[EN]

Uimhir 43 de 1956.

[EN]

AN tACHT SRIANTA CÍOSA (BUANÚ AGUS LEASÚ), 1956.

[An tiontó oifigiúil.]

ACHT DO CHOIMEÁD AN ACHTA SRIANTA CÍOSA, 1946 I nGNÍOMH, AGUS DO DHÉANAMH SOCRUITHE, LE LINN É A BHEITH I nGNÍOMH, I gCÓIR BREISEANNA DLEATHACHA AR AON DUL LEIS NA BREISEANNA DLEATHACHA FAOI ALT 11, FO-ALT (2), MÍR (g), AGUS FAOI ALT 17, FO-ALT (2) MÍR (e), DEN ACHT SIN, ARNA MHODHNÚ LEIS AN ACHT SRIANTA CÍOSA (LEASÚ), 1949. [18 Nollaig, 1956.] ACHTAÍTEAR AG AN OIREACHTAS MAR LEANAS:— [EN]

Acht 1946 a bhuanú.

1.—Leanfaidh an tAcht Srianta Cíosa, 1946 (Uimh. 4 de 1946), i ngníomh go dtí an 31ú lá de Nollaig, 1957.

[EN]

Breis dleathach i gcás an tiarna talún do dhéanamh deisiúcháin áirithe.

2.—(1) I gcás ina ndéanfaidh an tiarna talún, i rith na tréimhse dhá bhliain 1956 agus 1957, suim a chaitheamh is mó ná dhá dtrian de chíos bunúsach áitribh rialaithe ag cur an áitribh i ndeisriocht réasúnach, is breis dleathach ar chíos bunúsach an áitribh suim a ríomhfar do réir an scála atá leagtha amach sa sceideal a ghabhas leis an Acht Srianta Cíosa (Leasú), 1949 (Uimh. 24 de 1949).

[EN]

(2) Dá réir sin, déantar leis seo an tAcht Srianta Cíosa, 1946 (Uimh. 4 de 1946), arna leasú leis an Acht Srianta Cíosa (Buanú agus Leasú), 1950 (Uimh. 28 de 1950), leis an Acht Srianta Cíosa (Buanú agus Leasú), 1952 (Uimh. 20 de 1952), leis an Acht Srianta Cíosa (Buanú agus Leasú), 1953 (Uimh. 34 de 1953), leis an Acht Srianta Cíosa (Buanú agus Leasú), 1954 (Uimh. 34 de 1954), agus leis an Acht Srianta Cíosa (Buanú agus Leasú), 1955 (Uimh. 24 de 1955), a leasú tuilleadh trí “nó 1956 agus 1957” a chur isteach i mír (g) d'fho-alt (2) d'alt 11, agus i mír (e) d'fho-alt (2) d'alt 17 go díreach i ndiaidh “1955 agus 1956”.

[EN]

Gearrtheideal, comhlua agus forléiriú.

3.—(1) Féadfar an tAcht Srianta Cíosa (Buanú agus Leasú), 1956, a ghairm den Acht seo.

[EN]

(2) Féadfar na hAchta Srianta Cíosa, 1946 go 1956, a ghairm de na hAchta Srianta Cíosa, 1946 go 1955, agus den Acht seo le chéile.

[EN]

(3) Déanfar na hAchta Srianta Cíosa, 1946 go 1955, agus an tAcht seo d'fhorléiriú le chéile mar aon Acht amháin.