Uimhir 20 de 1977

AN tACHT CAIRDE TIONSCAIL (LEASÚ), 1977

[An tiontú oifigiúil]

Léiriú.

1.—(1) San Acht seo—

ciallaíonn “Acht 1971” an tAcht Cairde Tionscail (Leasú), 1971.

(2) Forléireofar na hAchtanna Cairde Tionscail, 1933 go 1974, agus an tAcht seo mar aon Acht amháin.

Leasú ar an Sceideal a ghabhann leis an Acht Cáirde Tionnscail, 1933.

2.—Leasaítear leis seo mír 4 den Sceideal a ghabhann leis an Acht Cáirde Tionnscail, 1933—

(a) trí “£200,000,000” a chur i gclásal (i) d'fhomhír (d) (a cuireadh isteach le hAcht 1971) in ionad “seachtó is cúig mhilliún punt” (a cuireadh isteach leis an Acht Cairde Tionscail (Leasú), 1974), agus

(b) tríd an bhfomhír seo a leanas a chur sa mhír sin (d) in ionad fhomhír (iii):

“(iii) airgead a chruinneofar nó a gheofar ar iasacht amhlaidh in airgead reatha seachas airgead reatha an Stáit measfar gur coibhéis é in airgead reatha an Stáit an airgid iarbhír a cruinníodh nó a fuarthas ar iasacht, agus beidh an choibhéis sin in ionannas an méid, in airgead reatha an Stáit, an airgid iarbhír a cruinníodh nó a fuarthas ar iasacht, agus déanfar an comhshó de réir an ráta iomlaoide a bheidh i ngníomh tráth an idirbhirt;”.

Leasú ar alt 3 den Acht Cairde Tionscail (Leasú), 1958.

3.—Leasaítear leis seo alt 3 den Acht Cairde Tionscail (Leasú), 1958, tríd an mír seo a leanas a chur i bhfo-alt (10) (a cuireadh isteach le hAcht 1971) in ionad mhír (a):

“(a) na tagairtí do phríomhshuim atá i bhfo-alt (3) den alt seo glacfar gur tagairtí iad do choibhéis, in airgead reatha an Stáit, na príomhshuime iarbhír, agus is í an choibhéis sin méid, in airgead reatha an Stáit, na príomhshuime iarbhír arna ríomh de réir an ráta iomlaoide a bheidh i ngníomh tráth na ráthaíochta a thabhairt,”.

Cumhacht Meabhrán agus Airteagail Chomhlachais na Cuideachta a athrú.

4.—Déanfaidh an Chuideachta cibé bearta is gá faoi Acht na gCuideachtaí, 1963, chun Meabhrán agus Airteagail Chomhlachais na Cuideachta a athrú le go mbeidh siad i gcomhréir leis na hAchtanna Cairde Tionscail, 1933 go 1977.

Gearrtheideal agus comhlua.

5.—(1) Féadfar an tAcht Cairde Tionscail (Leasú), 1977, a ghairm den Acht seo.

(2) Féadfar na hAchtanna Cairde Tionscail, 1933 go 1977, a ghairm de na hAchtanna Cairde Tionscail, 1933 go 1974, agus den Acht seo le chéile.

Number 20 of 1977

INDUSTRIAL CREDIT (AMENDMENT) ACT, 1977

ARRANGEMENT OF SECTIONS

Number 20 of 1977

INDUSTRIAL CREDIT (AMENDMENT) ACT, 1977

Interpretation.

1.—(1) In this Act—

“the Act of 1971” means the Industrial Credit (Amendment) Act, 1971.

(2) The Industrial Credit Acts, 1933 to 1974, and this Act shall be construed as one Act.

Amendment of Schedule to Industrial Credit Act, 1933.

2.—Paragraph 4 of the Schedule to the Industrial Credit Act, 1933, is hereby amended—

(a) by the substitution in clause (i) of subparagraph (d) (inserted by the Act of 1971) of “£200,000,000” for “seventy-five million pounds” (inserted by the Industrial Credit (Amendment) Act, 1974), and

(b) by the substitution in the said paragraph (d) of the following subparagraph for subparagraph (iii):

“(iii) money so raised or borrowed in a currency other than the currency of the State shall be deemed to be the equivalent in the currency of the State of the actual money raised or borrowed, such equivalent representing the amount in the currency of the State of the actual money raised or borrowed, the conversion being made at the rate of exchange in operation at the time of the transaction;”.

Amendment of section 3 of Industrial Credit (Amendment) Act, 1958.

3.—Section 3 of the Industrial Credit (Amendment) Act, 1958, is hereby amended by the substitution in subsection (10) (inserted by the Act of 1971) of the following paragraph for paragraph (a):

“(a) the references to principal in subsection (3) of this section shall be taken as referring to the equivalent in currency of the State of the actual principal, such equivalent being the amount in the currency of the State of the actual principal calculated at the rate of exchange in operation at the time of the giving of the guarantee,”.

Power to alter Memorandum and Articles of Association of Company.

4.—The Company shall take such steps as may be necessary under the Companies Act, 1963, to alter the Memorandum and Articles of Association of the Company to make them consistent with the Industrial Credit Acts, 1933 to 1977.

Short title and collective citation.

5.—(1) This Act may be cited as the Industrial Credit (Amendment) Act, 1977.

(2) The Industrial Credit Acts, 1933 to 1974, and this Act may be cited together as the Industrial Credit Acts, 1933 to 1977.