Uimhir 13 de 1930.

ACHT UM SCRÚDÓIREACHT SCANNÁN (LEASÚ), 1930.

[4adh Meitheamh, 1930.]

An Príomh-Acht agus an tAcht Leasúcháin.

1.—San Acht so—

cialluíonn an abairt “an Príomh-Acht” an tAcht um Scrúdóireacht Scannán, 1923 (Uimh. 23 de 1923); agus

cialluíonn an abairt “an tAcht Leasúcháin” an tAcht um Scrúdóireacht Scannán (Leasú), 1925 (Uimh. 21 de 1925).

Reachtúchán atá ann cheana do leathnú i dtreo go mbainfe sé le fuaimeanna i dtaca le pictiúirí.

2.—(1) Má bhíonn i dtaca le ní is pictiuir do réir bhrí an Phríomh-Achta fuaimeanna gutha no eile tugtar amach le meain mheceaniciúla i gcó-aimsir leis an éifeacht radhairc gurb í an pictiuir sin í, ansan, chun an Príomh-Acht agus an tAcht Leasúcháin fé seach do chur i mbaint leis an bpictiuir sin agus do léiriú maidir leis an bpictiuir sin, beidh éifeacht ag na forálacha so leanas, sé sin le rá:—

(a) tuigfear na fuaimeanna gutha no eile sin do bheith sa phictiuir sin agus do bheith ina gcuid den phictiuir sin;

(b) tuigfear na meain mheceaniciúla le n-a dtugtar amach na fuaimeanna san do bheith in a gcuid den chinematograf no den fhearas den tsórt san le n-a dtaisbeántar an pictiuir sin;

(c) folóidh an pictiuir sin do thaisbeáint na fuaimeanna san do thabhairt amach; agus

(d) léireofar tagairtí do scannán agus do chlaonchló mar nithe fholuíonn fé seach tagairtí do recórd a bheireann amach na fuaimeanna san agus tagairtí do mhatrix o n-a ndearnadh an recórd san.

Cuid de phictiuir do ghearra amach.

3.—Féadfar le rialacháin a déanfar fé alt 12 den Phríomh-Acht pé socrú is ceart dar leis an Aire Dlí agus Cirt do dhéanamh maidir le coda de phictiuirí, ina mbeidh fuaimeanna a tugtar amach le meain mheceaniciúla, do dheighilt o sna pictiuirí sin, do thabhairt suas agus do choinneail fé mhír (a) d'fho-alt (4) d'alt 7 den Phríomh-Acht agus, in ionad na gcoda san do dheighilt, do thabhairt suas agus do choinneail, féadfar leis na rialacháin sin aon nós-imeachta áirithe d'údarú is dó leis an Aire Dlí agus Cirt do bheith chó maith agus chó héifeachtúil leis na coda san do dheighilt, do thabhairt suas agus do choinneail.

Gearr-theideal, léiriú agus luadh.

4.—(1) Féadfar an tAcht um Scrúdóireacht Scannán (Leasú), 1930, do ghairm den Acht so.

(2) Léireofar an tAcht so mar éinní amháin leis an bPríomh-Acht agus leis an Acht Leasúcháin, agus féadfar na hAchtanna um Scrúdóireacht Scannán, 1923 go 1930, do ghairm de sna hAchtanna san agus den Acht so le chéile.