Uimhir 3 de 1953.
ACHT CISTE NA nIASACHT ÁITIÚLA (LEASÚ), 1953.
[An tiontó oifigiúil.]
Méadú ar an méid airgid is ineisithe as ciste na n-iasacht áitiúla.
1.—Athghairmtear leis seo alt 1 d'Acht Ciste na nIasacht Áitiúla (Leasú), 1951 (Uimh. 18 de 1951), agus ina ionad sin achtaítear leis seo nach raghaidh méid iomlán an airgid a heiseofar as ciste na n-iasacht áitiúla i leith iasacht áitiúla i rith na tréimhse a luaitear i bhfo-alt (3) d'alt 4 d'Acht Ciste na nIasacht Áitiúla, 1935 (Uimh. 16 de 1935), thar suim seachtó milliún punt.
Suimeanna áirithe a dhíscríobh.
2.—(1) Déanfar na méideanna i leith príomhshuime agus úis a sonraítear sa Sceideal a ghabhas leis an Acht seo ag aon uimhir thagartha a dhíscríobh de shócmhainní ciste na n-iasacht áitiúla.
(2) D'ainneoin fo-ailt (3) d'alt 14 d'Acht Ciste na nIasacht Áitiúla, 1935 (Uimh. 16 de 1935), i gcás méideanna a dhíscríobh de bhun an ailt seo scoirfidh dliteanas aon duine chun na méideanna sin agus an t-ús pionósach a dlitear ina leith d'íoc.
(3) Measfar, maidir leis na méideanna a sonraítear sa Sceideal a ghabhas leis an Acht seo ag aon uimhir thagartha, an t-alt seo a theacht i ngníomh ar an dáta a sonraítear ag an uimhir thagartha sin.
Gearrtheideal agus comhlua.
3.—(1) Féadfar Acht Ciste na nIasacht Áitiúla (Leasú), 1953, a ghairm den Acht seo.
(2) Féadfar Achta Ciste na nIasacht Áitiúla, 1935 go 1953, a ghairm d'Achta Ciste na nIasacht Áitiúla, 1935 go 1951, d'alt 3 den Acht Airgeadais (Forála Ilghnéitheacha), 1945 (Uimh. 35 de 1945), agus den Acht seo le chéile.
AN SCEIDEAL.
Uimh. Thag. | Ainm an iasachtaí | An phríomhshuim atá le díscríobh | An t-ús atá le díscríobh | Dáta éifeachta an díscríofa | |||||
1 | Coimisinéirí Cuain Bhun Crannóige | £2,124 | 5s. | 5d. | £2,188 | 8s. | 1d. | 31ú Márta, 1941 | |
2 | Clancy, John | ... | £453 | 6s. | 0d. | £7 | 10s. | 3d. | 29ú Eanáir, 1943 |
3 | Kennedy, Margaret M. | ... | £58 | 18s. | 10d. | 5s. | 7d. | 5ú Samhain, 1937 | |
4 | Odlum, William Woods | ... | £201 | 6s. | 3d. | £4 | 18s. | 8d. | 1ú Feabhra, 1937 |