Uimhir 32 de 1961.

ACHT AN BHAINNE (SOLÁTHAR AGUS PRAGHAS A RIALÁIL) (LEASÚ), 1961.

[An tiontú oifigiúil.]

Léiriú.

1936, Uimh. 43.

1.—San Acht seo—

ciallaíonn “Acht 1936” Acht an Bhainne (Soláthar agus Praghas do Rialáil), 1936;

ciallaíonn “bord” bord a bunaíodh faoi alt 8 d'Acht 1936;

ciallaíonn “foireann” an rúnaí agus na hoifigigh eile, na seirbhísigh agus na gníomhairí dá dtagraítear in alt 19 d'Acht 1936.

Aoisliúntas.

2.—(1) (a) Féadfaidh bord scéim nó scéimeanna a ullmhú agus a chur faoi bhráid an Aire chun aoisliúntais i modh pinsin nó aisce nó i modh pinsin agus aisce a dheonú dá chathaoirleach (má bhíonn sé fostaithe i bhfeidhmeannas lánaimsire mar chathaoirleach) agus do cibé aicmí de bhuanfhoireann an Bhoird a bheidh fostaithe i bhfeidhmeannas lánaimsire a gcinnfidh an Bord le toiliú an Aire arna thabhairt le comhthoiliú an Aire Airgeadais gur cheart iad a bheith inphinsin.

(b) I gcás aon duine a bheith ina chathaoirleach ar níos mó ná bord amháin agus gur comhionann an tseirbhís a bheidh tugtha aige do na boird ar a mbeidh sé ina chathaoirleach agus an tseirbhís a bheadh tugtha aige do bhord dá mbeadh sé fostaithe i bhfeidhmeannas lánaimsire mar chathaoirleach ar an mbord sin, féadfar, chun críocha scéime arna hullmhú faoin alt seo ag an mbord is mó a íocann luach saothair leis i leith a sheirbhísí mar chathaoirleach, a mheas go bhfuil sé fostaithe ag an mbord sin i bhfeidhmeannas lánaimsire mar chathaoirleach agus, i gcás ina ndéanfar aon liúntas faoin scéim sin a íoc leis an duine sin nó ina leith de dhroim sin a mheas amhlaidh, aisíocfaidh aon bhord eile ar a mbeidh sé ina chathaoirleach leis an mbord a d'íoc an liúntas cibé cuid de chostas an liúntais a chinnfear trí chomhaontú idir an bord deiridh sin agus an bord eile nó, cheal comhaontaithe, a chinnfidh an tAire le comhthoiliú an Aire Airgeadais.

(2) Socróidh gach scéim den sórt sin tráth scoir agus coinníollacha scoir do na daoine uile a mbeidh liúntais iníoctha leo faoin scéim, agus féadfar tráthanna agus coinníollacha éagsúla a shocrú i leith aicmí éagsúla daoine.

(3) Féadfaidh bord aon tráth scéim a chur faoi bhráid an Aire is scéim do leasú scéime a cuireadh faoi bhráid an Aire agus a ceadaíodh roimhe sin faoin alt seo.

(4) Déanfar i scéim a chuirfear faoi bhráid an Aire faoin alt seo go mbeidh éifeacht aici amhail ón lá (a bhféadfaidh sé gur lá é roimh an lá a chuirfear an scéim faoin bhráid an Aire amhlaidh) a shonrófar chuige sin sa scéim.

(5) Déanfaidh an bord scéim a chuirfear faoi bhráid an Aire faoin alt seo, má cheadaíonn an tAire í le comhthoiliú an Aire Airgeadais, a chur i gcrích de réir a téarmaí.

(6) Má tharlaíonn aon díospóid maidir le héileamh aon duine ar aon liúntas is iníoctha de bhun scéime faoin alt seo nó i dtaobh méid an chéanna, cuirfear an díospóid sin faoi bhráid an Aire agus tarchuirfidh seisean chun an Aire Airgeadais í agus is cinneadh críochnaitheach a bheidh i gcinneadh an Aire Airgeadais.

(7) Gach scéim a chuirfear faoi bhráid an Aire agus a cheadófar faoin alt seo leagfar í faoi bhráid gach Tí den Oireachtas a luaithe is féidir é tar éis a ceadaithe agus má dhéanann ceachtar Teach, laistigh den lá agus fiche a shuífidh an Teach sin tar éis an scéim a leagan faoina bhráid, rún a rith ag neamhniú na scéime, beidh an scéim ar neamhní dá réir sin ach sin gan dochar do bhailíocht aon ní a rinneadh roimhe sin faoin scéim.

