Uimhir 32 de 1962.

AN tACHT UM AN OIREACHTAS (LIÚNTAIS DO CHOMHALTAÍ), 1962.

[An tiontú oifigiúil.]

Liúntas thar oíche.

1.—(1) San alt seo—

ciallaíonn “limistéar Bhaile Átha Cliath” an limistéar sin, agus contae-bhuirg Bhaile Átha Cliath ina cuid de, a ndearbhófar le rialacháin gurb é limistéar Bhaile Átha Cliath é chun críocha an ailt seo;

ciallaíonn “comhalta lena mbaineann an t-alt seo” comhalta de Dháil Éireann nó de Sheanad Éireann nach i limistéar Bhaile Átha Cliath atá a ghnáth-áit chónaithe de thuras na huaire;

ciallaíonn “tionól”—

(a) tionól de Dháil Éireann nó de Sheanad Éireann, nó

(b) tionól de choiste de Dháil Éireann nó de Sheanad Éireann ar comhalta de comhalta lena mbaineann an t-alt seo.

(2) I gcás ina bhfanfaidh comhalta lena mbaineann an t-alt seo thar oíche i limistéar Bhaile Átha Cliath, toisc—

(a) é a bheith beartaithe aige freastal ar thionól an lá dá éis sin, nó

(b) tionól a raibh sé i láthair aige críochnú ródhéanach chun go bhféadfadh sé filleadh abhaile an lá céanna,

déanfar liúntas thar oíche i leith cóiríochta den mhéid a bheidh ceadaithe de thuras na huaire ag an Aire Airgeadais chun críocha an ailt seo a íoc leis as airgead a sholáthróidh an tOireachtas.

Saoráidí teileafóin agus poist.

2.—Déanfar na saoráidí seo a leanas a dheonú, faoi réir cibé eisceachtaí, sriantachtaí agus coinníollacha a fhorálfar le rialacháin, do chomhalta de Dháil Éireann nó de Sheanad Éireann:

(a) glaonna teileafóin in aisce ó Theach Laighean,

(b) saoráidí poist in aisce de dhroim a dhualgas parlaiminte.

Rialacháin.

3.—(1) Féadfaidh an tAire Airgeadais rialacháin a dhéanamh chun críocha an Achta seo.

(2) Gach rialachán a dhéanfar faoin alt seo leagfar é faoi bhráid gach Tí den Oireachtas a luaithe is féidir é tar éis a dhéanta agus, má dhéanann ceachtar Teach acu sin laistigh den lá is fiche a shuífidh an Teach sin tar éis an rialachán a leagan faoina bhráid rún a rith ag neamhniú an rialacháin, beidh an rialachán ar neamhní dá réir sin ach sin gan dochar d'aon ní a rinneadh roimhe sin faoin rialachán.

Gearrtheideal, tosach feidhme agus comhlua.

4.—(1) Féadfar an tAcht um an Oireachtas (Liúntais do Chomhaltaí), 1962, a ghairm den Acht seo.

(2) Tiocfaidh an tAcht seo i ngníomh an 1ú lá d'Eanáir, 1963.

(3) Féadfar na hAchtanna um an Oireachtas (Liúntais do Chomhaltaí), 1938 go 1962, a ghairm de na hAchtanna um an Oireachtas (Liúntais do Chomhaltaí), 1938 go 1960, agus den Acht seo le chéile.

Number 32 of 1962.

OIREACHTAS (ALLOWANCES TO MEMBERS) ACT, 1962.

ARRANGEMENT OF SECTIONS

Number 32 of 1962.

OIREACHTAS (ALLOWANCES TO MEMBERS) ACT, 1962.

Overnight allowance.

1.—(1) In this section—

“the Dublin area” means such area inclusive of the county borough of Dublin as may be declared by regulations to be for the purposes of this section the Dublin area;

“member to whom this section applies” means a member of Dáil Éireann or Seanad Éireann whose normal place of residence for the time being is not in the Dublin area;

“meeting” means a meeting of—

(a) Dáil Éireann or Seanad Éireann, or

(b) a committee of Dáil Éireann or Seanad Éireann of which the member to whom this section applies is a member.

(2) Where a member to whom this section applies makes an overnight stay in the Dublin area because—

(a) he proposes to attend a meeting next day, or

(b) a meeting which he attended terminated too late to allow of his return home on the same day,

he shall be paid out of moneys provided by the Oireachtas an overnight allowance in respect of accommodation of the amount for the time being sanctioned by the Minister for Finance for the purposes of this section.

Telephone and postal facilities.

2.—The following facilities shall, subject to such exceptions, restrictions and conditions as may be provided for by regulations, be granted to a member of Dáil Éireann or Seanad Éireann:

(a) free telephone calls from Leinster House,

(b) free postal facilities arising out of his parliamentary duties.

Regulations.

3.—(1) The Minister for Finance may make regulations for the purposes of this Act.

(2) Every regulation made under this section shall be laid before each House of the Oireachtas as soon as may be after it is made and, if a resolution annulling the regulation is passed by either such House within the next subsequent twenty-one days on which that House has sat after the regulation is laid before it, the regulation shall be annulled accordingly but without prejudice to anything previously done thereunder.

Short title, commencement and collective citation.

4.—(1) This Act may be cited as the Oireachtas (Allowances to Members) Act, 1962.

(2) This Act shall come into operation on the 1st day of January, 1963.

(3) The Oireachtas (Allowances to Members) Acts, 1938 to 1960, and this Act may be cited together as the Oireachtas (Allowances to Members) Acts, 1938 to 1962.