó an rialacháin, beidh an t-ordú nó an rialachán ar neamhní dá réir sin, ach sin gan dochar do bhailíocht aon ní a rinneadh roimhe sin faoin ordú nó faoin rialachán.”.

Leasú ar Acht na nArm Tine 1964

52.— Leasaítear alt 1 d’Acht na nArm Tine 1964—

(a) tríd an míniú seo a leanas a chur in ionad na mínithe ar “an Coimisinéir” agus “an tAire”:

“ciallaíonn “ an Coimisinéir ” Coimisinéir an Gharda Síochána nó comhalta den Gharda Síochána, nó comhaltaí de chéim áirithe sa Gharda Síochána, nach ísle céim ná ceannfort arna cheapadh, arna ceapadh nó arna gceapadh i scríbhinn ag an gCoimisinéir chun aon cheann d’fheidhmeanna an Choimisinéara faoin Acht seo a chomhlíonadh;

ciallaíonn “ an tAire ” an tAire Dlí agus Cirt, Comhionannais agus Athchóirithe Dlí;”,

(b) tríd an míniú seo a leanas a chur isteach i ndiaidh an mhínithe ar “an Coimisinéir”:

“folaíonn “ arm tine ” arm tine srianta, mura bhforáiltear a mhalairt nó mura n-éilíonn an comhthéacs a mhalairt;”.

53.— Cuirtear an t-alt seo a leanas in ionad alt 9 d’Acht na nArm Tine 1964:

“Deimhniú airm tine a athnuachan.

9.— (1) Féadfaidh an Coimisinéir ó am go ham deimhniú airm tine arna dheonú aige nó aici a athnuachan.

(2) Féadfaidh ceannfort an cheantair ina gcónaíonn sealbhóir deimhnithe den sórt sin athnuachan a dhéanamh ó am go ham ar dheimhniú den sórt sin.

(3) Féadfaidh ceannfort ceantair ina gcónaíonn sealbhóir deimhnithe airm tine athnuachan a dhéanamh ó am go ham ar dheimhniú airm tine a dheonaigh ceannfort.

(4) Féadfaidh cigire nó sáirsint den Gharda Síochána sa cheantar ina gcónaíonn sealbhóir deimhnithe airm tine arna eisiúint ag ceannfort athnuachan a dhéanamh ó am go ham ar an deimhniú.

(5) Féadfaidh ceannfort, nó comhalta eile den Gharda Síochána, atá údaraithe faoin alt seo chun deimhniú airm tine a athnuachan (“comhalta údaraithe”) diúltú é a athnuachan, nó féadfaidh sé nó sí aon choinníollacha a bhfuil sé faoina réir faoi alt 4(2)(g) den Phríomh-Acht a athrú, más rud é amháin go bhfuil ceadú tugtha roimh ré ag an gCoimisinéir nó ag an gceannfort, de réir mar a bheidh, chun déanamh amhlaidh sa chás áirithe.

(6) Maidir le hiarratas ar athnuachan deimhnithe airm tine—

(a) beidh sé san fhoirm fhorordaithe,

(b) beidh an táille fhorordaithe (más ann) ag gabháil leis, agus

(c) féadfar é a dhéanamh laistigh de mhí amháin roimh dhul in éag don deimhniú.

(7) Beidh athnuachan deimhnithe airm tine san fhoirm fhorordaithe.

(8) Roimh dheimhniú airm tine a athnuachan, beidh comhalta údaraithe den tuairim go ndearnadh na coinníollacha a bhfuil sé faoina réir a chomhlíonadh agus go leanfar de bheith ag comhlíonadh na gcoinníollacha sin le linn na tréimhse a bhfuil an deimhniú á athnuachan ar a feadh.

(9) Tar éis deimhniú airm tine a athnuachan, féadfaidh comhalta údaraithe, faoi réir fho-alt (5) den alt seo, aon choinníollacha a bhfuil an deimhniú faoina réir faoi alt 4(2)(g) den Phríomh-Acht a athrú má tá sé nó sí den tuairim gur gá athrú den sórt sin ar mhaithe le sábháilteacht nó slándáil an phobail.”.