(8) Bainfidh fo-alt (2) d'alt 29 d'Acht 1936 le haon ranníocaí a íocfar le bord faoi scéim faoin alt seo amhail is dá mba faoi Chuid II d'Acht 1936 a fuair an bord na ranníocaí sin agus bainfidh fo-ailt (3), (4) agus (5) den alt sin 29 le suimeanna is iníoctha ag bord i leith liúntais faoi scéim faoin alt seo amhail is dá gceanglódh an Chuid sin II ar an mbord na suimeanna sin a íoc.

Gearrtheideal, comhlua agus forléiriú.

3.—(1) Féadfar Acht an Bhainne (Soláthar agus Praghas a Rialáil) (Leasú), 1961, a ghairm den Acht seo.

(2) Féadfar Achtanna an Bhainne (Soláthar agus Praghas a Rialáil), 1936 go 1961, a ghairm d'Achtanna an Bhainne (Soláthar agus Praghas a Rialáil), 1936 go 1952, agus den Acht seo le chéile.

(3) Forléireofar Achtanna an Bhainne (Soláthar agus Praghas a Rialáil), 1936 go 1952, agus an tAcht seo le chéile mar aon Acht amháin.

Number 32 of 1961.

MILK (REGULATION OF SUPPLY AND PRICE)(AMENDMENT) ACT, 1961.

ARRANGEMENT OF SECTIONS

Number 32 of 1961.

MILK (REGULATION OF SUPPLY AND PRICE)(AMENDMENT) ACT, 1961.

Interpretation.

1.—In this Act—

“the Act of 1936” means the Milk (Regulation of Supply and Price) Act, 1936;

“board” means a board established under section 8 of the Act of 1936

“staff” means the secretary and other officers, servants and agents referred to in section 19 of the Act of 1936.

Superannuation.

2.—(1) (a) A board may prepare and submit to the Minister a scheme or schemes for the granting of superannuation allowances by way of pension or gratuity or both for its chairman (if he is employed in a whole-time capacity as chairman) and for such classes of its permanent staff employed in a whole-time capacity as, with the consent of the Minister given with the concurrence of the Minister for Finance, it determines should be pensionable.

(b) Where any person is chairman of more than one board and the service rendered by him to the boards of which he is chairman is equivalent to the service that would be rendered by him to a board if he were employed in a whole-time capacity as chairman of that board, he may be regarded, for the purposes of a scheme prepared under this section by the board that pays him the greatest amount of remuneration in respect of his services as chairman, as being employed by that board in a whole-time capacity as chairman and where, by reason of being so regarded, any allowance under that scheme is paid to or in respect of that person, any other board of which he is chairman shall refund to the board by which the allowance was paid such part of the cost of the allowance as may be determined by agreement between the latter board and that other board or, in default of agreement, by the Minister with the concurrence of the Minister for Finance.

(2) Every such scheme shall fix the time and conditions of retirement for all persons to whom allowances are payable under the scheme, and different times and conditions may be fixed in respect of different classes of persons.

(3) A board may at any time prepare and submit to the Minister a scheme amending a scheme previously submitted by the board and approved of under this section.

(4) A scheme submitted to the Minister under this section shall be stated as having effect as from a day (which may be a day before such submission) specified in that behalf in the scheme.

(5) A scheme submitted to the Minister under this section shall, if approved of by him with the concurrence of the Minister for Finance, be carried out by the board in accordance with its terms.

(6) If any dispute arises as to the claim of any person to, or the amount of, any allowance payable in pursuance of a scheme under this section, the dispute shall be submitted to the Minister who shall refer it to the Minister for Finance, whose decision shall be final.

(7) Every scheme submitted and approved of under this section shall be laid before each House of the Oireachtas as soon as maybe after it is approved of and if either House, within the next twenty-one days on which that House has sat after the scheme is laid before it, passes a resolution annulling the scheme, the scheme shall be annulled accordingly, but without prejudice to the validity of anything previously done thereunder.

(8) Subsection (2) of section 29 of the Act of 1936 shall apply to any contributions paid to a board under a scheme under this section as if such contributions were received by the board under Part II of the Act of 1936 and subsections (3), (4) and (5) of the said section 29 shall apply to amounts payable by a board in respect of allowances under a scheme under this section as if payment of the amounts by the board were required by the said Part II.

Short title, collective citation and construction.

3.—(1) This Act may be cited as the Milk (Regulation of Supply and Price) (Amendment) Act, 1961.

(2) The Milk (Regulation of Supply and Price) Acts, 1936 to 1952, and this Act may be cited together as the Milk (Regulation of Supply and Price) Acts, 1936 to 1961.

(3) The Milk (Regulation of Supply and Price) Acts, 1936 to 1952, and this Act shall be construed together as one Act.