54.— Leasaítear alt 11 d’Acht na nArm Tine 1964—

(a) i bhfo-alt (1), trí “an tAire nó an Coimisinéir an tuairisc ar an arm tine eile a chur in ionad na tuairisce ar arm tine i ndeimhniú airm tine a thug sé nó sí” a chur in ionad “an tAire an tuairisc ar an arm tine eile a chur in ionad na tuairisce ar arm tine i ndeimhniú airm tine a thug sé”, agus

(b) i bhfo-alt (2), trí na nithe seo a leanas a chur isteach—

(i) “(seachas arm tine srianta)” i ndiaidh “arm tine” sa dara háit ina bhfuil sé, agus

(ii) “an tuairisc ar arm tine eile den sórt sin” a chur in ionad “an tuairisc ar arm tine eile”

55. — Leasaítear alt 13 d’Acht na nArm Tine trí na fo-ailt seo a leanas a chur isteach i ndiaidh fho-alt (6):

“(7) San alt seo, ní fholaíonn tagairtí d’arm tine agus d’amuinisean tagairtí d’arm tine srianta nó d’amuinisean srianta.

(8) Tá an t-alt seo gan dochar d’fho-ailt (4A) go (4G) d’alt 10 den Phríomh-Acht.”.

56. — Leasaítear alt 21 d’Acht na nArm Tine 1964—

(a) i bhfo-alt (1), trí “nó amuinisin” a chur isteach i ndiaidh “allmhairiú arm tine” agus i ndiaidh “allmhairiú airm tine”, agus

(b) tríd an bhfo-alt seo a leanas a chur isteach i ndiaidh fho-alt (2):

“(3) San alt seo, ní fholaíonn “amuinisean”—

(a) comhpháirteanna d’amuinisean, nó

(b) gránáidí, buamaí agus diúracáin eile den tsamhail chéanna nó comhpháirteanna díobh.”.

57. — Cuirtear an t-alt seo a leanas in ionad alt 26 d’Acht na nArm Tine 1964:

“Arm tine a bheith ag duine agus é nó í ag tógáil feithicle gan údarás.

26.— (1) Aon duine a sháróidh fo-alt (1) d’alt 112 den Acht um Thrácht ar Bhóithre 1961, agus a mbeidh tráth an tsáraithe sin arm tine nó arm tine bréige aige nó aici, beidh sé nó sí ciontach i gcion.

(2) Aon duine a bheidh ciontach i gcion faoin alt seo, dlífear, ar é nó í a chiontú ar díotáil—

(a) príosúnacht ar feadh téarma nach faide ná 14 bliana nó cibé téarma is giorra ná sin a chinnfidh an chúirt a chur air nó uirthi, faoi réir fho-ailt (4) go (6) den alt seo nó, i gcás ina bhfuil feidhm ag fo-alt (8) den alt seo, faoi réir an fho-ailt sin, agus

(b) de rogha na cúirte, fíneáil de cibé méid is cuí leis an gcúirt a chur air nó uirthi.

(3) Féadfaidh an chúirt, le linn pianbhreith a fhorchur ar dhuine mar gheall ar chion faoin alt seo, aird a bheith aici, go háirithe, i dtaobh ar ciontaíodh an duine roimhe sin i gcion faoi Achtanna na nArm Tine 1925 go 2006, faoi na hAchtanna um Chiontaí in aghaidh an Stáit 1939 go 1998 nó faoin Acht um Cheartas Coiriúil (Cionta Sceimhlitheoireachta) 2005.

(4) I gcás ina gciontófar duine (seachas duine faoi bhun 18 mbliana d’aois) i gcion faoin alt seo, déanfaidh an chúirt, le linn pionós a fhorchur, a shonrú gur téarma príosúnachta nach giorra ná 5 bliana an téarma príosúnachta íosta a bheidh le cur isteach ag an duine.

(5) Níl feidhm ag fo-alt (4) den alt seo i gcás inar deimhin leis an gcúirt go bhfuil imthosca eisceachtúla sonracha ann a bhaineann leis an gcion, nó leis an duine a chiontaítear sa chion, ar imthosca iad a d’fhágfadh go mbeadh an téarma íosta míchóir sna himthosca go léir agus, chun na críche seo, féadfaidh an chúirt aird a bheith aici ar aon nithe is cuí léi, lena n-áirítear—

(a) ar phléadáil an duine sin ciontach sa chion agus, má phléadáil—

(i) an tráth a cuireadh in iúl gur beartaíodh pléadáil ciontach, agus

(ii) na himthosca inar cuireadh an méid sin in iúl,

agus

(b) ar thug an duine cúnamh ábhartha maidir leis an gcion a imscrúdú.